][ قصة بنكات الأعضاء ][ - الصفحة 68

بقايا هواجس · 07-09-2008, 11:45 PM

الصمت مب زين ..

-------------------------------

ديموه جاري اضافت بارت __DEFINE_LIKE_SHARE__

بقايا هواجس · 07-09-2008, 11:47 PM

][ قصة بنكات الأعضاء ][

الفصل الرابع

][ حلـے عن سماي و روح مالكـے شغل فيني ][

الجزء الرابع

الحريزي : يا ريال خلها على الله
ما شي ..
بس لا كيف مشاكل شو صار ..

بقايا : اول ما ردت عليه اهزبلك اياها
هزاب .. تمت زعلانه ..

الحريزي : عنه شحقه ..

بقايا : مادري بس جيه .. من الحب ما قتل
و من الحب ما هزب ..

الحريزي : يا حليلك .. بس زين
يعني سمعت صوت صار شي
صار اكشن ..

بقايا : بس اكشن افلام هنديه ..

الحريزي : و مسكين ..؟

بقايا : الظاهر حظه عابر مب مثلنا
اول ما سديت الخط عن المدام اشوف
الرضيعه تحتشر و تعطيني دروس في
كتاب شكلها بتألفه كيف تغازل حرمتك ..

الحريزي : ههههه .. يا حليلها احيدها
دوم متأثره بالأفلام الهندية ..

بقايا : خلنا منهم انزين انت كيف ما
صار شي اتصل و لا ما عطوك الرقم؟

الحريزي : ياليت .. لكن اتصلت ..

بقايا : و شو صار ؟

الحريزي : اتصلت .. ماردت ..

بقايا : و شو سويت ؟

الحريزي : تميت اتصل قلت
يمكن راقده خلني اوعيها ..

بقايا : انزين و نشت ؟

الحريزي : طلعت واعيه..
بس الظاهر ما تبى ترد ..

بقايا : و اخر شي ردت ..

الحريزي : ردت .. بس
تميت اسولف روحي ,,
اسلم اسأل اتنشد ماشي صدى

بقايا : قول والله ؟

الحريزي : والله ..

بقايا : الله يعينك ..

الحريزي : المهم تميت جيه
كم دقيقة ماشي رد قلت الظاهر
فاره التلفون بس جيه تتغلا ..

بقايا : مستحيل مب خوية الي
تسوية جيه هاي مسكينه ..

الحريزي : مادري بس قلت يمكن
الحين عروس تغيرت ..

بقايا : انزين و شو صار ..

الحريزي : يلست ساكت شوي
سمعت نصخ قلت عيل البنت ما تبى
تتكلم ..

بقايا : الظاهر مستحيه ..

الحريزي : الا الظاهر و اكيد اقول انا..

بقايا : و شو صار ..

الحريزي : ما شي قلت ترا رد السلام
واجب و انا بخير بس زعلان لنج ما رديتي..

بقايا : ردت عليك ..

الحريزي : سيدة سكرت..

بقايا : ليش ..

الحريزي : بس ياخي زعلت يوم
ماردت ..

بقايا : و ردت اتصلت ؟

الحريزي : لا طرشت مسج اونه
السلام عليكم انا بخير لا تزعل بس
ما اروم ارمسك استحي ..

بقايا : ههههه حليلها احيدها قبل كم
يوم مستويه سالفه ..

الحريزي : خبرتني ديموه قالتلي السالفه
الله يسامحك احرجتها و هي روحها من
دون سبب تنحرج و تستحي ..

بقايا : ما عليك حق تتعود شوي على الحياة..

الحريزي : انزين مر هالمحل يمدحونه
يقولون فيه خواتم حلوه دلع و راهيات ..

بقايا : ياخي انا ان مشيت معاك بقعد
على الرصيف اخرتها ..

الحريزي : يا خي خلك راهي شوي بتعرس
بعدين على فكره الموتر يباله تبديل ..

بقايا : بعد ..

الحريزي : ياخي بالعقل الي يشوفك يقول
ها عزابي فاضي بعدين صوت المكينه ازعاج
و كله تختض ما فيها راحه خذلك سيارة فارهه
معرس الحين انت و باجر ابو ..

بقايا : الله يعين يوم هاي اولها ..

و يمرون يشترون الهدايا ..

بقايا : ها انزل معاك عند العروس ..

الحريزي : نعم ؟ لا تعال وايها بعد..

بقايا : الله يالدنيا .. لا تخليني الحين
اسير اسوي لك مشكل داخل ..

الحريزي : اقول توكل لا اتصل على
مزيون بوظبي يخبر وزارة الشؤون
و العمال عنك تتصلك تهزبك الحين ..

بقايا : خلنا بعيدين يا حلو عن الوزارات
ما اتفقنى جيه ..

