( وقت الساعه ) للشاعر سمو الشيخ حمدان بن محمد بن راشد آل مكتوم ( فـزآآآع )

عسوولة ترتووب · #1 05-15-2008, 01:57 PM

( وقت الساعه ) للشاعر سمو الشيخ حمدان بن محمد بن راشد آل مكتوم ( فـزآآآع )

وقت الساعه حسب توقيت الاحباب المحلي .. يا خــفوقن ما يـهاب البــحر ضيقه وتساعه
ويانجوم الليل لا غاب السهر فالـعين طـلي .. لين نور الصبح باكر يسطع فـ وجهي شـعاعه
ويــا قريحت شاعراً فكره مـن اللهفه مولي .. عـلمي حسادي أن الشعر أبداع وبراعه
وزعيني فـي قلوب الناس وأنا فـي محلي .. يكـفي أني فرد واحــد وتــأثر به جــماعه
صـادق الاحـساس لو أنه ورا ضلعاً معلي .. ياصـل الجمهوره الواعي بلا صـحف وأذاعه
والزعل ماهو دموع وضيقه وحـسره ياخلي .. ومن يقول أنه دموع وضيقه وحسره أشاعه
الزعل بين الحبايب مثل لحظات التجلي .. فرصة التفكير يا للوصل ولا للقطاعه
والليالي من سنين العمر تاخذ ما تخلي .. من نشر فيها شراعه لازمن يطوي شراعه

واللقى مثل القناعه كل ما زاد التقلي .. والفقير ان مات عذره مات من كثر القناعه
والمفارق مثل طاري الموت ماعنه تخلي .. مؤمن به حق ايماني ولا جاني سماعه
يا حبيبي لا تلوم انسان من طبعه يزلي .. ما خلقه الله رسول ولا جعل عنده شفاعه
في الزعل ارفق علينا بالدلال وبالتغلي .. وان سمحت العفو عند المقدرة والاستطاعه
وان بغيت البعد قلت البعد قال اشفيك قلي .. قلت ويش اقول ما عندي على الفرقى مناعه
كنت احسب اني شجاعن لا يهاب ولا يولي .. واثر يوم البعد ما ينفع شجاع ولا شجاعه
قال شكلك تبغي الدعوة مسرات وتسلي .. وانثنى ما عاد له في شوفتي شف وطماعه
قلتله يا كامل الاوصاف انا طالبك باللي .. ملكك روح الضعيف وعلمك سمعن وطاعه
دامك اخترت الفراق ودست من بعضي وكلي .. اخذ عيني واخذ عقلي واخذ خفاقي وداعه
قال ليت و قلت عيني لجل دمعاتي تهلي .. يمكن اذا شفت دمعي يحزنك كثر اندفاعه
واخذ عقلي لجل تدري كيف منك ما يملي .. كيف طيفك في خياله كل وقت وكل ساعه
واخذ خفاقي معك لله في لله ياللي .. مادريت بقيمته سوى لحظه وداعه
كان لا هذا ولا هذا ولا هذا حصلي .. الفقير ان مات عذره مات من كثر القناعه
وقت الساعه حسب توقيت الاحباب المحلي .. يا خفوقن ما يهاب البحر ضيقه واتساعه

والسموحهـ ع القصور .. }

اختكم:

عســــــــــولتكم الحلــــــــووه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيديو كليب امسية الشيخ حمدان بن محمد بن راشد آل مكتوم وسمو الشيخ أحمد بن محمد بن راشد آل مكتوم	محروم	الكليبات الخليجيه	85	01-14-2010 08:50 PM
سمو الشيخ حمدان بن محمد راشد ال مكتوم في شاعر المليون3	ذيب ابيض	برنامج شاعر المليون للكبار 3	51	07-12-2009 12:56 AM
صور الشيخ حمدان بن محمد بن راشد ال مكتوم (فزاع)*__________^	da1a3	المواضيع المكرره	2	06-01-2009 03:17 AM
الشيخ حمدان بن محمد بن راشد ال مكتوم (فزاع)	ولد بو سعيد	الشيوخ و رؤساء الدول	8	09-28-2008 04:29 AM
ديوان الشيخ / حمدان بن محمد بن راشد آل مكتوم ( فزّاع )	جوكر الشوامس	الشعر المنقول	10	09-10-2008 06:25 PM