000((((((( لمن هذه القصيده ))))))))))000

محروم.كوم · #1 10-27-2009, 05:00 PM

لقيت الناس مامنهم سلامه = لزومٍ يلحقك منهم ملامه

ولاتحسب حلالك ؛ لوتبيده = يبي يحماك من هرج الفدامه

بذرت الجود في من لاجزاني = سوى ذمٍ إلى هبت ولامه

حقود القلب نقال الوشايا = هذور سهمته نقل النمامه

إلى منه طرى له ماطرى له = تكلم مايثمن وش كلامه

يقوله يزعم إنه مازحٍ به = وهو ينقض ويفتل في عدامه

دخيل الله من خطو السملق = إلى بالهيذوان أطلق لجامه

ألا ياليت ربي يوم سوى = عبيده حط للطيِّب علامه

على شان الذي بالناس جاهل = يعرف الحر من برق الجهامه

لجل بالناس شيطانٍ ملبَّس = ولو يلوي على راسه عمامه

يغرك بالسلام وبالتحفي = وهو شيحٍ وجثجاثٍ طمامه

مثل هذا: تحذر منه جدا = ولا تدني مقامك من مقامه

وبعض الناس في ممشاه رافض = يختل الناس في قل اهتمامه

يحني لحيته كنه مطوع = ولايفرق حلاله من حرامه

حذارك لاتحطه له ظنينه = ترى ذاك الطمع منه السلامه

وبعض الناس يبدي لك نصيحه = ولكن ماتعرفه وش مرامه

وهو ما مقصده نصحٍ ؛ ولكن = يبي يلبسك للحاجة خطامه

وإلى منه قضى بك مايريده = أخذ سدك وضربك المهامه

وبعض الناس يوريك المحبه = وارق من البريسم في تمامه

إلى قام يتمسكن بالتلفظ = تقول أطهر وأصح من الحمامه

وهو بولة حمارٍ -عزك الله- = ينجس من مشى حوله رشامه

وبعض الناس محمود السجايا = رقى العليا بعزمه والتزامه

إلى منه بدى لك فيه لازم = قضى لازمك ماثمن حطامه

كما إنه وافيٍ في كل خصله = عريب الجد خيلانه عمامه

أسال الله يرفع كل خيِّر = عن الخذلان لايهفي مقامه

قضا نضمي ومالاق بضميري = حلات القيل مبداته ختامه

أقول الناس مشكاهم على الله = لزومٍ يلحقك منهم ملامه

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ترحيب لـ القصيده	القصيده	تراحيب وتهاني	10	07-17-2010 12:34 PM
من يعرف من له هذي القصيده !!!!!	محروم.كوم	منتدى أخبار المواقع والمنتديات العربية والأجنبية	0	05-08-2010 02:30 PM
من يعرف من له هذي القصيده !!!!!	محروم.كوم	منتدى أخبار المواقع والمنتديات العربية والأجنبية	0	05-08-2010 02:20 PM
بغيت هذي القصيده	معنى الانوثه	طلبات الاعضاء	6	01-23-2010 09:04 PM
هذي القصيده للأذكياء فقط .....	الحب العنيد	الشعر المنقول	3	01-29-2008 05:03 PM