][ قصة بنكات الأعضاء ][ - الصفحة 70

*نظره مني تسدك* · #1 07-12-2008, 11:30 AM

ههههههههههههههههههههههههههههههههههههههه

ما يحتاي كل القصه طرررررررررميقاا

نترقب الياي

استعيل ياخي.. __DEFINE_LIKE_SHARE__

الـروح دايـم · 07-12-2008, 01:08 PM

رووووووووووووووووعه

ماشاء الله مبروووووووووووك يلمعااااااااااااريس

ربي يعطيك العافيك بق بق

ونتريا الباجي من صوبك __DEFINE_LIKE_SHARE__

حكومة الغلا · 07-12-2008, 01:32 PM

اشكرك بقايا ع القصه الغاويه مثلك __DEFINE_LIKE_SHARE__

بقايا هواجس · 07-12-2008, 09:31 PM

يسلمو على المرور جاري اضافة البارت __DEFINE_LIKE_SHARE__

بقايا هواجس · 07-12-2008, 09:39 PM

][ قصة بنكات الأعضاء ][

الفصل الرابع

][ حلـے عن سماي و روح مالكـے شغل فيني ][

الجزء الخامس

صباح اليوم التالي

بقايا : ايهيه .. منو يتصل الحين
الوووه

الحريزي : السلام عليكم

بقايا : وعليكم السلام و الرحمه..

الحريزي : شوه بعدك راقد..

بقايا : لا تصدق توني بحط راسي

الحريزي : افى وين سهران و لا تخبرني

بقايا : مافي مكان معين يعني يوم هني
و يوم هناك ..

الحريزي : تستهبل .. نش بنسير دبي ياخي
مواعدين النورس هناك ..

بقايا : اووووه نسيت ياخي..

الحريزي : انزين متى ناوي تحرك دامك
توك بترقد ..

بقايا : عقب صلاة الظهر ..

الحريزي : زين اشوفك عيل فالمسيد ..

بقايا : وين خلاص سيدة بتسكر ..شو
اكيد مشغول بالقلب ؟

الحريزي : يا ريال خلها على الله ..
الظاهر جيه بتم .

بقايا : ما عليك شوي شوي بتاخذ عليك
بس اصبر شوي ..

الحريزي : حيك و حيه بسير ياخي
بقدم عدوام الله يعين ..

بقايا : يالله عيل توكل و موفق ..

الحريزي : يميع في مان الله ..

و تدخل حنان غرفة
بقايا ..

حنان : ايه انته قم ياللا ..

بقايا : شو تشوفيني ؟

حنان : انزين قوم بسك رقاد ..

بقايا : الله يهديج .. بس شو موعنج
انتي من وقت ..

حنان : هاه .. ما شي .. نش
اماه تباك ..

بقايا : الحين ياي ..

و يمر الوقت و تمر الأيام
و باقي على العرس اسبوع
و الأجازة شهر..

بقايا : هاه بالحرز شو جوك ؟

الحريزي : ياخي هاه حيك و حيه ..

بقايا : يا خي ما عليك تفائل تفائل ..

الحريزي : محد غير امك الله يسامحها
مشكلتني و لا انا شخصني بالأعراس ..

بقايا : انزين شو مزعلنك
ما عرست اليوم بتعرس باجر

الحريزي : و الله انت بالك وين
و انا بالي وين ياخي ..

بقايا : يا ريال ما عليك ..
هونها و تهون كل شي يهون ..

الحريزي : ياخي راسك عور اسكت
شوي ..

بقايا : الله يهديك بس ..
خلني بسير اجابل الربع
احسن ..

الحريزي : ياك خبر عن النورس ؟

بقايا : مادري ما يرد علي ..

الحريزي : ياللا ما عليه ..

بقايا : انزين ياللا بسير اشوف حجوزات
السفر و ادفع عنهن و راي اشغال بعد..

الحريزي : زين انا بعد وراي مخده بقيل شوي
لين ما اييني خبر من داخل ..

و تمر الأيام

و يقرب يوم العرس ..

و في بيت بنت الأفلاج ..

بنت الأفلاج : ها حنان خلصو
الأثاث ..

حنان : هيه .. الحين بينظفون..

بنت الأفلاج : زين اول ما يظهرون
بخري الحجره و دخنيها ..

حنان : اميه حتى انا عروس لازم ادلع
حتى في عرسي بتشغلوني ..

بنوتة : يا حليلج حنان خلاص خالوه
خليني انا بهتم بقسم بقايا يوم بيخلصون
ببخره و بدخنه و بعطره بس خليهم
يخلصون و خلي حنان تتهنى ..