الحريزي : توكل و الحق على عروسك
لا تزيد الطين بله روحها تترياك على جمر ..

بقايا : صدقك ياخي حرام جيه
خلني اسير اراضيها بكم كلمة حلوه..

الحريزي : الا تعال ما اتصلك النورس ؟

بقايا : اوه يا ريال زين ذكرتني ..

الحريزي : ياخي كنت ناوي اعزمه بس
انشغلت ..

بقايا : لا انا عزمته و تعذر قال عند بعد
عرس حد من قرايبه ما يقدر ايي..

الحريزي : يا حليله .. ما عليه باجر بنسير
وياك دبي نمر نسلم عليه شو رايك ؟

بقايا : مافي مشكله بنسير دامك فاضي ..

الحريزي : يالله اشوفك باجر ..

بقايا : اشوفك باجر ..

و يسير بقايا عند بيت خالته
عشان يراضي العروس ..

بقايا : هود ..

مزيون : هدا ..

قمورة : ايه صبر بتغشى..

مزيون : ريلج غدا ..

بقايا : السلام عليكم ..

مزيون : وعليكم السلام ..

بقايا : ما شاء الله القمر منخش
عنا ..

مزيون : ايه لا تنغازل ختيه ترا
بضربك ..

بقايا : نسينا النسيب هنيه مشكله..
زين ذكرتني ..
قبل لا اتهور و اقول شي ..

مزيون : استريح القراء موجودين
عادي البيت بيتك ..

بقايا : و ليش متغشيه عني من قبل
تكشفين ويهج الحين قمت تغشينه ..

مزيون : اشوفك تزودها ..

بقايا : لا ما اقصد شي ..

قمورة : متغشيه لني زعلانه استرحت؟

بقايا : وليش القمر زعلان ؟

قمورة : السائل أدرى من المسؤول..

بقايا : زبن و اذ يبت لج هديه ..

مزيون : ها جدامي هدايا و مغازل
ورايه شو تسوون ؟

قمورة : مزيون سير ييب دلة القهوة ..

مزيون : ايوا طرده هاي ..

قمورة : انقلع عني لا اضربك ..

مزيون : ما عليه بسير اييب الدله
بس بسرعه عسب ما عطيكم وقت ..

بقايا : انزين ان قلت لج يا قمر متى
البدر يضوي سمانا ..

قمورة : اول شي القمر ما يضوي
ثاني شي لا تحاول بتم جيه لين
ما تراضيني حتى فالعرس بتغشى
عن الخلق ..

بقايا : الله يهديج ..
عادي زين احسن بعد ..

قمورة : ادري لنك مغصوب تاخذني
و ترتاح بتعذيبي ..

بقايا : ما قلت جيه ..

قمورة : لا قلت .. حل عن سماي سير
عني ..

بقايا : انزين بخلي هالهديه هني
اتمنى تقرينها ..

قمورة : ممم بقبلها بس خلها محلها

ما بشله من عندك خلها مكانها و سير ..

---- -- -- --- -- -- -- --- --- --- --- --
يا ترى شبيصير بين بقايا و قمورة ؟
يا ترى شصار بين خوية و الحريزي ؟
يا ترى شبيصير فالأجزاء الياية .. __DEFINE_LIKE_SHARE__

فلووونه · 07-10-2008, 01:26 AM

طاااااااااااااااااااااااااااااعوا انتوا >> شفر شفر

هههههههههههههههههههههههههههههههههههههههههههههههههه ههه

حليلها قموووره >> بس لساانه طويييييييييييل و ما شي مستحى بالمره

تسلم يمناك بقايا

و نرقب اليديد __DEFINE_LIKE_SHARE__

!...! · 07-10-2008, 02:30 AM

تسـلم

نتريا

نكست بارت

جاو __DEFINE_LIKE_SHARE__

خوية الشقا · 07-10-2008, 09:12 AM

هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه
وقسم بالله نقعت ضحك ..
اونه مستحيه ومطرشه مسج عقب ..
وربي تتحححححححفه من قلب هههههههههه ..
ما اتخيل اناا صدق جيه هههههههههههه ..
ولا الحريزي زعلان بعد اونه هيع ..
اسميني ضحكت من قلب والله ..
وقموره لسآنهآآ طويل .. عيب يآآبنت خلج شرآآت خويه ---> امحق ههههههه ..

الحريزي : ياخي بالعقل الي يشوفك يقول
ها عزابي فاضي بعدين صوت المكينه ازعاج
و كله تختض ما فيها راحه خذلك سيارة فارهه
معرس الحين انت و باجر ابو ..

هههه اونه كله تختض هههه كشخه التعليقآآت لوول ..

يالله نرقب البآآرت اللي عقبه بسررررعه ..
تسلم الايآآدي =] .. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM