][ قصة بنكات الأعضاء ][ - الصفحة 43

ام منصور · #1 06-13-2008, 12:25 PM

ههههههههههههههههههههههههههههههههههه

اسميه هالبارت اكشنات بس بسرعه خخخخخ

خويه تصيح ع هديه ما عندها سالفه لو ما اعرفها بقول لووووووووول

وحركات مسكين دوت كوم خخ وحنون ،،

يالله نترقب البارتات ،، -----} __DEFINE_LIKE_SHARE__

دلع القمر · 06-13-2008, 10:31 PM

حلوو البآرت
يآلله شو هآلرقه لي فـ خويووه

ومسكين طلع يحب حنوون كشخه

بس
الله يستر من بقآيآآ شو بيسوي ف حنون

سلمت اصبوعآتك بقآيآآ

تسلمين بنت الافلآج ع الطرح .. نترقب البآرت اليآي __DEFINE_LIKE_SHARE__

حكومة الغلا · 06-14-2008, 01:07 AM

تسلم بقايا ع القصه الغاويه مثلك
وبنت الفلي ع النقل

والاعضا الي في البارت لكم سلام خاص مني

تحياتي شماسي __DEFINE_LIKE_SHARE__

(****) · 06-14-2008, 11:29 PM

[align=center]تنويهــے:أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء ][

الفصل الثالث

][ أنا بغيب و ان كان لك قلب ازعل ][

الجزء الأول

و يبدا بقايا بضرب مسكين الي بدوره
سكت لأنه يعرف اذ رد على بقايا بيكون
غلطان و ممكن يسبب مشاكل لحنان ..

بقايا : ليش ما تدافع عن عمرك ؟؟

مسكين : ليش ادافع .. عشان اصير غلطان؟

بقايا : اسمع انا بوقف الحين .. بس صدقني
بيكون بينا كلام ثاني ان ما وقفت حركاتك..

مسكين : الله يسامحك ..

بقايا : يالله مع السلامه..

مسكين : ما بدعي عليك بقولك الرب لك حافظ..

و يسير بقايا عند الحريزي
عشان يطيرون و مسكين
يرد الميلس عند مزيون ..

(( مزيون بوظبي : اخو مسكين الصغير
عمره 16 سنه رايح ثاني ادبي ))

مزيون : اخوية .. شو مسوي بك جيه..

مسكين : بقايا ..

مزيون : و انت شسويت له..

مسكين : ماشي سالفه طويله ريح

بالك ما فيني شي ..

مزيون : بس هو ضاربنك و تقول جيه؟

مسكين : لو ابى ارد عليه كنت برد ..
بس ما بغيت ارد عشان يحس انه غلطان..

مزيون : انزين انت شو سويت ..

مسكين : سالفه طويله محد كان فيها
غلطان بس يوم ضربني بقايا غلط
و اذ انا رديت عليه كنت بصير انا الغلطان..

مزيون : ايوه يعني الحين هو غلطان هيه ..

مسكين : هيه بس انا مب ساكت له .. بقعد
على جبده ..

مزيون : الله يهديكم عيال خالة انتو ..
تصالحو اخير ..

مسكين : ما عليك بنتصالح اخر شي بس
انا اباه هو اي يستسمح مني عشان جيه
ما ضربته .. عشان ما انجبر و اسير اراضيه..

مزيون : انا بسير عندي مباراه بقعد عندكم
بصير مثلكم يالله اشوفك بعدين ..

مسكين : ربي يحفظك ..

شوي ويدخل مسكين المسن
يكلم حنان ..

حنان : ما قلت لك البنات عندي

مسكين : انزين بس سالفه كبيرة..

حنان : سرعه الحين يالسه روحي
بس في اي لحظه بينطن عليه ..

مسكين : بقايا اليوم ضربني ..

حنان : كيف و ليش و ليش مارديت عليه..

مسكين : كيف واعدني و انا اتحسبه يبغي
يسلم علي و اثره يبا يضربني .. ليش لني
احبج .. عرف بهالسالفه و يا يضربني عشان
ابتعد .. و ليش ما رديت لنه اخوج ..

حنان : حرام ما تستاهل .. سامحه عشاني
تلاقي كان متهستر انت تدري بصحته ..

مسكين : عشان جيه انا سكت .. لكن مب
معناها اني بوقف اطالعه ..

حنان : مسكين .. ارجوك لا تسوي سالفه
ها اخوي و الي يسمه يمسني و ما ظني
تبى تسوي شي يمسني ..

مسكين : هالي قاهرني بس ..

حنان : حياتي انته .. بس ارجوك ارجوك
لا تسوي اي شي .. خلك جيه سايرله ..
لا تنسى انه مريض ..

مسكين : هو متى مرض ؟؟

حنان : من فترة يوم كنا اول ثنوي..

مسكين : و شو صاربه ؟؟

حنان : مادري بس تغير فجأه .. تحيده
طيوب و ساكت ..

مسكين : هيه احيده ..

حنان : هو الحين بعده بس اوقات
تحسه يجلب و يصير وحش مب انسان..

مسكين : انا اظن انه يحب و الحب
سبب له المرض ..

حنان : ما اتوقع ..

مسكين : هو قالي يوم قلتي له بليد المشاعر
قالي كنت ابى اقولها قلبي حبيبي يعرف الحب قبلك..
يعني هو يحب من قبل ..

حنان : يمكن ..

مسكين : و الظاهر الطيب كان سبب في
مشكلته .. و الويه الثاني مجرد تمرد على
الطبيعة الي خسرته كل ما يتمنى ..

حنان : كنت كارهتنه .. بس الحين بديت
احس انه هو المظلوم و نحن ظالمينه..

مسكين : هالأحساس الي فيج حسيته و هو
يضربني كنت اقول انا ظلمته فما حبيت ارد..

حنان : مسكين ارجوك لا تخبر حد بالي بين
الحين و لا حتى بفكرة ان بقايا ممكن يكون يحب..

مسكين : ليش ..

حنان : مم في بنات بينصدمن يعني هن متخيالتنه
بيحب ..

مسكين : ما عليج فاهملج .. السالفه محد بيدريبها..
بس انا برد عليه قريب ..

حنان : شو بتسوي ؟؟

مسكين : ما عليج بتعرفين قريب ..
انا الي بيوقفه عند حده ..
مشاكله ما يفرها عليه..

حنان : اقولك خالوه دمون تزقرني
بسير اشوفها ..

مسكين : يالله ما عليه اشوفج
بعدين ..

حنان : باي ..

و في المطار ..

الحريزي : شو فيك بقايا..

النورس : انا بسير شوي تبغون شي؟

بقايا : سلامتك ..

الحريزي : شو فيك ..

بقايا : اسمع بيني و بينك.. انت
الوحيد الي يدري بكل ما فيني ..

الحريزي : انا خوك و واجبي هذا
و انت مب مقصر شال همومي ..
عطني شوية من همومك ..

بقايا : اليوم فالبيت صارت سالفه
حسيت فيها قلبي يتفطر..

الحريزي : و شو صار ..

بقايا : يا خي يوم رديت طلعت
بنت خالتي فالبيت فعطيتها الهديه
الزايده الحمرا ..

الحريزي : هيه احيدها ..

بقايا : عاد البنت انحرجت ..
و تمو يفاتنون و يسبوني ..

الحريزي : ما عليش تعود ..

بقايا : بس الي ذبحني اختيه
تقولي يا بليد المشاعر ..

الحريزي : مره ثانيه ..

بقايا : ياخي رديت على السالفه
الأوليه تذكرت كل شي و امتلى
قلبي غيظ ..

الحريزي : ياخي انسى خلاص
السالفه بتكمل سنتين ..

بقايا : ما اقدر .. ما اقدر ..

الحريزي : ما عليه و بعدين ..

بقايا : سرت لمسكين و فجيت
فيه كل غضبي ..

الحريزي : و شو دخله فالخط..

بقايا : تراه ظهر يكلم ختيه الحمار..

الحريزي : حنان.. ياخي ليش انت
جيه حنان بنت عاقل ما بتسوي شي
غلط .. و ان قالت انها تحبه فهي اكيد
تحبه ..

بقايا : مادري .. مادري .. بعد الي
صار ما عدت اثق في حد غيرك ..

الحريزي : ما عليك ختك عاقل و ما
عندها سوالف بطاليه ..

بقايا : بس الي خايف منه مسكين ..

الحريزي : لا تخاف لو يكون اخبث
الناس .. ختك عاقل و تخاف ربها و حولها
البنات اكيد ما بيقدر يسوي شي..
و نحن الا اسبوع و رادين ..

بقايا : مادري الخوف اذ مارديت

شو بيصير ..

الحريزي : قلتلك بأذن الله بترد ..
و اذ ما رديت انا بكون شوجه في
حلج هذا مسكين لو انعدم و لا انه
يمس ختك الي هي ختيه ..

بقايا : مادري لو لاك شو كان
بيصير بي ..

الحريزي : بقايا .. لا تم جيه انت
انسان زين بس لازم تنسى..

بقايا : ما اقدر ..

الحريزي : الحين خلنا نسير
النورس ياي غير السالفه..
و يوم بنرد انا بعلمك شقا تنساها..

النورس : شفيكم زعلانين ؟؟

بقايا : ما شي ..

الحريزي : ربيعك خايف ما يرد ..

النورس : بقايا انت الي تقولنا
قل لن يصيبنا الا ما كتب الله لنا
و الحين قمت تخاف ..

بقايا : مش خايف من الموت الموت
حق على كل شخص بس خايف على
هلي من بعدي ابوي متوفي و ما عندي
عموم و لا خال ..

النورس : اسمع انت بترد و اذ ما رديت
وعد مني امر كل يوم بيتكم المسا اشوف
اذ محتايين شي ..

الحريزي : و انا كل يوم الصبح بمر ..

بقايا : مادري شقول بس الشي الوحيد
الي اقدر اقوله انكم اخواني الي انحرمت
منهم ..

الحريزي : لا تصيح علينا بنسير الحين ..
و بنرد و بترد و بيطلع كلامي صح و ان
المستشفى هذاك خربوط و ما فيك الا
روعة عيايز الي يخافن من كل شي..

بقايا : ههههه الله ينطب بليسك..

الحريزي : بعدك صغير اعمار امتي بين
الستين و السبعين .. تبسم و تفائل الله ما
ينسى عباده ..

بقايا : ياللا خلونا نلحق على الطيارة ..
--- --- --- --- --- ---- ---- ---- ---
يا ترى شو بيصير في تايلند ؟
يا ترى شو بيكون رد مسكين على الحريزي
يوم بيعرف ان بقايا امنه على هله؟
يا ترى شو رد مسكين على الي سواه بقايا؟
[/align] __DEFINE_LIKE_SHARE__

*نظره مني تسدك* · 06-14-2008, 11:38 PM

مرحباااااااني

طرررررررررررررررر والله بس هالبااااااااارت يده قصييير

نترقب الياي وعساااااااكم ع القوه..^^ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM