أنـِآ دخلـِـِت الحـِـِب رآضيـﮯ .. ۈيمـِۈت مـِن هـِۈ ۈدهـ يمـِـِۈت - الصفحة 2

❥',ڛـڼـڨبـٱ ڛۑہ. , ๑ · 10-30-2009, 12:46 AM

رديت ..=)

ووين وصلت .. هي صح..

عند المعجباات ..اخخخ

المهم .. حدرت الصف وفصخت عبااتي .. وعلقيتهاا ..وبعدهاا راجعت الفيزيااء اشووي .. وبناات الصف تقريبا شرااتي يراجعون .. دقاايق وله اسمع ضحك.. انا عرفتهاا من ضحكتهاا محد غيرها متفيج من صباح الله خير يتمصخر غيرهاا

اعرفكم عـ اربيعتي واختي واخبل وحده فـ مدرسه كله .. شيخه الـ منصوري..
حدرت الصف سلمت ويلست تضحك..
انا: ضحكيناا معج..
شيخه:ههههههه فديت قلبي اناا اشحاالج..
انا: تمام.. وانتي ..
شيخه: حالي من حالج.. اقوول هنوود ..
هند رديت ارجع مسأله في كتاب الفيزياء: عوينهاا امري..
شيخه : اول شي لا تحرجين ..
هند: دم شي سخيف لا تقولين ..
شيخه كانت امخبيه روها شي
هند: شوو عندج**
شيخه : احلفي اول
انا: يلاه شوواااخ..
شيخه : هل دبدووب من ساره الي في عااشر
هند: ردي لهاا ما اقبل هداايه(( اوني عااد جاامده))
شيخه:هههههه والله كنت متاكده .. حرام عليج هنوود عطيهاا ويه
هند: اقول اجلبي فيسج انتي وهي
شيخه خلت الدبدوب عـ درج: مالي خص هي قالتلي وصلي لها ..
اناا : وانا ما ابه
شيخه: هنوود فديت روحج جامليهاا وقوليلهاا احبج
انا:ههههه هذا الي نااقص لا اشراايج بعد ارقمهاا ورمسهاا
شيخه:هههههه اتخيل...
هند: قول شووااخ ردي لهاا .. وله اقولج خذيه لج..
شيخه: وغلااتي عندج تاخذينه
هند: افففف ما ابه ...
شيخه: يلاه عااد..
انا: اففف انزين .. فصخي عبااتج . عسب ننزل نتحوط..
شيخه: اووكي..
نزلنه وتمينه نتحوط وله اطالع ساره ياايه صوبي اونها اتسلم سلمت علي وعـشيخه شيخوه تضربني من جتفي اتقولي ارمسي قتلهاا مشكوره عـ دبدووب شفت الابتساامه واصله لاذونهاا هههههه عباالها بحبهاا . المهم مرت الحصص عـ خير والحصه الخامس امتحت و يت اميه وخذتنا انا واختي ركبو السيااره بس انااا
انا: ماما دخيل امج بسووق
اميه: اففف منج ركبي ..
فرحت فريت شنطتي عـ خداامه .. كان ابخااطري اسوق سياارتي .. بس ما يو بسيارتي يو بسيارة البيت كاديلاك إسكاليد لونهاا احمر .. المهم ..

اميه: ترومين اتسوقينها
انا: هي افا عليج شوو نسيتي يوم سرنا العزبه سقتهاا
اميه: انزين انمر عـ بيت وله انيسر المول عـ طول
نووري وانا: اكييد انمر عـ بيت
وصلنا البيت نزلت انا واختي وسرنا وغيرناا ابسرعه وتكشخنه .. غيرت كفر لبك بيري مالي ابسرعه انا واختي .. كفر فوني احمر وكفرهاا اخضر فسفووري .(( ان شالله بصورهوبنزل لكم الصور )). المهم بعد مايبت الدخون ادخنه ولبسنه عبينه وصلينا ونزلناا انا ونوره بس ما حصلنه الدريول
تميت ازااعج: مااااااما
اميه : تعاي انا فـ صااله ..
حدرنا انا واختي
انا: وين السيااره هب خااري
اميه: ماتبين اتسووفين
انا: اكيييد
اميه: خلاص عيل .. الدريول ساار ايب اختج من المدرسه
انا: اهاا
نوره: هنووود وغلااتي ... نركب الرنج..
اميه: بسير اصلي شغلو السيااره
هند: ما ابه اركبها
نوره: وغلااتي ...
هند: انزين سيري هااتي السوويج
نوره: من عيوني ..
ياابت السويج وظهرنا وشغلنه السيااره مليت من اليلسه نزلت وصورت لكم سياارت ابووي
بـ بلاكـ بيري

رنج روفر اسبورت موديل 2006 .. قرر يغير سياارته يقول بياخذ بنتلي .. مادري اذا صادق ابرمسته كل يوم عنده رااي ...

كمن مره نزلت موضيع عنه بس ما اذكر في اي منتدى اخخخ ..المهم

تمينه نتره اميه .. اشوي وظهرت هي ولخدامه .. وركبت السيااره .. وكل عااده لزم البدي قارد و رانه في السياره الثاانيه .. اففف ما اداني جي .. كل ما ظهرنه البدي قاارد ورانه .. وين ما نسير .. يوم انقول لــا بوي حق شو خالنهم يقول اخااف عليكم من اعياال الحرم .. الصراحه ابوي متفيج ..المهم انرد لمحور حديثنه
وصلنه المول .. كنه طالبين طلبيه صينيتين بااجي.. وبعدها سرنه لمحل وخذينه سااعه رولكس ذهبيه حق ابوي
ردينه ابسرعه وتغدينه ..تمينه نترياا تعبت صرااحه .. اذن المغرب وهو بعده ما وصل ..
تخيلو وصل السااعه 1 فليل وانا وقتهاا راقده .. فـ قاابلته اليوم الصبح وسلمت عليه ..وعطيته السااعه وعيبته واايد..
وعطااني هديتي عبااره عن ..عدسه ثاالثه للكااام مالتي .. وكاشف غير الي عندي .. المهم .. هذي احدااث الباارحه كلهاااا ....

تصبحوووووووون عـ خيرررررر..

احلااام سعيده ... __DEFINE_LIKE_SHARE__

❥',ڛـڼـڨبـٱ ڛۑہ. , ๑ · 10-30-2009, 12:01 PM

سلااااام عليكم...

اشحااالكم...؟؟

ربكم لـأ بخير ..؟؟

جمعه امباااركه عـ عليكم .. وعـ أمة محمد ابكبرهاااا ...

الحَمْدُ للّهِ ِ الَّذِي أَذْهَبَ اللَّيْلَ مُظْلِما بِقُدْرَتِهِ ، وَجأَ بِالنَّهارِ مُبْصِرا بِرَحْمَتِهِ ، وَكَسانِي ضِيأَهُ وَأَنا فِي نِعْمَتِهِ . اللّهُمَّ فَكَما أَبْقَيْتَنِي لَهُ فَأَبْقِنِي لاَمْثالِهِ ، وَصَلِّ عَلى النَّبِيّ مُحَمَّدٍ وَاَّلِهِ ، وَلاتَفْجَعْنِي فِيهِ وَفِي غَيْرِهِ مِنَ اللَّيالِي وَالاَيّامِ بِارْتِكابِ المَحارِمِ وَاكْتِسابِ المَآثِمِ ، وَارْزُقْنِي خَيْرَهُ وَخَيْرَ ما فِيهِ وَخَيْرَ مابَعْدَهُ ، وَاصْرِفْ عَنِّي شَرَّهُ وَشَرَّ مافِيهِ وَشَرَّ مابَعْدَهُ . اللّهُمَّ إِنِّي بِذِمَّةِ الاِسْلامِ أَتَوَسَّلُ إِلَيْكَ ، وَبِحُرْمَةِ القُرْآنِ أَعْتَمِدُ عَلَيْكَ ، وَبِمُحَمَّدٍالمُصْطَفى صَلَّى اللّهُ عَلَيْهِ وَاَّلِهِ اسْتَشْفِعُ لَدَيْكَ ، فَاعْرِفِ اللّهُمَّ ذِمَّتِي الَّتِي رَجَوْتُ بِها قَضأَ حاجَتِي ، ياأَرْحَمَ الرَّاحِمِينَ . اللّهُمَّ اقْضِ لِي فِي الخَمِيسِ خَمْساً : لايَتَّسِعُ لَها إِلا كَرَمُكَ ، وَلايُطِيقُها إِلا نِعَمُكَ : سَلامَةً أَقْوى بِها عَلى طاعَتِكَ ، وَعِبادَةً اسْتَحِقُّ بِها جَزِيلَ مَثُوبَتِكَ ، وَسِعَةً فِي الحالِ مِنَ الرّزْقِ الحَلالِ ، وَأَنْ تُؤْمِنَنِي فِي مَواقِفِ الخَوْفِ بِأَمْنِكَ ، وَتَجْعَلَنِي مِنْ طَوارِقِ الهُمُومِ وَالغُمُومِ فِي حِصْنِكَ ، وَصَلِّ عَلى مُحمَّدٍ وَاَّلِ مُحَمَّدٍ ، وَاجْعَلْ تَوَسُّلِي بِهِ شافِعاً يَوْمَ القِيامَةِ نافِعاً ، إِنَّكَ أَنْتَ أَرْحَمُ الرَّاحِمِينَ .

اللهم آآآآآآآآآآآآآآآآآآمين ....

جااااؤ __DEFINE_LIKE_SHARE__

❥',ڛـڼـڨبـٱ ڛۑہ. , ๑ · 10-31-2009, 01:33 AM

هااااااااااااااااااي..

اشحاالكم..؟؟

اليوم .. تقريبا كان عاادي.. ...

بعد اذن العصر ظهرنا ابوي سار مع اميه ليدوه ونحن سرنا مول الامارات ...

حدرنه اول شي السينما ...وخذنا تذااكر هل فيلم.. The hangover الصرااحه رؤؤؤؤؤؤؤؤؤؤؤؤعه الفيلم...

وبعدها خلص وظهرنا البدي قار كانو يتريونه برع .. (( تعرفون اكره شي عندي شخص يرااقبني )) المهم سرنه انصلي المغرب وبعدهاا اخوااتي تمو يصيحون يبون يلعبون وصلنهم مع الخدم للالعب وخذنا لهم كرووت عسب يلعبون .. وتركنهم وسرنه نتشره

المهم ونحن نتمشه (( طبعن متغشياات)) اختي تعبت من المشي

انا: نوره عن المصخره نشي خلينا انخلص ..
نوره: اتريي خلينا نيلس اشوي..
انا: حش عيوز هب بنت ..

شي كرااسي .. في المول .. يداام المحلاات .. يلست ويلست عدالها ويلست الخدمه الي شايله الاجيااس تخيلو عااد ونحن يالسين محمد و عادل (( البدي قاارد) وحد فيهم واقف عـ يمين وثااني عـ يساار .. انقهرة.. ابوي قال لهم لا توقفون عدالهم ورقبوهم من بعيد .. بس هم لزقين فينه ..

نشيت من مكاني و سرت لمحمد.. تعرفون حسيت اني نمله .. يداام اسد اخخخخ... ماشالله عليه هو وعادل امعضلين.. المهم
قتله

انا: محمد .. لا توقفون عدالنا . عسب انااس ما يشووفونه جي..

محمد: بس نحن نحميكم
انا: من شوو الي يسمع شي ارهاابي فـ مول بيجتلناا ...
محمد: السموحه منج..
انا: شووف يوم بتمشووف ورانه خلو مساافه بينه وبينكم هب تلزقون فينه جنه نعرفكم
محمد: ان شالله...
انا: خبر عادل ..
محمد: ان شالله..
انا: يلاه نوره نشي..
نوره: انزين .. ابه احدر h&m..._((( امووت عـ هل محل))
انا: اصلن من غير ما تقولين انا بسير له ..

تشرينه اغرااض ... مسكينه الخدمه تعبت .. شلينه معهاا.. وبعدها سرنا كوفي .. وحدرنا في زويه عسب نخذ راحتنا .. لانه زحمممممممممممممممممممممممممممممه اليوم وااايد بعد.. المهم فصخنه الغشوه وطلبنه ثلاثه كوفي .. لي ولنوره وللخدامه .. وطلبت للمحمد وعادل .. كانو يالسين ابعيد عنه .. تقريبا .. بعد ما شربنه ..تونه بنش وله اختي اتقول فوني ضااع ..

قتلها دوريه فـ شنطج بس ما حصلته .. يوم سرت صوب الفلبينه الي طلبنه منها كوفي وله احصل واحد شاايل شراات فون اختي قلت يمكن فونه لانه الحين وااايد الي عدهم ابلاك بيري .. بس شفته يكلم اربيعه ويقول حصلته .. كنت بسير وبقوله هذا فون اختي .. بس ما تجرئت .. رنيت لمحمد وقتله السالفه ..وساار صوبهم وخذه الفون ويه الريال صوبنا وتاسف .. (( مادري عـ شوو اخخ))

قناله حصل خير و.. ظهرنا من الكوفي .. وسرنه صوب المطامعه وتصلت عـ محمود(( البدي قارد)) وقتله ينزل خواتي من الالعااب للمطاعم تحت .. عسب يتعشوون ..

نزلو وطلبت لنا وللخدماات وللبدي قاارد .. وبعدها الساعه 11 افترقنه كل واحد يركب السيااره عسب انرد البيت ..

انا واختي وخدامه .. فسياارتي .. وخواتي الثلااثه واخووي وخداامات في سياره ..وبدي قاارد في سيااره ..

وبس..

هي صح...

الي طلبوو الصوور .. ان شالله بااجر ساايره المزرعه وبصور لكم...

وفي .. بعض ناس الله يستر عليهم .. قالو انتي دبدووبه ..

اعترف وقول لكم لاااااااااااااااااااا .. انا اكل بس ما امتن .. ما يفيد فيني اكل المطااعم ..

وبسسس...

تصبحون عـ خيرررررررررر

واحلااااااااااام سعيده ياارب..لكمـ..

تلحفو عدل قبل لا تناامون عن تبردوون...

جااااااااااااااؤؤؤ.. __DEFINE_LIKE_SHARE__

❥',ڛـڼـڨبـٱ ڛۑہ. , ๑ · 10-31-2009, 01:49 AM

رديت ..

.. المهم ..

حبيت اشكر اخويه الريااني .. وقوله الله يباارك في حيااتكـ...

وتسلم هذا من ذوقكـ...

ويشرفني مرووركـ عـ مدونتي البسيطه..

وهب بس الريااني ..

لاااا كلكم .. تشرفني متابعتكم لي..

وحبيت اقول لكل .. متضاايق فرحان .. زعلن .. متكدر .. نفسيته تعبانه ..ملااان.. ...

لـأ نتتظـر شي يتغير في هذي الحياه
اصنـع نفسك بنفسك ( قبل الكايـده )
شـد انتباهي كلام ..في حكمته في معناه
اقراء البيت الاخـير ( مـع الفايــده )
" اذا لم تزد شيئآ على هـذي الحياه
فتأكد إنك إنت ............. ( حاجــه زايــده ) "

تحيااتي...

هند بنت**** __DEFINE_LIKE_SHARE__

❥',ڛـڼـڨبـٱ ڛۑہ. , ๑ · 10-31-2009, 01:58 AM

رَآسِي يَبيلِڪْ [ بٌرج إيفَل . . تَطۈلـہَ . . !!
لـآ صِرت فۈق آلبرج . . | لـآ قِيت رآسِي ~
شٌۈف [ آلـآنۈثـہَ ] .. لـآ ڪْسَآهآ [ . . رَجۈلَـہَ ××
|. . مليۈن مُثلِڪْ .. | مُـآ يجيِبۈن رَآسِي . . //

‏{بنـّت زع‘ـِـبيلَ..!

خ‘ــآرج نـطِآق آلـَـمنتدى حـآلـْـياً..!* __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM
يـآنۈر دنيآيےَ جآعت عينـيےَ لشوفڪْ ۈ القلب ضآميےَ ۈصًل ۈ آلڪْبـد محرۈۈۈقـہ	مريوموهـ	المسنجر وملحقاته , توبيكات , ماسنجر بلس , msn	26	08-11-2008 12:29 AM