تكفــى ... أبيـــك

احساس_طفلة · #1 05-15-2008, 06:55 PM

أنا ما فيني شي...

جوابي العادي لسؤالك المعتاد...

تبي تعرف وش اللي فيني...

أوقف معي لحظة...وحاول تكتب معي..

على سطور الورق..وبحروف من حبر القلم...

أكتب في أول السطر أو حتى في آخر السطر..

أنا ما فيني شي..

أنا مو بيقتلني الندم..

أنا كلي آهات وألم..

أنا في نهاري..جروح قلبي تصاحبني..

وفي ليلي..الوحدة تلازمني..

أنا ما فيني شي...بس أبي كل شي..

أبي إنسان يفهمني...يستوعب مدى جرحي..

ويمحي بلمسة أثر همي..

أبي إنسان يحكمني..من راسي لأقدامي..

أبي حضنه يدفيني...كل ما نزلت دمعة من عيني...

أبي عينه تناظرني...وحرارة شوقه تحرقني..

أبي جسمه يلم اللي بقى فيني...

وبقوة يحسسني بجنون الحب وأنواعه..

وأحس إني أمل روحه...ودمه اللي بعروقه..

وإني كل ما كان من عمره..

وحلمه اللي عايشٍ لأجله..

وأحس إني عالمه كله..

وأقرب له من شرايينه..

وأكثر حتى من نبض قلبه..

أبيه يحبني لذاتي..ويعشق حتى نظراتي..

ويموت..يموت بهمساتي..

أبي لا جيت له أمشي..

يجري شوقه يحضني..ويسابقه حبه..

بعد كل هذا تسألني..وش فيني..؟!!

أنا ما أبيك تسألني...أنا أبيك تفهمني..

تعبـــــــــــــــــــــت..

تعبت من الأسئلة..وتعبت أكثر من تكرار الأجوبة..

أنا ما أبي أسمع إلا كلمة...

كلمة ترد الروح فيني..وتنسيني جروحي..

أنا ما فيني شــــــــي..

بس أبيك تحسسني بكل شي __DEFINE_LIKE_SHARE__

شــمــ انثى ــو خ · 05-16-2008, 10:53 PM

افتخر انه انا اول وحده ترد عليج وما اقول غير صح لسانج واعتلى شانج على هذي الخاطره اختي صح انه لك منطوق يوزن اليبال ربي لا هانك ننتظر يديدج اختج القلب __DEFINE_LIKE_SHARE__

أمير الحزن · 05-17-2008, 12:30 PM

يا سلام عليج أتي أحساس ولا أروع __DEFINE_LIKE_SHARE__

عشقي للقصيد · 05-17-2008, 05:03 PM

صح لسانج الغلا
يسلمووو فديتج على الطرح الرائع واحساس صادق

تقبلي مروري اختج
عشقي للقصيد __DEFINE_LIKE_SHARE__

22الهاجس22 · 05-17-2008, 08:46 PM

صح السانج
يعطيج الف عافيه
كلمات قمه بالروعه
تحياتي لج.... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
][®][^][®][شــبيك لبيـــك نــغمــات بطـرانهـ بيــن يــديـــكــم][®][^][®][	شيطونة الـ ع ـين	نغمــات للهــواتف	52	09-16-2010 12:17 AM
(أنا ما أبيك تسألني.. تكفــى ......أبيـك تفهمني )).	روح الخور	شعر و خواطر	11	07-13-2009 09:16 PM
دكتـــور تكفــى وقــف الدرس لاهنــــت	عذيجة	الشعر المنقول	14	11-28-2008 11:25 PM