|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناأستراحة الفيديو المنوع تختص بالفيديو الذي لايندرج تحت قسم من الاقسام |
| LinkBack | أدوات الموضوع | انواع عرض الموضوع |
#1
|
الســـــــلام علـــــيكم شحالكم ؟ اليوم حبيت اراويكم صور كمبيوترات الريس http://up4.m5zn.com/9bjndthcm6y53q1w.../bvapg9b2i.jpg (http://games.m5zn.com) واعطيكم فكره عن اللي يسويه الكمبيوتر .. اول شي وقبل ما ابدا الشرح .. يمكن تشوفون كلامي معقد شوي بس لو حاولتوا تفهمون صدقوني مب صعب وحلو الواحد يوم يزود موتره يكون عارف شو يسوي مب ماشي على عماها ويدفع بس..ترى الكراجات مايرحمون :S_004:.. نبدا الشرح في اكثر من نوع للكمبيوترات بس احسنها الموتك طبعا عندك الموتك و الهالتك و الولف و الاكسل وفي غيرهن بعد .. (1) كمبيوتر الموتك MoTeC كمبيوتر الموتك 6 انواع وكل نوع فيه مواصفات زيادة وطبعا كل نوع اغلى من الثاني اختيارك المفروض يكون على حسب قوة مكينتك وعلى حسب التزويد اللي انت مركبنه .. يعني في ناس يسالون لو اركب الموتك بس بدون اي تزويد فالمكينه بيسوي شي ؟؟ والجواب طبعا لا مابيسوي شي يمكن بيعطي تغيير بسيط بس يعني ركب هدرز احسن .. نبداا الشرح اول نوع هو M 4 وهو يركب على كل المكاين وحتى الدراجات ومكاين الروتاري هل الكمبيوتر له 3 شغلات الهوا والبترول والكهربا التحكم بالكهربا مع هل النوع تقدر تتحكم في وقت صدور الشرارة وقوتها عسب تخليها قوية في كل الحالات سواء على ار بي ام منخفض او عالي وتقدر تتحكم بضخ البترول في الانجكترات لان برمجة الوكالة كل ما دست وارتفع الار بي ام يضخ بترول زيادة اما بهل الكمبيوتر تقدر تزيد الضخ وتخليه دايما قوي في كل الحالات ار بي ام عالي او نازل بيكون نفس الضخ والكمبيوتر يقدر يعدل اذا في مشكلة في الانجكتر وكان ضعيف في الضخ يزيده لين ما يوصل للبرمجة اللي انته تباها. وهو مناسب للتضبيط الخفيف يعني حفه وبوردينج وللكامات بعد ينفع .. كمبيوترالموتك النوع الثاني والنسخة المطورة من الM4 اللي هو الm48 وهاذا مصمم خصيصا لل6 وال8 سلندر يعني مناسب جدا للفتك والاستيشن وسعره 12 الف درهم تقريبا ويناسب المكاين التوربو والسوبر اذا حبيت تركب هل الاثنين عليك بهاذا طبعا فيه خاصيات وايدة واللي يميز الموتك عن باقي الكمبيوترات انه فيه خصائص اكثر من اي كمبيوتر غيره مثلا الانجكتر يبدى ضخه تدريجيا وما يكتمل ضخه الا يوم الانتيك يبخ الهوا الكافي ويوم يكتفي الانجكتر يضخ بتروله 100 بال100 ومعروف ان الانتيك متى يسحب هوا كافي بعد ار بي ام 3 تقريبا لان الهوا يدخل اكثر خلال هل الار بي ام والسرعه هل الكمبيوتر بيخضلك 100 بالم100 في كل السرعات وعلى ار بي ام منخفض وطبعا في ناس تتحرى انها لو كبرت الانجكترات انحلت المشكلة ؟؟!! طبعا غلط ليش لان لازم يكون في توازن مثل ما الانجكتر يبخ بترول لازم ايضا تحتاج الهوا الكافي وهل الكمبيوتر بيخلط الهوا مع البترول بطريقة مناسبه واحتراق سريع للسلندر عشان تحصل تورك اعلى وتشل اي غلطة في المكينة مثل تقطيعه او فقدان احصنة او نزول في التورك غير ملاحظ هل الكمبيوتر بيعدلك كل شي طبعا اهم شي في تزويد السيارة انك تعدل ميزانية البترول والهوا يعني مب اي شي تقدر تركبه لان لو زاد البترول ونقص الهوا تغامر في مكينتك صح بتحصل مشي لاكن مب مثل واحد موازن الا2 مع بعض بطريقة متسواية وكبيرة . هذا شرح بسيط عن النوع الثاني واللي اكثر شي الشباب يستخدمونه.. طبعا في انواع باقية للموتك اللي هيه M400 m600 m800 m880 بس هاي غالية و معقدة بس الحلو فيها انك تقدر تبرمج كذا برمجة وتحط كم خريطة وتخزنهن مثلا اذا تحب تدخل سباق 400 متر عندك برمجة جاهزة واذا سباق خط طويل تقدر تبرمج هل الشي وطبعا كل هل الانواع تبرمجلك تبديل القير والكت اوف مثل باقي الانواع. يعني بضغطه زر تغير البرمجه هذا احلى شي في هالكمبيوترات .. شوف طريقة البرمجة كيف تكون (2) كمبيوتر الهالتك Haltech كمبيوترات الهالتك وبشرح عن الـe6x بالتحديد كمبيوتر الهالتك مقارنة بالموتك انا اشوفه زين وقوي وسعره حلو (4500-5000 درهم ) اللي هو E6X ومن خصايصه تتحكم في الاقنشن اللي هي الكهربا تزيدها تنقصها على راحتك حسب انته شو تبا وتتحكم في ضخ البترول وضخ الهوا واخيرا السبيد كنترول يعني تشل الكت اوف والتبديلات تغيرها مثل تزيد جير 1 على جير 2 وتنزل ار بي ام 3 على راحتك مثل باقي الكمبيوترات الحلو في هل الكمبيوتر انك مب بس تقدر تزيد وترتب وتنظم هل الاشياء تقدر تدخل داخل المكينة وتشوف الاغلاط اللي صايرة مثلا عندك بستن ضغطه اعلى من الباقيات بنسبة بسيطة وطبعا ها ياثر بس ما تحس فيه يعني باختصار تقدر تدخل داخل مكينتك وتعدلها وتنظمها اذا في غلط او اذا تبا تغير شي فيها طبعا معروف ان كمبيوتر الوكالة مثلا تبا تغير الكرنك او البساتن صح ما في شي بيصير وبتحس بالقوة والمشي بس كمبيوتر الوكالة هنيه ما يتعرف على هل القطع ويعطيك القوة الكاملة لهل القطع بس لو ركبت هل الكمبيوتر بتقدر تاخذ بيانات البساتن وقياساتها والكرنك وتزيد الاوفر لاب للكرنك والـــخ طبعا الهالتك تقدر تركبه فوق كمبيوتر الوكالة يعني ما تظطر تشيل كمبيوتر الوكالة وتقدر تغير نظام الكربيتر لاانجكتر اذا مكينتك كاربيتر طبعا مع القطع اللازمة للتحويل بس هل الكمبيوتر بيخلي انتيك الانجكتر والثروتل يشتغل صح شوفو هنيه كيف طريقة البرمجة والخرائط ولاحظو الدقة في طريقة تعديل الضخ سواء البترول والهوا بالارقام االصغيرة وبدقة وبقوة وتقدر تعدل ضخ الهوا فيهن وطريقة برمجته مب مثل صعوبة برمجة الموتك شوف طريقة البرمجة كيف تكون (3) كمبيوتر الولف WOLF3d هالكمبيوتر شغله نفس باقي الكمبيوترات تقريبا ضخ هواء وبترول وتبديلات للجير وار بي ام بس فيه عيب ان برمجته تخترب بسرعه لاحظت الشباب كل شهرين يردون يبرمجونه مادري ليش ؟؟؟ على العموم هاي معلومات بسيطة ومختصرة له وانا بصراحة ما انصح به للشباب لانه عوار راس وباقي الكمبيوترات احسن منه . (4) كمبيوتر الاكسل Accel هالكمبيوتر حاله حال الموتك تقريبا يعني شوي انزل من مستواه لاكنه قوي وفنان للمواتر الامريكية طبعا تبديلات القير وتزيد ضخ الهوا والبترول وتعدل الار بي ام والكهربا وهل الاشياء.. ويمدحوونه للـGMC وللمواتر الامريكيه بشكل عام . سعره 1600 دولار تقريبا مع كامل الوايرات والسنسرات . ----------- واتمنه ان الموضوع يناال اعجاب الجميع __DEFINE_LIKE_SHARE__ |
10-21-2009, 07:19 AM | رقم المشاركة : [ 2 ] | ||||||||||
عضو دائم |
| ||||||||||
| |||||||||||
10-21-2009, 11:47 PM | رقم المشاركة : [ 3 ] |
عضو فعال | مشكوور اخوي عله المروور
__DEFINE_LIKE_SHARE__
|
| |
10-27-2009, 03:31 AM | رقم المشاركة : [ 4 ] |
عضو جديد | اشكرك ع المعلومات اخوي
__DEFINE_LIKE_SHARE__
|
| |
10-27-2009, 03:36 PM | رقم المشاركة : [ 5 ] |
عضو جديد | السلام عليكم
عســـــــــــــــــــاك عالقوة، أخوي تسلم على هالمعلومات الحلوة واقولك ما فيك حيله __DEFINE_LIKE_SHARE__ |
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
السلام عليكم ورحمه الله | محروم.كوم | منتدى أخبار المواقع والمنتديات العربية والأجنبية | 0 | 04-06-2010 06:50 PM |
السلام عليكم ورحمه الله وبركاته | محروم.كوم | منتدى أخبار المواقع والمنتديات العربية والأجنبية | 0 | 06-16-2009 10:50 AM |
السلام عليكم ورحمه الله | ~ عاشقة ~ | تصاميم , دروس , تصاميم الاعضاء | 3 | 05-23-2008 04:05 PM |
السلام عليكم ورحمه الله | بالحبـ خصيتهـ | تراحيب وتهاني | 22 | 03-16-2008 12:16 PM |