][ قصة بنكات الأعضاء ][ - الصفحة 28

خوية الشقا · #1 05-28-2008, 01:27 AM

،
،،
---{ هيع قمووره تو النااس خخخ ،،
بااجر عقب بااجر جييه يمكن ينزل لوووول ،،
تدرين لازم عنصر التشويق يشتغل ،،
هههههههههههههههههههههه ،،
يالله بانتظر الباارت 4 =) ،، }---
،،

، __DEFINE_LIKE_SHARE__

! غرشوووبة بوظبي ! · 05-28-2008, 10:58 AM

[align=center]ماشاء الله عليك يابقايا هواجس ... طلعت فنان ومبدع مب من ورانا ..
القصه طررررررررررر..

اترقب الباجي .. ^^

لي عودهـ ...[/align] __DEFINE_LIKE_SHARE__

*نظره مني تسدك* · 05-28-2008, 04:19 PM

حوووووووووه

يا عرب الخير كنه هالبارت طووووووول وااااااااااااايد صح

بقاااااااياااااااااا اين انت؟؟؟؟؟؟

نحن في انتظااااارك

....^____* __DEFINE_LIKE_SHARE__

(****) · 05-28-2008, 06:37 PM

[align=center]تنويهــے :أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء][

الفصل الأول

][ نروح المدرسة بدري نضحك داخل الطابور ][

الجزء الرابع

بقايا رايح الميلس
و تدخل الدماني البيت..

(( الدماني : خالت بقايا الصغيرة 21 اخر سنه
دبلوم في كلية التقنية ))

بقايا : اوه السلام عليكم خالوه..

الدماني : و عليكم السلام و الرحمه ..

بقايا : كيفو الحلو ..

الدماني : بقايا مب فايقه لك
الحين ورايا مشاكل لين راسي..

بقايا : يسلمو خالوه بس تمهلي
على عمرج..

الدماني: زين زين ..

بقايا : ترا اذ تبين حنان في المطبخ
تسوي نس كافيه ..

تروح الدماني المطبخ ..

الدماني : السلام عليكم..

حنان : و عليكم السلام ..

الدماني : اوه قمورة هنيه..
حي الله قمورة شحالج..

قمورة : بخير خالوة ..شحالج
انتي ..

الدماني : مصدعه من الكلية
دامكم تسوون نس كافيه ابغي
قلاص لي لان عندي دراسه
و انتن بتراعنني و بتيبن لي..

حنان : اكيد بقايا خبرج.. الله ينطب
ابليسه .. فالج طيب..

الدماني : ياللا مو مشكله انا بسير
حجرتيه و بنزل اتغدى حد فيكم
ما تغدا ؟؟

حنان : ويه من زمان متغدين و قريب
بنتعشى ..

الدماني : مو مشكله تغدو مره ثانيه
متنو شوي ..

قمورة : خلاص خالوه بنتغدا معاج
مره ثانية ..

حنان : نعم انا مسوية رجيم سوري تغدو
روحكم ..

الدماني : على شو يحظي كلي الي يشوفج
يقول ظاهرة من مجاعه ..

قمورة : ما عليج بتاكل بس شو الغدا..

الدماني : يعني غير عنكم نفسه بس بتسخنه
الخدامة لين ما اي..

قمورة : افا نبغي برجر كنج..

حنان : لو برجر كنج انا موافقه بلغي الرجيم..

الدماني : اتغدو معايه و البرجر كنج مره غير
ياللا سرعه..

قمورة : و الحين شو بنسوي في النسكافية ..

حنان : بنصبه فدله و بعد الغدا بنشربه ..

قمورة : و بقايا ؟؟

حنان : لا تفكرين فيه وايد .. ما عليج بوديله
كوب الحين ..

قمورة : زين ..

و يمر الوقت عليهم ..
و يحل المسا ..

حنان : منو هالي يتصل الحين ..

قمورة : مسكين .. حليله اكيد ياي
يشلني..

حنان : ردي عليه هذا ذلنا ما يباج
تباتين عندي بعد..

قمورة : الوه ..

مسكين : وعليكم السلام ..

قمورة : السلام عليكم ..

مسكين : ياللا اترياج برا..

قمورة : زين صبر شوي
لازم اسلم على بنت خالتي
و عقب خالاتي عقب بي..

مسكين : زين سرعه ..

و يسيرون مسكين و قمر
البيت و في الدرب ..

قمورة : مسكين..

مسكين: ها شو فيج بعد ..

قمورة : ليش بقايا عنده سيارة
كشخه وخقه و انت لا ..

مسكين : هههه مب ضروري
اكشخ و لا تبيني اصير مثله ..

قمورة : و شو فيه يا زينه دومه
كاشخ ..

مسكين : بس الكشخه مب كل شي..
تبين تعرفين من وين هو ياب ها
كله ؟

قمورة : هيه ..

مسكين : ها كله يسمونه الورث
و انتو ختوه اكيد فالمدرسه ..

قمورة : هيه .. بس يعني حنان
ما احسها نفس الشي ..

مسكين : لان حنان بنت فمابتشتري
سيارة و ما عرف شو ..

قمورة : هيه صح ..

مسكين : بس بعدي هي عندها ..
لكن بقايا ما يخليها ادقهن ..

قمورة : ليش ؟؟

مسكين : كيفه بس هو ما يباها تدقهن
هو يصرف عليها من الي اييه و يصرف
على امه ..

قمورة : و خالوه ما عندها شي..

مسكين : لا خالوه الي اييها يروح على الواجب
مطرشه هريس حق قوم فلان و ذبيحه حق علان
و تاخذلنا هدايا يوم ننجح من وين بتصرف على
الكل.

قمورة : هيه.. و هم ما عندهم بيت ..

مسكين : عندهم بس مأجرينه و ايهم من وراه..

قمورة : انزين ليش هم قاعدين فبيت خالوه..

مسكين : ها بيت يدوه مب خالوه .. و كل
خالاتي يبن خالوه تقعد فيه عشان يوم يتيمعون
تكون هناك من قبل ..

قمورة : بس ها بيت الكل يعني ..

مسكين : هيه بيت الكل ..

قمورة : و لو طلعناهم يصير.؟

مسكين : هيه يصير ..ليش؟

قمورة : بس أسأل .. مع انهم عندهم فلوس
يعني يقدرون يعيشون فبيتهم ..

مسكين : بس اسكتي .. انتي حشره الفلوس
مش كل شي ..

قمورة : بس من اسباب السعادة ..

مسكين : بس في حالت حنان و بقايا لا..

قمورة : ليش أن شاء الله ..

مسكين : انتي تبين أبوج و لا الفلوس ؟

قمورة : أكيد ابويه ..

مسكين : و لو قلت لج بعطيج كل شي تحمين

فيه و اي مبلغ تبين .. بس اذبحي ابوج..

قمورة : ما بوافق ..

مسكين : خلاص مش دايم الفلوس تسبب
السعادة أحيان في اشياء اثمن من أنها تنشرا

بفلوس ..

قمورة : صح كلامك ..

مسكين : اسكتي و لا اباج تطرين هالسالفه
مره ثانيه ..

قمورة : ان شاء الله ..

و يوصلون مسكين و قمورة..

وفي المسا حد ضاف حنان
على الأيميل..

حنان : السلام عليكم ..

مسكين : وعليكم السلام ..

حنان : منو ؟؟

مسكين : خمني ..

حنان : بلا غلاسه ما اكلم
شباب ..

مسكين : أدري انزين انا مش
الشباب ان الوصل..

حنان : لو سمحت امسح ايميلي
و انطم..

مسكين : ههههه سوري .. صبري
لا ترشيني بلوك..

حنان : نعم شعندك؟؟

مسكين : انا مسكين ولد خالتج..

حنان : انزين يالحمار ليش ما تكلمت
من قبل..

مسكين : الحين انا حمار ما عليه
بس يالس اسوي فيج مقلب..

حنان : انزين فكني من حشرتك

مسكين : هممم .. ما عليه بظهر
الحين اشوفج بعدين ..

حنان : مع السلامه ..

و في مكان ما كان بقايا راد
مع الحريزي و النورس من
عند المدرس ..

الحريزي : ها شو التريب باجر..

النورس : مادريبكم بس انا شكلي
بغيـب ..

بقايا : اخير يا ريال .. خلاص عيل
وين السهره اليوم؟

النورس : لا وين نسهر يا ريال
خلنا بعيد عن الشبهات لين بعد
الأمتحانات..

الحريزي : صدقه الريال .. بنريح
شوي لين بعد الأمتحانات ..

بقايا : زين براحتكم .. عيل خلاص بنزلكم
الحين و سير اخمدها لين الصبح
اخير .

الحريزي : اخير .. انزين و باجر وين بنتيمع؟

النورس : ما ادريبكم وين بتسيرون ؟

الحريزي : باجر بنقعد في ميلسيه ندرس ..

بقايا : زين .. عاد زين لو ندرس..

النورس : ما عليك شد الهمه بس و بننجح..

-- --- -- -- -- -- -- --- --- -- --- --- --- --

يا ترى شو بيصير في الشلة ؟
يا ترى شو سبب اسئلة قمورة؟
شو يدور فبالها ؟[/align] __DEFINE_LIKE_SHARE__

,,SwaN}~ · 05-28-2008, 06:41 PM

محجووووووووووووووووووووووووووووووووووووووووووووووز

صباح الخير>>> تونيه ناشه من الرقاد >> الساعه الآن 7 الا ربع المغرب هع هع

زين لحقت دوري خخخ اول رد

يالله قمروه مب هينه .. من احينه تحاتي البيزات؟؟!!

وين تبين ههههههه تراج عايشه تاكلني وتشربين وتدرسين ههههههه

الله واكبر عليج قولي لا اله الا الله مب زين عليج تحسدين الناس ههههههههههه

ممممم

مسكين ضايفني؟؟ خير شو يبا؟؟

حركات

هههههههههه بس احلى شي دمون تستوي خالوه خخخخخ

خالوه الصوغننه خخخ حلاته عشان انلعوزها واناقز على شبريتها ونعفس كبتها خخخخ

حلو البارت بقبق

بس والله انه بطئ جدا جدا خخخخ جيه ما بنخلص هع هع

يلا مكانش مشكل

في اتظار البارت اللي عقبه

بنوتة فلوجه ميرسي عالجهود مره ثانيه

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM