][ قصة بنكات الأعضاء ][ - الصفحة 32

الحريزي · #1 05-31-2008, 02:56 PM

السلام عليكم ورحمة الله وبركاته ..

بقايا *.* شحالك طويل العمر ههههههاااي .. يالله حيييييييه والله ما قصرت في ذمتي ابداع ودمج رهيب و تنسيق تفرقع ...

تسلم ع الطرح .. وو

gg مشكوة يا --{ .. بنت الأفلاج ، على الطرح والتكمله ^^ فيج الخير ..،

مم

اربيعنا النورس والله زين حلاتها الشله المترقعه هههه ,.

و حناان ( بنت الخاله سابقاً , احين اختـ صديق الطفوله لول ..، جيد

خفـ عليناا ويا الدماني شكلهاا مجرمه شر لحد يقربهاا .. ملبقه خخخخ ..

,,

نترقب الجزء الثاني ,. والبارت ليديد ^^

اخوكـ الحريزي .. ]--

..
__DEFINE_LIKE_SHARE__

,,SwaN}~ · 05-31-2008, 09:15 PM

حنان : 92% ..

بقايا : هههه نفس النسبه اليديدة ..

حنان : ياللا ارقصو افرحو شوفيكم
يا للا بقايا ميري مهبوب ميري سنم..

هههههههههههههههه

يعلك يا بقبق

دم بجكجك هههه

بصراحه اذا عالنسبة حلوة تستاهل دور ميري مهبوب ميرير سنم

ههههههههههه

حلو البارت

يلا نتريا البات اللي عقبه

=)

ميغسي بنت الافلاج للمره 3

=) __DEFINE_LIKE_SHARE__

بنت شامس · 05-31-2008, 10:16 PM

يسلمووو ووو __DEFINE_LIKE_SHARE__

(****) · 06-01-2008, 01:12 PM

[align=center]تنويهــے:أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء ][

الفصل الثاني

][ سواها قلبي يا حبيبي و حبك ][

الجزء الأول

بعد يومين ..

بقايا طالع مع الحريزي
يتحوطون ..

الحريزي : انزين و وين بنسير
الحين ..

بقايا : مادري مليت من كل مكان

الحريزي : يا خي ملل دون النورس..

بقايا : عاد بعد بيسير بلاد سوي سلام
مشان فاملي ..

الحريزي : ههههه .. تعال هو الا في
دبي ..

بقايا : هيه..

الحريزي : ياخي بنسيرله بنقعد معاه
و بنتكشت ..2 في 1..

بقايا : فوقه ما قول لا ..

الحريزي : انزين عيل خلاص الحين
بيرد كل منا بيته و العصر بنظهر
سيارة وحده ..

بقايا : خلاص الساعه 5 ..

الحريزي : اوكيه ..

و يرد بقايا البيت ..

بقايا : السلام عليكم ..

حنان : صبر صبر ..

بقايا : شو في ..

حنان : ادخل الحين ..
وعليكم السلام ..

بقايا : اوه عربان عندنا هنيه..

حنان : انزين شتبى فالعربان..
خلهم على صوب قولنا انت شو تبى
و حل عنا البيت كله بنات ..

بقايا : الله طرده بالقو ..

حنان : يعني 5 بنات شو خص ولد
بينهم ..

بقايا : ماشي بسير ارتب ثيابي بسير
عند ربيعي دبي ..

حنان : الله بسير معاك ..

بقايا : انطمي و يلسي عند عربانج..
ياللا انا بسير ارتب ..

قمر : انتي ليش جيه؟؟

حنان : شو جيه ؟؟

قمر : عادي نحن الا بنات خالته
تطردينه من البيت قوليله خلك بعيد عنا..

حنان : عادي متعود ..

الدماني : حليله بقايا ..

بنوته : ليش حليله ما ينقصه شي..

(( بنـ UAE ـوته : بنت خالتهم الثانيه مش اخت
قمورة عمرها 20 سنه ..))

الدماني : صدقج .. الحين سيارة و كشخه و مغازل
و كله حواطه .. و نحن كله هنيه ..

قمورة : انزين انتي عندج سيارة بنسير نتحوط..

الدماني : يا زين حظي عادي ويا السيارة كملت
ثلاث سنين الحين .. بقايا سيارته يديدة ..

بنوته : انزين بس هو بعد بيعج هالسيارة كم سنه..

الدماني : صح ما عليه نسبه و تناسب لكن فكونا
منه ..

حنان : انزين و وين كنا ..

قمورة : كنا نبا نسير باسكن ..

الدماني : انزين بنسير المسا مب الحين

قمورة : و ليش ان شاء الله شو تترين

الدماني : انتي اخاف عليج .. ضعيفة
و جيه تاكلين ..

قمورة : ضعيفه من هموم الدراسه بس
خلاص خلصت .. الحين بقعد فالبيت اكل
براحتي .. ماعندي اي ضيق..

الدماني : ليش ما بتدخلين كلية؟

قمورة : الكلية للبنات الي لهن مستقبل لكن
انا عيازه و ما احب لا طب و لا هندسه..
خليني قاعده فالبيت معززه مكرمه حولي
حشم و خدم .. اخير لي ..

الدماني : يالله على القمر ليزا .. الظاهر انتي
من نسل المونى ليزا ..

بنوته : هاي بنت خالتي صح سوي مثلي كله
رقاااااااد فالبيت و عقب موتي ملل..

قمورة : عاد انا يوم بحس عمري مليت بعرس..
انتي ليش ما عرستي ؟؟

بنوتة : يا حسرة ياني واحد يستاهل و قلت لا..
انا ما اقبل بأقل من جامعي او علمي ..
و لازم عرس كبر الدنيا ..

الدماني : خقاقة تراج ما بتعرسين جيه ..

بنوتة : شسوي يوم عيال خالاتي كلهم خريجة
ادبي و فعمري يعني محد خلص كلية و لا شي
مسكين فالكلية و بقايا و مزيون اصغر عني
خبريني منو أخذ ..

الدماني : حليلج .. انا ما فكر فالعرس اساسا..

حنان : ليش ان شاء الله ..

الدماني : خليني اخلص و اشتغل عقب
ما اكون نفسي و استغر بعرس ..

حنان : بسألج منو فيكم الريال ؟؟

الدماني : لا مب جيه بس يعني
عشان ما يقولي ما تكملين دراسه
ولا شي الي بياخذني ياحذني و انا
كيف ما انا ما يبدل فيني ..

قمورة : مادري بس انا بتنازل عن
اي شي عشان اصير ام ..

حنان : ها اخر احلامج ..

قمورة : شو المشكله كل حد له حلمه..

حنان : انتي اول كبري عقلج عقب
صيري ام ..

قمورة : مم صح اني شوي عقلي لكن
بعدني ياهل يوم بكبر بصير ام صالحه..

الدماني : صالحه و لا شما ..

بنوته : هههه الدماني بس مب زين الحش
في بنات الخلق ..

و في غرفة بقايا..

بقايا: يكلم عمره : هاي الشنطه و عدلناها..

خلني اسير اشوف شو سوت حنان
في كمبيوترها ..

ممم

شو الباس ! حطت باس..

شو بيكون شو بيكون ..

بجرب .. ما اشتغل ..

مممم يمكن هذا ..

هههه حاطه رقم اماه..
يعني صعب افكر فيه ؟

خلني ادخل شوي فالمحادثات.
اشوف ..

منو هالأيميل .. مب غريب
عليه ..

خلني اقرى المحاداثات ..

مسكين !! الهرم شو كاتب ..

ايهيه .. دواك عندي لو اني

مب مشغول جان ذبحتك ..

بس دواك انت و حنان يوم

برد ..

يرن تلفونه ..

بقايا : الوه ها بن حريز ..

الحريزي : انا خلصت بس
بظهر الحلاق ..

بقايا : زين انا عيل بتكشخ بعد
صبر بظهر معاك و من هناك
بنحرك عيل ..

الحريزي : خلاص عطني ربع
ساعه عندك بكون ..

بقايا : يكلم عمره : حظك يا مسكين
اني بسير اليوم دبي ..
بس يزاتك عندي يوم برد..

و ينزل بقايا بيسير يتريا

الدماني : وين ساير ..

بقايا : ترا قلتلكم بسير دبي ..

الدماني : انزين ييبلي شي معاك..

بقايا : عاد انزين شو تبين .؟

الدماني : مم اي عطر شي جيه كشخه
المهم اخسرك في سيرتك ..

بقايا : و انتي حنان ما تبين؟

حنان : ممم انا ابى ممم ما ابى شي
اي شي كشخه و غالي زين ما حب
رخيص ..

بقايا : عزاة افتقرت اليوم ..
و انتي قمورة ما تبين بعد شي؟

قمورة : انا .. مابى ..

بنوتة : استحت البنية حليلها ..
انزين شعنه ما سألتني انا و لا
مب تارسه عينك يعني ؟؟

بقايا : الهدايا للصبايا بس مش
للعيايز ..

بنوته : يالي ما تستحي انا اكبر
عنك بسنتين بس يالهرم .. بعدين
نسينا ما كلينا .. يوم انت ياهل
و كله انا العبك و خالتك تشرد..

بقايا : الأول تحول كبرت الحين
قبل كنتي تدلعيني تيبين لي حلاوه
و جيه حركات الحين مايبتي لي شي..

بنوتة : ما عليه هاي يزاتي .. افى
طحت من عيني يعني الأول فحايتي
يوم ما تروم تشتري ما تصدق متى
بسير الدكان تتلصق حق اشتريلك..

بقايا : خلاص لا تزعلين كله و لا
بنوته انتي الكل في الكل بيبلج هديه
غير عن كل الهدايا ..

بنوته : اويه .. يعني انت بتشتريلي هديه؟
وياحليلك انا يالسه اهزبك خلاص سير
بس يبلي لا تييب لحد ثاني ..

بقايا : يالله في مان الله .. بشتريلكم كلكم
الا قمورة ..

بنوتة : زين احسن حق اغايضها ..

الدماني : ربي يحفظك ..

بقايا : يالله في مان الله ..

حنان : فكنا و حل عنا ما تشوف
في بنية مفتشله منك و متغشيه افهمها
- - -- -- -- -- --- -- -- -- --- -- --- -
يا ترى شو بيصير بقايا ؟شو بيصير فمسكين ؟

شو بيصير فحنان ؟ شو بيصير فالحريزي ؟[/align] __DEFINE_LIKE_SHARE__

خوية الشقا · 06-01-2008, 01:19 PM

مكاااااااااااااااااااااااااااني

،
،،
---{ وووووووووووووووووووووو ،،
كشخه هههههه دخلناا الفصل الثااني هيع ،،
كشخه والله هالبارت ،،
ولا بنوته اونه عمرهاا 20 ياااااالعيوز ههههههه ،،
والله النورس صار مهم فحياة بقايا والحريزي خخخخ ،،
اونه هب شي بدونه ،،
يالله من قدك يالياابس بيوصلون لي عندك هيع ،،
دمون حاسده الريال ع سيارته هههههه اونه يديده محد قالج تظهرين سياره قبله ---> شدخل خخخخ ،،
تسلم بق بووقي ع هالباارت الغااوي ،،
وتسلمين عيوزتناا ع طرحه ،،
بانتظار اللي عقبه =) ،، }---
،،
، __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM