بمناسبة قرب الوسم

محروم.كوم · #1 10-10-2009, 11:10 PM

بسم الله الرحمن الرحيم

السلام عليكم ورحمة الله وبركاته

بمناسبة قرب الوسم اهدي لكم هذي القصيدة المتواضعه ولا بد انا احد منكم سمع به او يمكن عرضه احد الاعضاء قبلي :

الجيب والقرناس وخوة هل الطيب ..تسوى مجالست العرب فالمدينه
ماسبّهم واعرف انا مابهم عيب .. بس الهوى ياهل الهوى حد لينه

عزبه وخيمه والصحاري مضاريب.. وابو ثلاثه شهور تو صالخينه

ومعلقينه من كراعه على الجيب.. والبن الاشقر تونا حامسينه

شبّت حطب ماهي بشبة عياسيب .. ارطا وعرفج يمنّا حاطبينه

واليا سنت شب الجروم اللواهيب .. قام المقهوي قّرب الماء بدينه

ركّب دلال مجلدات المقاظيب .. بغداد من سوق الحفر جالبينه

بيضن تلالا يطعمن المشاريب .. تبعد عن انفوس العباد الغبينه

واليا احتمى ماهن يشيل المراكيب .. يحط كيفن بالنجر طاحنينه

فنجال ونص وردهن يمه قريب .. وجاب البريج وسكره في بطينه

وحطه على صفه هذيك المهاذيب .. والبن فاح وركده في سكينه

وجاب الدلال الي يعرف المواجيب .. ثنتين غير الي بهن عاملينه

مجنون كيف ورتب الامر ترتيب .. حط البهاروريح هيله يازينه

ثم زلهن لين استوى باخر السيب .. وحطه بناره ربنا لاتهينه

وقال اقدعوا تمر حلو توّه امجيب .. اخلاص من دار الحسا محظرينه

ثم صب فنجاله ومابه عذاريب .. والله على الفنجال تسلم يمينه

مجربن ماهوب يحتاج تجريب.. اي والله انا كلنا مجربينه

مافيه ظيف وكل ابونا معازيب .. والشاي خدر والورق حاكرينه

وعقب السوالف والقهاوي مطاليب .. كل يناظر للمواتر بعينه

نبي نهيّف فوق روس المراقيب .. وانفّرع القرناس لاجل السمينه

اليا خطفها خطفتن بالمخاليب .. تبري النفوس الضيقات الحزينه

واليا انتهى المقناص جبنا مكاسيب .. والحر الاشقر عقبها مبرقعينه

ونمشي ونلقا يمّنا فطر شيب .. ومفرود يطرد من ورى امه تنينه

وسط النفود ولانمر الشخانيب .. نخاف من ظرب الحصى فالمكينه

ووساع صدر ونطقنا بالتراحيب .. واعقولنا هي العقول الرزينه

ياليت لي دورن بغوج الاطانيب .. وانسى حضارات الخراب وسنينه

اخير من طرد البنات الرعابيب .. واحدن تسمّع من عذابه ونينه

ممشاي صح وخوتي للاشانيب .. رجل يصد اعن المراجل ياشينه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سيل الوسم ..!	محروم.كوم	منتدى أخبار المواقع والمنتديات العربية والأجنبية	0	04-19-2010 02:40 AM
الوسم بكًر يازين الوسم ومزونه (شمال غرب الفواره 11/5) عبدالله الحربي	محروم.كوم	منتدى أخبار المواقع والمنتديات العربية والأجنبية	0	10-25-2009 05:30 PM
بمناسبة قرب الوسم	محروم.كوم	منتدى أخبار المواقع والمنتديات العربية والأجنبية	0	10-10-2009 10:50 PM
حبل الوصل.............	Pink-Heart	تصاميم الاعضاء	28	11-21-2008 04:13 AM
Ooo تهنئه بمناسبة العيد الفطر السعيد و تواقيع بمناسبة العيــدooO	♕ وليد الجسمي ♕	التبريكات والمناسبات	12	10-03-2008 02:14 PM