مافعله الزوج ليلة الدخلة ...حياكم ......

الرهيب القطراوي · #1 10-19-2009, 01:31 PM

السلام عليكم ورحمة الله وبركاته موضوع اليوم عسى يعجبكم وبي ردود خاصة من البنات بكل صراحه ......

بدون خجل هل تفعلينها لوطلبها منك ليلة الدخله؟

قصة واقعية حصلت في ليلة الدخله
اول شي انا وضعت هالقصه
لأعرف ماهي ردودكم على مافعله هذا الرجل بعروسه

اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو

المتصل : السلام عليك، كيف حالك يا (فلان) و ألف ألف مبروك

الزوج : وعليكم السلام وينكم يا انذال ماحضرتوا الحفل يا تعبانين

المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديرة . ( الديرة الي جايين مها تبعد حوالي 300 كم )

الزوج : المهم تعشيتوا

المتصل : لا والله

الزوج : كم عددكم ؟

المتصل : عشرة

الزوج : اقولك (حرام وطلاق عشاكم الليلة عندي) قل تم

المتصل : يا ابن الحلال مايصير انت عريس جديد يااخي

المهم مافيه فايده الزوج مصر الا يتعشون عنده

الزوج : يالله انا انتظركم مع السلامه . وقفل الهاتف .

الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق
وراجع على بالها يبي يجيب عشاء جاهز .

بعد ربع ساعه رجع الزوج ومعه اغراض العشاء
المهم بعد ماوصل قال الله يسلمك قومي سوي العشاء لزملاي في العمل جايين من بعيد ولا تعشوا
وفي أثناء الحوار،،، وإن الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه
والمفاجأة ... ؟
7
7
7
7
7
يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين
بصرااااحه لو كنتي مكان هالبنت تسوينهاولا .. لا .

ابي ردودكم.....ولكم ودي .....

مــدام ان ديــرتـي دار التميمـــي .....فنا ما ضنتـي يحجــب شـــعـاعــي
تـربينـا علـى حـــب الطــــــليـعـه ..... وندعس للوطـن روس الافـــــاعـي
نعيـش الــرفعته ونعيـش لاجلـــه .....وانمـــوت العـزتـه مـوت جمــــاعـي
قطـــر داري ودار ابـن الفجــــــاءة ..... بـلادٍ نبتهـا ســــيـف ويــــــراعـــي

& الودعاني عاشق الريان &
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشادة كلاميه بين الزوج وزوجته وسفر الزوج وطلب زوجته..حياكم ....	الرهيب القطراوي	نكت , سوالف للشباب والبنات	3	03-25-2010 12:45 PM
تشابك الأيادي بين الزوج والزوجة بالاماكن العامة ? .... حياكم ......	الرهيب القطراوي	الحوار والنقاش - الرأي والرأي الآخر	18	12-17-2009 02:11 PM
من صاحب القرار الاول الزوج ام الزوجه....حياكم....	الرهيب القطراوي	الحوار والنقاش - الرأي والرأي الآخر	9	05-14-2009 02:28 PM
ليلة الدخلة	matadoor	الإستراحه العامة	0	04-01-2008 11:58 AM