حنان : زين في انسانه تحس فيني ابى
اكشخ ..

الدماني : عن الهذره كلنا نحس فيج بس
انتي عن البطره ..

بنوته : انزين ديموه وين ما تنبان ..

الدماني : لا بنوته لا تدورينها هاي
يارنها عرج خوالها هناك عندهم
ما تيلس عندنا ..

بنوتة : حليلها ما تنلام كلنا هنيه كبار
هناك كلهن من سناها ..

الدماني : بس حتى لو عرس اخوها ..

بنوتة : بنمر عليها نشلها يوم بنسير
وياج ناخذلنا اليوم ؟

الدماني : زين عسب ما يقولون مالها
خص فالعرس بنطقم معاها تحس حد
حولها ..

بنوتة : تكسر خاطريه صراحه ..

الدماني : انزين خلينا الحين نخلص
حق نمر عليها و نسير نتجهز..

و يمر يومين
ويحين موعد العرس ..

مزيون : بالمبارك منكم المال و منهن العيال..

بقايا : الله يبارك في حياتك .. شو شاد بالحيل
اليوم عصا و دهن عود و حالتك لله ..

مزيون : يعني تدري انته يوم نلعب
نلعب و يوم نكشخ نكشخ..

الحريزي : الحبيب بيغازل الظاهر ..

مزيون : انزين ماشي شارة يوله شي؟

بقايا : فاضيلكم البدو .. لا بابا ماشي
يوله شي بريك دانس ..

الشحي : ههههه .. ماشي حربيه
بس رزيف شتبغي فاليوله ..

مزيون : ما يصير عرب ..

بقايا : لا تقول عرب و علوم بدو
بكسر راسك .. مش فاضي اييب
و اشغل اغاني و اخذ اثم الناس
خلنا على الشي الرزيف و تراثنا الأصيل..

مزيون : انزين و شو غير ..

بقايا : في شارة بس حق الكبار يعني
الي عندهم لياسن ..

مزيون : يعني في لعب سيارات ؟

بقايا : هيه النورس حاط شارة
رقم رباعي اخضر ..

مزيون : عثره رقم رباعي شاره ..

بقايا : بعد مب بس انت يوم تكشخ تكشخ
حتى نحن يوم نستطيع نستطيع ..

مزيون : عاش ولد الخاله ..

بقايا : ايه لا تسب امك الخاله امي مب خاله ..

مزيون : هههه الله يسامحك

و بعد العرس
كل العرب سارت بيوتها
و كل معرس سار عند عروسه..

و يدخل بقايا مع حرمته قسمهم ..
و تسير قمورة تعق كشختها و فستانها
و ترد ..

قمورة : بقايا .. بقايا ..

بقايا : هاه ؟

قمورة : شفيك سرحان و زعلان؟

بقايا : ما فيني شي ..

قمورة : لا فيك شي انت مجبور فيني؟

بقايا : زين يوم تدرين ..

قمورة : ليش انا دوم جيه حظي ..

بقايا : لا تيلسين تلوميني بروحي الفيني
كافيني ..

قمورة : يعني انت ما تحبني ..

بقايا : هممم اعذريني من الجواب ..

قمورة : يعني كل الي بنيته على وهم؟

بقايا : لا تيلسين تلوميني الي فيني بروحه مب هين..

قمورة : ما الومك الوم هلنا الي خلوني اتحلم
و علقوني فيك و انا مادريبك اتحسبك مثلي ..

بقايا : لا تصيحين ..

قمورة : ما اصيح ؟! في احلى من هالخبر على البنت
في عرسها ؟!

بقايا : ياللا خلاص ..

قمورة : حل عني سير ..

بقايا : انا بسير برقد في صالتنا ..
لكن كل شي يهون لا تصيحين ..

قمورة : شو الي بقى حق يهون..

بقايا : ياللا ما عليه لاتمين جيه
خلاص قلتلج كل شي يهون ..
و لو اني مجبور لكن يمكن الأيام
تثبت لنا العكس ..
و ان نحن كانت لمتنا احسن ..

قمورة : خل عنك هالرمسه سير عني ..

بقايا : ياللا انا بسير و بخليج هنيه ..

------ --- --- --- --- -- --- --- -- --- ---
يا ترى شو بيصير بقمورة ؟ يا ترى شبيصير فبقايا؟
لوين بتودينا القصه ؟
لوين بنوصل مع هالمساله ؟ هل بتنحل المشكله ؟ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM