تتأثر بــمـآ يـقــال لــــك - الصفحة 4

دبر عمرك · 06-02-2008, 08:37 PM

المشاركة الأصلية كتبت بواسطة همس الشوق

//

فهل تتأثر بمايقال لك من اشخاص خلف شاشه؟

اكيد >< لانه شي ينقال عني

ممكن تتأثر اذا احد قال لك انه ماخذ بخاطره عليك وتحرص انك تعتذر له اذا كنت مخطئ وتوضح له

اذا كان فاهمك غلط؟

لازم استسمح منه لو كنت غلطانه

لو فاهمني غلط بفهمه قصدي

وكل الامور بتمشي عادي ^^

تستمع للنصيحه؟

واحب النصايح

واذا انتقدوك بشي تسعى لإصلاح هالشي ولا تهمل هالنقد وتمشي على ماانت عليه؟

طبعا اصلحه لو اني احب نفسي

ببدا بتغيير باأأأي شي يضرني ويزعج الغير فيني ^^

يعطيك العافيه اخويه

ونتريا كل يديد منك

[align=center]هلا بتس اختي

ربي يعافيتس.. شكراً على المرور الطيب

آخـوتس

الخـآلــدي[/align] __DEFINE_LIKE_SHARE__

دبر عمرك · 06-02-2008, 08:40 PM

المشاركة الأصلية كتبت بواسطة +[عواشي]+

انا عن نفسي حساسه درجه اولى..واي انتقاد جارح واااااااااااااااااايد يأثر فيني ..و اشل في خاطري من الشخص ..بس ماابين له اني مجروحه منه او انه الي قاله ماعيبني ...و اكثر من مره صادفني الموقف..و اتم كاتمه في قلبي الشي...بس اتم حاقده ع الشخص..الين يصادف موقف و اتضارب و ياه او وياها..و عقب يكتشفون اني مازلت شاله في خاطري..
..
بس من ناحيه اذا حد قالي شي بس بطريقه و اسلوب مؤدب و مب جارح و الله احطه فوق راسي.. واستانس انه هالاشخاص اهتموا لي ...
بعطيك مثال..انا اسوي تصاميم بالفوتوشوب...اذا حد قالي احلى بيطلع لو سويتي عليه الشي الفلاني او شي جيه ..استانس اذا انتقادهم كان بأسلوب نصحي...بس لو حد ياني و قال خربطيشن ...انتي ماتعرفين و مسويه نفسج ماادري شووو....هاي وايد اخذ في خاطري منها...

..

ولو دريت انه شخص زعلان مني او شايل في خاطره مني ..والله ادور رضاه من تحت الارض...لانه الصراحه الانسان مايضمن عمره و مايضمن انه يعيش ولا..ولازم الانسان يبات ليله و هو مصفي قلبه من كل الاحقاد..

..

هاذا مثال..و تصادفنا وايد مثل هالاشياء في حياتنا اليوميه..و احيانا نحاول نتخطاها و احيانا مانقدر..
شكرا لك اخوي على هاذا الطرح النقاشي الرائع..تقبل مروري و السموحه..

[align=center]مرحبآ اختي

اشكرتس على المشاركه الطيبه..لاخلا ولا عدم

آخـوتس

الخالدي[/align] __DEFINE_LIKE_SHARE__

دبر عمرك · 06-02-2008, 08:43 PM

المشاركة الأصلية كتبت بواسطة مدية

السلام عليكم ورحمة الله وبركاته

هـلا خويه

تتأثر بمايقال لك من اشخاص خلف شاشه؟

أحيـانــــــــا

ممكن تتأثر اذا احد قال لك انه ماخذ بخاطره عليك وتحرص انك تعتذر له اذا كنت مخطئ وتوضح له

اذا كان فاهمك غلط؟

شوف ياخوي ع حسب الشخص نفسـه .. هو وغـلاه عندي

تستمع للنصيحه؟

ع حسب النصيحة ..

واذا انتقدوك بشي تسعى لإصلاح هالشي ولا تهمل هالنقد وتمشي على ماانت عليه؟

بفكر في النقد لو كان بناء ولا .. واكيد لو هالشي بيصلح من حالي ليش لا!!!

تسلم يالخالدي دوومك متميز .. يعطيك العافية واترقب يديدك .

وسوالم

[align=center]وعليكم السلام ورحمة الله وبركاته

منوره خيتي..

ومن قال يسلم اشكرتس على مرورتس الطيب ولاتحرميني هالتواصل

آخـوتس

الخـآلـدي[/align] __DEFINE_LIKE_SHARE__

دبر عمرك · 06-02-2008, 08:46 PM

المشاركة الأصلية كتبت بواسطة ابكي زمان بكاني

تسلم اخوي الخالدي ع الموضوع الغاوي

فهل تتأثر بمايقال لك من اشخاص خلف شاشه؟

مرات..بس الشخص الي ما يعرفك.. ما يثمنك مثل ما يقولون.. واعتبرها غلطة شاطر و ما بيعيدها.. اما اذا عادها!! مع السلامه الرب حافظ له..انا في درب و هو او اهي في درب..

ممكن تتأثر اذا احد قال لك انه ماخذ بخاطره عليك وتحرص انك تعتذر له اذا كنت مخطئ وتوضح له

اذا كان فاهمك غلط؟

اكييييد.. بعتذر و بحاول بكل ما اقدر اني اراضيه حتى لو كانت الغلطه غلطتهم .. بحاول وما بنسى الي جمعنا لو كلام..

تستمع للنصيحه؟

اكييد..لازم اسمع لها حتى لو عصبت..ترهم يبون ينبهوني لغلطاتي .. و الأحسن اني اتجنبها.. فلازم اسمع النصايح

واذا انتقدوك بشي تسعى لإصلاح هالشي ولا تهمل هالنقد وتمشي على ماانت عليه؟

النقد يباله طريقة سلسة ومن دون تجريح.. و كل شخص يعتبر من النصايح.. واكيد لو شو ما كان الأنتقاد بحاول قدر الأمكان ان اتقبله و اسعى لتحسين الخصال السيئة الي فيني..

والسموحه.. في الأخير مجرد راي ^_^

[align=center]مرحبآ بتس خيتي

ومن قال يسلم.. شكراً على التواصل الطيب

آخـوتس

الخــآلــدي[/align] __DEFINE_LIKE_SHARE__

دبر عمرك · 06-02-2008, 08:50 PM

المشاركة الأصلية كتبت بواسطة حرف الذهب

السلام عليكم ورحمة الله وبركاته

مرحبابك أخوي الخالدي أشكرك ع هالطرح

تتأثر بمايقال لك من اشخاص خلف شاشه؟
هيه نعم يالاخو ...خاصه ان يتني الرمسه ف الظهر
حتا لو كان عضو (ومن خلف الشاشه )

ممكن تتأثر اذا احد قال لك انه ماخذ بخاطره عليك وتحرص انك تعتذر له اذا كنت مخطئ وتوضح له

اذا كان فاهمك غلط؟
الانسان معرض للخــــطأ ويمكن أزل ع انسان بدون قصد أو انه يفهم كلامي ع منحى آخر
ونحن ورانا حساب وعقاب والله لا يجعلنا من الظالمين
هب عيب أعتذر أن أخطا وهذا الواجب علينا
تستمع للنصيحه؟
أن كانت من انسان أفهم منـــــــــي أسمعها ودور عليها بعد

واذا انتقدوك بشي تسعى لإصلاح هالشي ولا تهمل هالنقد وتمشي على ماانت عليه؟
نحن كل يوم نتعلم شي بهالدنيا ونحاول نسعى لرقي بكل شي

سلمت يمنك يالخــــــــــالدي وكل الشكر مره ثانيه لشخصك الكريم خيوووو

[align=center]وعليكم السلام ورحمة الله وبركاته

تبقىآ ياغالي

اشكرك اخوي حرف اسعدتني طلتك جعلك سالم^^لاخلا ولا عدم

آخوك:

الخـآلــدي[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيديو: اذا لم تتأثر فـ قلبك كـ الحجر	محروم.كوم	منتدى أخبار المواقع والمنتديات العربية والأجنبية	0	04-28-2010 05:11 AM
الدولة تتأثر بأجواء مغبرة اليوم وغداً	بــטּـت ٱڷـξــرب	اخبار محلية و عالمية	5	03-30-2010 12:47 AM
بالنسبه للبطاريه هل تتآثر من الشحن " Usb " تبع الكمبيوتر ...؟	محروم.كوم	منتدى أخبار المواقع والمنتديات العربية والأجنبية	0	02-03-2010 01:50 AM
عـــهــدتـــو .... لــــك	كويتي	الإستراحه العامة	19	03-01-2009 01:48 AM