بسم الله الرحمن الرحيم

هذه شيلة رائعة لقصيدة رائعة للشاعر شباب العضياني العتيبي منشدة بصوت المبدع عبدالله الشمري.

قبل أن أضع لكم رابط تحميل الشيلة أترككم مع القصيدة لكي تحكموا بأنفسكم.

يا رازق اللي هموم القلب يخفيها = محدن خبر حاجته لو كان محتاجي
أصبر عليها وصبر النفس يغنيها = والصبر راعيه موعوداً بالافراجي
والنفس من همها كثرت طواريها = نومي تماليل يا فيحان واسهاجي
ما غير أعذّل على نفسي واناجيها = وأساهر الليل لين الصبح ينباجي
نفس طموحاتها ترفع معانيها = ما ترتخي للهزيعه والتلواجي
يا الله يا خالق الدنيا وما فيها = تكتب لنا مع طريق الخير منهاجي
ياللي يذكرك قلوب الناس تحييها = تغفر ذنوب الفقير الخايف الراجي
ما ازكي النفس كود الله يزكيها = يا رب تغفر ذنوبي يوم الأحراجي
يوم الصحايف يحضر كل ما فيها = في موقفن من نجا من كربته ناجي
الله على اللي بعيد الدار يدنيها = جيب شبح وردوه بجمرك الباجي
يبعدك عن دار وديارن يوديها = ومزودن بالدبل والكشن ديباجي
يا زين سمكة غباره مع صحاريها = ما همه الخط قدمه يوم ينعاجي
أقذال قدام وأقذال متعديها = يسهج كما الزورق اللي فوق الأمواجي
اكرم نفسن ليا حصلت مناويها = مشي العذاء ما تبي الديره والازعاجي
مع ديرتن عشبها كاس مطاويها = من سيلها ما مشاها كل دواجي
ريضان وسميتن والصيف واليها = ريحة ثراها يخل الضيق ينباجي
فيها أم سالم مهوجرتن غنانيها = جاين لعجة زهور العشب نجناجي

يازين بيت الشعر في حيد واديها = والنار سمرن حطبها يسرج اسراجي
في ربعتن للنشاما مجلسن فيها = ما سكرو بابها بالقفل أبو تاجي
هبايب النود يذرنه ذواريها = في فيضتن علها الوسمي برهاجي
والفرق تسعين من نقوة مقانيها = والذود شرشوح عربن كلها انتاجي
والشاص يبرالها والعايدي فيها = والبيت فيه ام عشر وخمس مغناجي
والدار ربي من الرجعان معطيها = والناس ما فيها زول لزول يحتاجي
هاذي طراة الحياة وخل باقيها = مالي بها لو ملكت قصور وابراجي