أصـ ع ـب سؤال اللي جوابهـ للأسف مثله سؤال !

miss_kash5a · #1 10-27-2009, 01:14 AM

بسم الله الرحمن الرحيم ..

شحالكمـ جميعا ^_* ؟ ..~

هالقصيدهـ فنانهـ للشاعر ~> محمد جار اللهـ ^_* ..~

( اصعب سؤال ) اللي جوابه للأسف مثله ( سؤال ) !!
...................... ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكرك ذيك الليال ؟ )
.................. كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محال !!
.................. لكنها صارت كذا ! واللي (( اهم )) اني دريت :
ان الحياه فبعد احبابك اذا جف الوصال
................. اتعيشها لو تقتنع انك خلااص اصبحت ( ميت !!)
يا صاحبي لو كل شي يمر بالخاطر يقال
................. ما كانت العبره تــــولجني اليامنك طريت ؟!
شفني قدرت احبس دموعي بس ( دمع القاف ) سال
...................... ويا كبرها ساكت ولكن داخل اوراقي بكيت !!
عمر الحكي ما كان دافي لاابتدى بقولة تعال
.................... لجل اتجاهل رجفة حروفي اليامني حكيت ..
الحال في بعدك قسم بالله ما اسميه حال
............... انوي على الضحكه واحس كلي خطا لاني نويت ؟!
اتصور انك من رحلت اشوفك لجسمي ظلال
.................... لا شفته امشي ببتعد واثره معي مهما مشيت !!
مدام يعني في بحرك لفرحتي مليون جال
............... وش فيه موجك ما ركد ؟ قربت اموووت وما رسيت ..
يرضيك ما عادت معي تفرق اذا جالك مجال
.................. لاني اقتنعت انك نهايه واني ببطي ما بديت !!
صرت ( اعقد حجاجي ) اذا جابوك باطراف الجدال
...................... وانا قبل لاقالوا اسمك كني : ميت ثم حييت ..
تعبت اعيش الدور وافتح للمعاذير الخيال
................... واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ )
............... ومن الفرح ما عاتبك واقول : ( ياخي مابغيت ! )
حتى وانا تخيل حشمتك ! لن قلبي لا يزال
................. يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال
............... للحب واحساس القصيد ان عانق الليل وسريت ..
ربي يصبرني على الفرقا مدام الحظ مال
............... وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال ))
.............. واقرى القصايد في غيابك ***وها بيـــت ... بيـــت ..
بتدرى ان ( اصعب سؤال ) اللي يجي رده ( سؤال )
................ لا قلتلي ( وش ذكرك ؟ ) ثم قلتلك ( متى نسيت ؟ )

مـ ع تـ ح ـياتي لكم ـ^_*
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اصعب سؤال ) اللي جوابـہ للأسف مثلـہ ( سؤال ) !!	سمرة وكلي دلع	شعر و خواطر	20	05-20-2010 02:36 PM
سؤال : في الآي فون 3gs	محروم.كوم	منتدى أخبار المواقع والمنتديات العربية والأجنبية	0	04-13-2010 01:40 PM
سؤال بخصوص الآي فون	محروم.كوم	منتدى أخبار المواقع والمنتديات العربية والأجنبية	0	03-10-2010 01:00 PM
سؤال عن املج وجزرها ؟	محروم.كوم	منتدى أخبار المواقع والمنتديات العربية والأجنبية	0	10-27-2009 02:50 PM
اصعب سوال الي جوابه للاسف مثله سوال	نزيف المشــاعر	شعر و خواطر	10	07-21-2009 12:30 AM