السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين يا اخوان انا ابغي شوركم في موضوع مهم جدا .. لاني بصراحه مثل ما تقولون احترت قلت استشير الاخوان يمكن حد يعطيني الشور . واتمنى من الاخوان يكون الرد منطقي لانه الموضوع حساس جدا الموضوع و بإختصار شديد . عندي كمية من الذهب على شكل سبائك صغيرة تقريبا كل قطعة 100 جرام الكمية تقارب ما يعادل 2*5 كيلو . الذهب هذا موضوع في خزنة البيت . الخزنة مب من النوع الصغير . بالعكس خزنه كبيرة مستوردها الشايب الله يعطيه العافية من برع . يعني من الاخر غير قابلة للفتح الا بالمفتاح و رقم سري و المفتاح هذا مكانه ما يعرفه الا شخص قريب جدا جدا جدا مني . يعني الخلاصة مافي اي مجال حد يفتح الخزنة من ورانا ولو بنسبة 0.1% . و فوق هذا الخزنة موضوعه في مكان غير ظاهر . يعني شبه مخفي . يعني لازم تكون من هل البيت الخاصين جدا عشان تدخل عندها . المهم انا حبيت ابيع بعض الذهب هذا خاصة و ان سعره عالي . يوم فتحت الخزنه تفاجأت ان 4 سبايك مب موجودة في مكانها ؟ حوالي 400 جرام . تعوذت من الشيطان و شيكت بدال المرة 10 . طلع العدد ناقص 400 جرام . المهم اتصلت على اخوية و خبرته و ياني للبيت على اساس يكون الموضوع بيني و بينه خاصه واننا حطينا الاغراض رباعه لانه بصراحه الموضوع غريب . انا متأكد 100% الخزنة من حطيت الاغراض فيها ماحد فتحها . لانه لي طريقه معينه اسويها و ماحد يعرفها تبين اذا انفتحت الخزنة او لا . والخزنة فيها اشياء ثمينة و فلوس ما ينقصت . ثاني شي انا*مستحيل مستحيل مستحيل* اشك بانه حد من البيت اوالشخص القريب مني الي يعرف مكان المفتاح مد ايده على الخزنة لانه الحمد لله وبفضل الله كلنا في خير ولي بيحتاج قبل لا يطلب بيلقى الي يسده . بس بصراحه شي يحير . مابا اقول الخدم ولا بحط في ذمتي على الضعوف هذيلا . لانه اساسا مالهم مجال على الخزنه ولا يعرفون انه في خزنه . انا احتسبت الموضوع عند الله و العوض منه . بس اليوم اتصل بي اخوية و قال لي شرايك فيه ريال سمعت يذكرونه في ............. تروح له و توصف له شكل الشي الضايع ووصف المكان الي كان فيه و بيعطيك دخون و ما ادري شو وبعد 3 ايام بيقول لك وينه اذا بعده ما انباع . ولا تعطيه شي لين ما تلقى الاغراض طبعن اخوكم كان يوم يسمع عن سوالف الافارقة و النصب و الدجل و قناة الحقيقة يضحك عليهم . اقول دوم وش فايدة العلم الي تعلمناه اذا اخرتها بتبع هذيلا . و قبل العلم حرام اضيع ديني و 40 يوم صلاة على وصخ دنيا . حتى ولو راح كله العوض على الله بس بصراحه انا احوس بس ابا اعرف منو و كيف و متى طلع الذهب من الخزنة . احينه الخزنة مجابلها من يومين . ما خليت صفحة نت ولا موقع الا شفته و جمعت السكاريب و شريت منشار حديد و جربت افتح الخزنة . والله حتى الخدش ما ياها شي يحير . ؟؟! فكرت اني اروح للريال هذا ولا اطرش حد عليه تزن في راسي قلت ادخل استشير . انتوا مع اني اروح و لا ضد ؟ وسلامتكم
10-14-2009, 02:40 AM
العرض الشجري
المواضيع المتشابهه 
