][ قصة بنكات الأعضاء ][ - الصفحة 24

ريامي · 05-26-2008, 07:56 PM

القصة طرررررررررررر..
ما شاء الله عليك..
جذبني عنوانها الصراحة..
نتريا التكملة بفارغ الصبر...

ادري طولت عليك..
بس بيكون لي دور في القصة ولا لا ؟؟

تقبل مروري اختك ريامي.. __DEFINE_LIKE_SHARE__

خوية الشقا · 05-26-2008, 07:59 PM

،
،،
---{ هههههههههههههه ،،
خلاص اوك نرقب بنت الافلاي عيوزتناا ،،
وربي يحفظك وين ماتكون ،،
تروح وترد بالسلامه =) ،، }---

،،
، __DEFINE_LIKE_SHARE__

(****) · 05-26-2008, 11:27 PM

تنويهــے :أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء][

الفصل الأول

][ نروح المدرسة بدري نضحك داخل الطابور ][

الجزء الثالث

ينزل بقايا الحريزي و النورس
فالفريج و يروح يشل حنان من المدرسه

بقايا : يالله ركبي شفيج واقفه؟

حنان : ممم ربيعتي تبا اتي بيتنا..

بقايا : و منو هاي ان شاء الله ..

حنان : قمورة ..

بقايا : منو قمورة هاي ؟؟

حنان : يعني اي قمورة بنت خالوه..

بقايا : و ليش قلتي ربيعتج قولي قمورة
بتي معانا ..

حنان : مادري بس ما كنت ابى تعرف..

بقايا : زقريها سرعه بسير ارقد..

حنان : خقاق .. صبر شوي ..

بقايا : جالدي..

حنان : ياللا اكيه يايه ..

قمورة : السلام عليكم ..

بقايا : وعليكم السلام ..

و تمضي رحلة هادئة الى البيت
حنان مستغربه ليش هم ساكتين
ناسيه انهم كبرو و صارو يستحون
من بعض ..

و يوصلون الى البيت..

طبعا البنات سارن
غرفة حنان و الخدامة
ودت لهن الغدا ..

بنت الأفلاج : و شو سويت
اليوم فالمدرسة..

بقايا : لا اليوم اصطلبت اعجبج
شاركت و ركزت اليوم كنت
100% متابع ..

بنت الأفلاج : ما عليه قص عليه..

بقايا : صدق ..

بنت الأفلاج : المدير اتصل و قالي
انهم طلعوكم من الساعه 9..

بقايا : ههههه انزين انا عشان جيه
ركزت .. حطيت مجهودي في ساعه وحده..

بنت الأفلاج : بقايا ترا ان ما يبت نسبة
تدخلك الكلية بقطع عنك المصروف ..

و انت دبر عمرك ..

بقايا : أماه شفيج خايفه ..

بنت الأفلاج : ثنوية هاي و انت مول
ما تحاتي ..

بقايا : ما عليج اطمنج يبت تسعين
في هالتقويم ..

بنت الأفلاج : و الفصل الأول ..

بقايا : الفصل الأول يبت 76 زينه
نسبة تدخلني الكلية ..و الجامعه لو
أبى ..

بنت الأفلاج : لا ابويه انت هنيه
جيه مسوي بالعرب و مكسرهم
تسير هناك شو تسوي تجتل الخلق..

بقايا : الحين انا ولدج المسكين صرت
مجرم ..

بنت الأفلاج : مش مشكلتي قلت لا
يعني لا .. الكلية يا زينها طالع
عيال خوالك كلهم فيها ..

بقايا : ان شاء الله بنحدر الكلية
بس لا تحرقين أعصابج اخاف
عليج يصيبج ضغط و لا سكر ..

)) و في غرفة حنان ((

حنان : عاشو .. شفيج اليوم فالسيارة
سكتي ..

قمورة : مينونة انتي شو تبيني يعني
اسوي ؟؟

حنان : سولفي عادي نفس قبل ..

قمورة : هذاك قبل نفس ما قلتي..
الحين كبرنا كم بيلس اقولج ..اكتبها
بخط عود على يبهتج؟؟ الأول تحول..

حنان : لو سمحتي كله و لا يبهتيه..
بعدين تخربين اللوك مالي..

قمورة : ايهيه .. يتنا راعية اللوك ..
ترا بعفص ويهج..

حنان : سوري ماما..

قمورة : يتنا راعية الأفلام الهندية
انزين شو اخر فلم شفتيه..

حنان : ما عرف كله ايلس اعيد
الأفلام يوم يخلصن ..

قمورة : ما دري شو يعيبج فيهن
كله خرط ..

حنان : بس خرشه و يلعبن باحساس
القلب ..

قمورة : ما علية بس جذب مكود ..

حنان : بعدين اكثر واقعية من الأفلام
مالتج ..

قمورة : و شوفيهن ..

حنان : اي جيش يذبح ملايين من كل مكان
فرنسين و سودان و كل شي بس اي امريكي
واحد يذبح الجيش كله .. سوبر مان اهو ..

قمورة : الهنود مافيهم جيه..

حنان : الهنود اكثر واقعيه بعدين ما يكفخ
ناس غيره يكفخ هنود هناك اذ تلاقو امريكين
سوو لهم فلم من اربعين جزء عسب بس يتكاسرون
و بعد الميتين جزء يموت واحد يكون انتحر من
كثر ما مثل ..

الهنود غير كله هنود القوي و الضعيف الغني و الفقير..

قمورة : الله يعيني بس عليج ..

و يمر الوقت و يرن تلفون قمورة .

قمورة :اوهوه ..

حنان : منو بعد ..

قمورة : هذا مسكين ..

(( مسكين اخو قمر الي اكبر منها
21 سنه في كلية التقنية ))

حنان : شو يبى هذا بعد ..

قمورة : صبري خليني ارد
مو ساحرة انا ..

قمورة : الو ..

مسكين : الوو قمورة ..

قمورة : وعليكم السلام ..

مسكين : امبيه نسيت .. السلام عليكم..
ياللا ظهري بردج البيت ..

قمورة : يالسه اذاكر ترا ..

مسكين : ممم متى بتردين عيل ؟؟

قمورة : انت عندك شغله ..

مسكين : اذ ما شليتج الحين و انا راد
من الكلية ما بشلج لين الساعه 10 ..

قمورة : ما في مشكلة .. ترا يالسه ادرس
هني هناك كله واحد تعال شلني المسا ..

مسكين : زين ذكريني اتصلي بنسى ترا..

قمورة : أن شاء الله ..

مسكين : ياللا باي باي ..

حنان : ها بشري ..

قمورة : بيلس لين المسا ..

حنان : زين .. انا بسير اسوي
نس كافيه ..

قمورة : بسير معاج ..

حنان : لا عادي قعدي ..

قمورة : شدعوة بنت خالوه انا
مب غريبه ..

حنان : ياللا ..

و في المطبخ ..

حنان : الجمعه الماضية محد يى
ظنج ايون الجمعة هاي ..

قمورة : اكيد ..

حنان : خوفي يغيرون يمعتهم ..

قمورة : مستحيل ها بيت يدوه و من
سنين اليمعه فيه ..

حنان : مادري بس الحين يدوه محد..

قمورة : ما عليج حتى لو يدوه سبير
موجوده لا تنسين ان امج الكبيرة ..

حنان : الله يسمع منج..

قمورة : بعدين اماية تقول ان امج
مربيتنها و حسبت امها .. لا تنسين
انها ربتهم .. خصوصا يوم انها
تمت عمر و ما ياها عيال ..

حنان : بس الحين ييت انا و ما في
حد يشاركني بأمي الا بقايا ..

قمورة : يالبخل .. هههه

حنان : زين خلينا نخلص النس كافيه..

بقايا : ايها هل البيت ..

قمورة : أويه خليت الشيلة
في الغرفة ..

حنان : خلج هنيه انا بسكر باب

المطبخ قبل ما اي و بشوف شو يبا..

بقايا : شفيج سكرتي الباب شو تسون
داخل ؟؟

حنان : مالك خص ..

بقايا : افا افا .. اخوج خبريني عادي
بس باكل معاكم ..

حنان: تحرك حلجها : سير عيب البنيه من دون شيلة..

بقايا : تكلمي ال تحركين شفايفج ما افهم..

حنان : البنت داخل بدون شيله ..

بقايا : قولي انزين .. انا بسير اقعد فالميلس
دامكم فالمطبخ سوولي كرك ..

حنان : سوري .. اذ تبى بنسويلك نس كافيه
معانا و لا تريا الخدامة تنش ..

بقايا : نس كافيه نس كافيه .. شسوي بعد
امري لله ..

حنان : انزين سير الميلس سرعه ..

بقايا : صبري نسيت شو كنت ابى اقول..

حنان : سير بعدين خبرني ..

بقايا : تذكرته .. لا نسيته ..

حنان : سير اقولك البنيه داخل ..

بقايا : اصلا ما ابى شي بس استهبل..

حنان : يالحمار تعال براويك..

بقايا : ياللا اتريا النس كافيه ..

حنان : بحطلك فيه سم ..

0-- -- -- 0- - -- -0 – 0—00- -- 0-- - -

يا ترى شو بيصير فالأجزاء اليايه ..؟ __DEFINE_LIKE_SHARE__

Ťĕ®мίŊăŧŐŕ-ĂĐ · 05-26-2008, 11:45 PM

وحليلك يا بقايا

يبون يجتلوونك

الله كريم

سلمت ع البارت

ونتريا ردتك

والعيوز بنت الفلي

سلمتي ع البارت

تراني موصي بق بق عليج

عسب يعطيج البارتات تنزلينهن انتي

لووول __DEFINE_LIKE_SHARE__

,,SwaN}~ · 05-26-2008, 11:51 PM

تسلم بقبق عالبارت اليديد

ما تيوز عن حركات استهبالك

خليت البنيه تستحي هههههههه

نترقب البارت اليديد

بنت الافلاج

يسلمو الايادي على توصيل الامانه

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM