][ قصة بنكات الأعضاء ][ - الصفحة 36

Roo7 wlhana · #1 06-04-2008, 11:12 AM

تسلمين ونتريا البااارت الياااي __DEFINE_LIKE_SHARE__

Єcтαтσôят_αŁ_qαŁв∂ · 06-04-2008, 08:38 PM

تسلميــن علــى البـــــــٍـٍـٍـٍـٍـٍـٍـٍـآرت الغــآوي ..<<

ونترقـــب البــــآرت اليــديد فــووق أحــر من الجمــر

حقيقـــة القصــة طرررررر والحوآر طرطريشــن

ثــآنكس بقــآيا هوآجــس على كتابتك القصــة

وتسلميــن بنــت الأفلاآآآج علــى الطرح ولا تبطيــن عليــنــآ

تـــك كيــر .. يحفــظج ربــي من كل شر ومن كــل مكروهـ .. آميــن .. __DEFINE_LIKE_SHARE__

,,SwaN}~ · 06-04-2008, 09:27 PM

لا لا لا

ما يصير كل بارت اقصر عن اخوه ما ايوووووز

شو هو بالقطارة بتقص القصه علينا يا بقبق؟؟

هههههههههه

يلا ما عليه ما بلاه شي البارت زوين

بس كله صوب وخوية صوب خخخخخخخخخخ

اونها مؤدبة >> لا شكرا انا مرتاحه جيه هههههههه

ميخصه ام لسانين هههههههه

المهم نتريا بارت اطول شويه شو ها ليش جيه البارتات قزمة؟؟!!

خخخخخخخخ

طانكيو ماماتيه لانج خليتينا نطلع وطانكيو عالبارت خخ

=) __DEFINE_LIKE_SHARE__

ام منصور · 06-05-2008, 06:56 PM

اهااا ناايس االبات اكشنات ( بدايه الاكشنات ) لووووووووول

انزين يابقايا ،،

لي يكون المهم ندش السينما
و بعدين بنفكر فالفلم ..

عليك نوور ههههـ بس ادش وبعدين بفكر ف الفلم ------------------ in my dream

لدماني : يمكن تكون بويه ؟؟

قمورة : يمكن بس ماحيد عندنا بويات ..

الدماني : هههه ها كله من بقايا ..
خرب اخلاقي القياديه علمني اهجول..
تبون تجربون ..

حنان : لاااااااا .. بس وقفي يمين ..

الدماني : شوفيج زغتي ..

حنان : نزليني برد البيت بتكسي..

الدماني : ليش ..

حنان : انتي مينونه بتذبحينا ..

الدماني : ههههه اسولف ..

مشكله الصراحه disaster ف القصه انا خخخ ^^ ع طاري اهجول مادل شو

ذكرتني بايام اخويه سيد بن سيد الهاشمي لو مب هو ما عرفت شو يعني اهجول وهو كان كاتب الهجوله شئ جيه المهم ههه والله لو يدري اني كنت فلاح بتيه جلطه اياااامـ ،،

ع العموم نايس البارت ونترقب الزود ،، __DEFINE_LIKE_SHARE__

(****) · 06-05-2008, 09:02 PM

[align=center]تنويهــے:أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء ][

الفصل الثاني

][ سواها قلبي يا حبيبي و حبك ][

الجزء الثالث

بعد ما خلصوا الشباب عشاهم
راحو بيرقدون في ميلس النورس..

و في نص اليل ..

الحريزي : بقايا شو فيك ..
بقايا ..

بقايا : ما فيني شي ياخي ..

الحريزي : عنه كل ها و ما فيك
شي ..

بقايا : يا خي ويع و بيروح.. ارقد ارقد..

الحريزي : قم معايه بنسير السبيتار..

بقايا : يا ريال ما فيني شي غصب هو..

الحريزي : هيه غصب صحتك هاي..

بقايا : يا ريال خلك محلك ويع و بيروح..

الحريزي : ياخي البيت مب بيتنا و لا بييب
الدكتور لين هني .. لا تخليني اييبه و تفضح
النورس المسكين ..

بقايا : خلاص الحين بقوم ..

و يحركون المستشفى ..

و بعد الكشف..

الحريزي : ها دكتور طمنا ..

الدكتور : والله انا مش عارف ازي اتكلم
اصله المرض ده بيني و بينك خطير .. جامد اوي..

و صعب عليه انه يعيش اكتر من شهور ..

الحريزي : يا ريال غير بدل ..

الدكتور : ده الي انا اشوفه بحكم الكشف الي عليه
بس الأعمار بيد الله و انتو ناس مسلمه و فاهمين
ان الموت حئ ..

الحريزي : بس مب جيه ..

الدكتور : والله ان الت الي عندي .. عقبك عقبك
هو ممكن يعيش الأعمار بيد الله بس انا بؤولك من
وجهة نظر الطب هو مش حيعيش اكتر من شهور..

بقايا : شو قال الدكتور ..
الحريزي تكلم شفيك ..

الحريزي : الدكتور يقول ..

بقايا : تكلم ..

الحريزي : الدكتور يقول انك
ما بتعيش اكثر من كم شهر ..

بقايا : ياخي ما عليك من حد
قل لن يصيبنا الا ما كتب الله لنا..
لا تصيح يا ريال انا المريض مب
انته ..

الحريزي : ياخي .. ما عرف شقول
بس عمري ما تخيلت اني بكمل بدونك
و اني بسير الكلية و برد دونك ..

بقايا : ما عليك يا ريال .. لو صار الي
صار ترانى ربع ..

الحريزي : تذكر يوم كنا نصرق همبا
من شيرت يدتك .. و خالتك تربع ورانا
تقول النص بالنص لنها شيرتهم ..

بقايا : ههه ياخي كانت ايام و ان شاء الله
بعد بنرد و بنصرق همبا و بنعرس بعد
مع بعض ..

الحريزي : ان شاء الله ..

بقايا : بس ابغي اامنك على هلي
يا بن حريز .. و ابغيك تشوفهم من
بعدي .. و اي حد اي يخطب حنان
لازم تكون انت مكاني ..

الحريزي : ما عليك يا ريال من كلامهم
ان شاء الله كله غلط و ما في شي ..

بقايا : اقولك ..

الحريزي : لا تقول و لا شي..
انا هذا شكله ما يطمني الدكتور
احسه مزارع و لا طباخ ..

بقايا : انت لي يبتنا عنده ..

الحريزي : اسمع نحن طلعتنا بعد
اربعة ايام هناك بنرد نفحصك و نتأكد..

بقايا : هههه ياخي ما بسافر ابى
اقعد مع هليه ..

الحريزي : الحين كنسلت مافي ..
بتسافر يعني بتسافر دفعنا التذاكر
خلاص ..

بقايا : خلاص ان شاء الله..

الحريزي : ياللا خلنا نرد ..

بقايا : زين بعد بنمر نصلي
الصبح و بنتعلث بها ..

الحريزي : الخوف يكون عرف
قبل الصلاه ..

بقايا : استعيل بوي خلنا نظهر ..

الحريزي : يالله بنحرك ..

و يوصلون المسيد و يوم
يظهرون يلقون النورس ..

النورس : سامحوني ما وعيتكم
للصلاه .. قلت خلهم مستريحين ..

الحريزي : ياخي ما عليك نشينا
ترانا ويينا ..

النورس : شو هالعيازه يايين المسيد
بالسيارة ..

الحريزي : ما ندله كنا نتحسبه بعيد..

النورس : ما عليه الحين دليتوه..
المره اليايه بنظهر مشي..

و في بوظبي ..

حنان : يالله بسير ارقد انا ..

الدماني : انا بصلي و بلحقج..

قمورة : آآآآآآآآه .. الرقاد العجيب..

بنوتة : خوية .. خوية ..

خوية : هاه ..

بنوتة : قومي صلي عقب ردي
ارقدي ..

الدماني : حليلها مب متعوده على
السهر رقدت عنا ..

قمورة : احسن لها ..

بنوتة : عشان جيه ما اباها اتي..
ادريبكم بتخربون ختيه المسكينه..

حنان : لا هي حليلها كله بروحها..
خليها معانا ..

الدماني : بس الحين بتسمعكم و هي تتوضى
بتزعل ..

بنوتة : انا برقد عنج ..

الدماني : قمورة قومي عن شبريتية..

قمورة : عشاني خالوه ابى ارقد عدالج ..

الدماني : رقدي عدال حنان على الأرض
و انا و بنوتة على الشبرية ..

بنوتة : لا أنا برقد عدال حنون ابى
اسمع قصصها العجيبة .. مكتبة قصص
هندية متحركه صايره..

الدماني : خخخخ خلاص رقدي قمورة ..

قمورة : بعد تفكير غيرت رايي .. خلي
خوية ترقد فوق .. لأنها بعدها ما صارت
من الشله فلازم نكرمها اول ثلاثة ايام ..

الدماني : بعد احسن عشان ما تحشروني
هي رقادها هادي انتن ترافسن ..

بنوتة : ما عليه الحين صرتي ما تبيني
مادامك صرت تبغيهم و عليه تبديهم ..

الدماني : يالله الحين على هاي الكلمه
بتاكلوني .. خلكن كوول ..

بنوتة : سكتو يت خوية ..

خوية : صليت .. منو رقد مكاني ..

حنان : انا خذته ..

خوية : الحين وين ارقد..

الدماني : رقدي معايه على الشبرية
الدواشق ماتكفي .. الا اذ تبين ايبلج
دوشق بقايا ..

خوية : منو بقايا ؟؟

الدماني : صدق انج مغفية .. رقدي
على الشبرية و بس .. لا تفكرين
الرقاد بيخليج تقولين اشيا ما نعرفها..

و يرقدن البنات ..

و في دبي ..

النورس : ها بقايا كرك و لا نس كافية..

بقايا : الا فسقيني كاسات خمر و غني لي..اوه
قصدي كاسات كرك ..

الحريزي : بن روغه على العوق..

النورس : تبغي اليوم بنسير نشرب
معاك ..

بقايا : زين بنجرب مشروبات روحانيه

الحريزي : لا انا برد عنكم بوظبي عيل..

بقايا : افا بتخون فيني ..

الحريزي : لا مب جيه ..
بس ياخي فتايلند فتايلند ..

بقايا : انزين بنسخن هنيه..

الحريزي : يا ريال بسك ..
اشرب كرك يعد الراس بس يكفي

النورس : عيل خلاص بنكسل المشروبات
الروحانيه .. بعدين تعال نحن ناس ماديين
شلنا فالروحانيات ؟؟

الحريزي : انا روحاني بس ما اشرب
عادي الروحانية ديانات ..

النورس : ياك ها بعد ..

بقايا : زين خلونا الحين نرقد شوي لين تطلع
الشمس عقب بنرد نناقش..

الحريزي : ترتيب احسن شي تصدق
الأكل و الرقاد ما ينمل منهم..

النورس: الريال رقد عنا ..

الحريزي : عادي ياخي خله ..
يالل تصبح على خير..

النورس : تمسي بالنور..

و يمر الوقت و الناس نيام..

و في بوظبي ..

خوية : الدماني الدماني..

الدماني : هاه..

خوية : نشي ابى اسير
البيت ما يبت ثياب..

الدماني : انزين صبري
الحين رقدي العصر بنسير..

خوية : و انا شو يرقدني يصبرني
للعصر ..

الدماني : الحين بتنش بنوتة معصبه
حطي راسج عدالي و رقدي ..
احسلج من انج تنهزبين جدام البنات
ختج تروع كامل الأوصاف يوم تعصب..

خوية : ابيه .. خليني ارقد احسن ..
--- ---- -- --- -- -- -- --- -- -- ---
يا ترى شبيصير في بقايا؟
[/align] __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM