موضوووووع قاهرني ابا الكل يدش

بنت اصل ما تنوصل · 10-29-2009, 12:25 PM

المشاركة الأصلية كتبت بواسطة @قلب مجروح@

اختي بنت اصل ما تنوصل كلامج اللي قلتيه اسمعه من ربيعاتي اللي يدرسن بالجامعات والكليات واسمع اللي اخس عنه بعد واظن انج فهمتيني شو اقصد

وكل ما اسمع شي استغرب وانقهر واتعجب من اللي قاعد يصير حتى مرات احسب عمري بامريكا مو بالامارات

تدرين الشباب يوم يستوي مزاد حق رقم سياره مميز يعق كل فلوسه على هالرقم من تفاهته ممكن تقولي هالرقم شو بيفيدك بحياتك بس خقه وبس

بدل لا تروح تتصدق عالناس اللي محتاجه صج بيزاتك هاي اللي قاعد تنثرها يمين ويسار سير اتصدق بهن عالاقل الصدقه اتحصل من وراها اجر بس الرقم شو بتسوي فيه

خلاص يوم تموت الوصيه خليهم يحطون رقمك على قبرك والله حاله

تفاهه قسم بالله تفاهه مرات افكر اقول في ناس تفاهه لهالدرجه في منهم يرهنون بيوتهم بسبة رقم

لا حول ولا قوة الا بالله العقل زين العقل زين الله ميزنا عن الحيوان بالعقل بس وين هالعقل هاليومين

يا اختي انا ما اطلع من البيت وايد من اللي اشوفه اشحقه اطلع واحرق اعصابي

اول مره كنت اشوف هاي اللي لابسه كندووووووووره مسودة الويه

تدرين شو اللي صج مغصصني
اقولج يوم سرت البحر ويا اليهال المفصخات قاعدات يطالعوني ويظحكون اتخيلي القهر

جن هاي بلادهم وجايفين وحده لابسه عباه ومتغشيه لاول مره مو قهر اااااااااااااااااااااااه يالقهر ااااااااااااه بس

والله لو بديني لخلي كل شي ماشي بالبلاد ماشي عشرع الله منهاجه وما يخصني بالتطور اذا التطور بالهشكل والله مابغيناااااااااه

ويختي القهر اكثر يهالنا صارت رمستهم مكسره

الريال المواطن يروح يتزوج لج اجنبيه وييبها هني والقهر انها تاخذ الجنسيه وتييب يهال مواطنين ورمستهم مكسره ونصها اجنبي

حشى والله لغة القران ظاعة وين اللغه العربيه اللي نفتخر ابها الحين اللي ما ينجح بالانجليزي بمتحان السيبا يظيع مستقبله

اظيعون مستقبل الواحد بسبة هالانجليييييييييييزي

واللغه العربيه ليش هالاجنبي ما يرمس رمستنا ليييييييييييييييييييييش

ليش ببلادهم مايعلموهم العربي ليييييييييييييييييييييييييييييش

حتى لو يعلموهم ليش اذا حد رسب منهم في العربي ما يظيعون مستقبله ليييييييييييييييييييييييييش

لييييييييييييييش نحن اللي صرنا نقلدهم لييييييييييييييييييييييييييييييييش

ونفرح يوم ايون بلادنا كن يايها عالمه اسلاميه لا حول ولا قوة الا بالله

يختي اذا ظليت اتكلم لين باجر بتكلم ولا بيفيد شي ولا بوفي حق اللي قاعد نشوفه الحين

القياااااااااااااامه قربت وهاي كلها علامات الساااااااااااااااااااااااعه

البلاد ماصار فيها امان في الفجيره قبل شهر واحد مواطن جاتل طليقته بسجين

وقبل يومين او 3 واحد مواطن ذابح واحد من اهله عمره 19 سنه بعد بسجين جي البلاد وين قانونها عنكم شو كل واحد صار ياخذ حقه بيده

والعصابات اللي كل يوم سارقه كمن سيااااااااااااااااااااااره تبا تهربهم

واللي يبون يسرقون مراكز واللي واللي واللي .................................................. .............. الخ الخ

ااااااااااااااااااه يالقهر

وينك يابوي زايد الحياه من بعدك رديه هي والله رديه والحق ينقال

الله يرحمه

لييييت كلامنا بيفيد الحياة والمسيرة ماشية ماشية سواء تكلمنا او عارضنا بس يلا خل نطلع الا بخواطرنا

خليها على الله ياختي شو نسوي هاي هيه الدنيا مجرد ممر ما يندرى بنطلع من هالممر بخير والا شر يلا ياربي بحسن الخااتمة بس

انا بقوولج ليش مشاكلنا تزيد لان رااحت اياام الصديج يوم يشوفك تغلط قالك ياصديقي هذا غلط وراحت اياام الاخو يوم يقول لاخته هذا صح وهذا غلط الحين كلن لاهي بحياته محد له خص بالثاني وفيه عوايل اذا الخو ادخل باخته طاش الابو وقاله مالك خص باختك دام راسي يشم الهوا شو هذا

الحين نشووف الغلط عينك العين وما رايمين نسوي شي نخاف ننصح او نتكلم نتعرض لمشااكل

آآآه خلااص اقري على الدنيا السلام ترى القادم اعظم

بخبركم عن طفلة عمرها 5 سنوات يالسة تكلم عمتها تقوولها عمتي انا يوم بعرس وبييب بنات بلبسهن احلى ملاابس وبخليهن يطلعن على كيفهن وبنرووح نتحوط السووق وبنسافر وبشتريلهن احلى عبايات تخيلو فتااة تتكلم عن هالامور وهى طفلة لا تدرك اصلا معنى الزواج نحن يوم بعمرها ما نعرف شي كانت حياتنا لعب وبس

بس خلاااص القااادم اعظم والحين طبقوو العسكرية على بنات المدرسة يعلمونهن كيف يركبن السلاح هع

الله يعينا ويسترنا ويهدينا على الدين والايمان

والسمووحة على الاطالة خيتوووو __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لغز قاهرني بقوه	محروم.كوم	منتدى أخبار المواقع والمنتديات العربية والأجنبية	0	03-24-2010 05:40 PM
كيف اغيـر اللون ذا قاهرني والله	محروم.كوم	منتدى أخبار المواقع والمنتديات العربية والأجنبية	0	10-05-2009 12:30 PM
[ عرض اعلان ] : الكل مطلوووب هنا الكل بلا استثناء	محروم.كوم	منتدى أخبار المواقع والمنتديات العربية والأجنبية	0	05-15-2009 10:10 AM
موضوع واايد قاهرني ومطفربيه اباا رايكم !!	منطووق قلبي	الحوار والنقاش - الرأي والرأي الآخر	27	02-28-2009 02:09 AM