{~}{ أجــراس }{~} 10/10/2009

ઇ النورس ઇ · #1 10-10-2009, 12:35 AM

السلام عليكم و رحمة الله وبركاته

أحيان .. مهمى يعلو صوت الجرس .. لا يسمعه الانسان ولا يصحى
وأحيان .. وان كان الصوت همسا ً .. تسمعه الآذان .. ونصحى

شيء ٌ محيّر !!

ولكن منطقيا ً .. النفس تسمع ما تريده ** ولا تسمع ما لا تريده ^^

فنرى ان الكلام اعلاه ليس محيّر .. ولكن النفس هي التي تُحيـّـر !!

:::::::

وبين ايديكم بعض من هذه الحيره ***

كتبتها عندما احترت في بعض النفوس ** الى أن احترت في نفسي انا ^^

قصيده عنوانها أجراس

اتمنى انها تنال على اعجابكم

والسموحه على الاطاله في المقدمه

اقول :

فصــولِ الكون يـا خلـّـي تشابهّـا قــــــلوب الناس
ويـاللــي دايمــا هيـّـه مــــــعَ الأوقـات مخـتلفـه

تِـلاقيــهــا رقيقه الـيوم وبكره ميـّـته الاحساس
ويــوم تـْـجيــك ملتزمـه ويــــوم تـْـجيك منحرفه

تِصافح شخـْـص لو مرّه تشوفه صدْق هو حساس
وشخصن للأسف حاقد تِحِس الشوك فـــي كفـْـه

كذا حال البشر غامض بهِ الأفراح ويّا اليــــــــاس
تِشوف الظلمهِ السودا مــعَ الأنــــــــوار ملـتـفـّـه

غريبه نفـْـس هالانسان مهما هوْ قِوي البـــاس
تِــلاقيها فِــأي لحظـه من ِ الأهوال مرتـجفـــه

مــعَ الأخيار تلقاهـــا واذا ما صابَها وســــواس
تلاقيها مـــعَ الغــدار حتى تـْـصير فــــي صفـّـه

تماطل بالكذِب دايـــم وتاخذ هالكذِب مـقيــاس

وابد م تشوف هذي النفس بـــالنقصان معترفه

تحَسـّـبْها عفيفه كنّـهـــا من معدن الألــماس
وتكشف بعدَها فجـــأه بـِـأنـْـها تنبذِ الــعفـّـه

ولو أحيان تكْشفها وتكشف رجفـــةِ الأنفاس
بتِظهـِـر لكْ شجاعتها وفـــالتمثيل محتــرفه

ألا يا نفـْـس لا تطغَي على هالعقـْـل جوّا الراس
ترا الشيطان فيج انتي مِـديم يـْـمارس الحرفه

ومهما جيت انبـّـهـّـا ومهمــا أقــرع ِ الأجراس
ومهما هالعقـِـل فاهم تِلاقــي النفـْـس متخلْفه

شعر : خالد الشامسي

النورس

مع كل الود
__DEFINE_LIKE_SHARE__

{ بـ Pif ـف بـ Paf ـاف !لهـم } · 10-10-2009, 12:50 AM

وعليكم السلام ورحمة الله وبركاته

صححححح لسانك ولاهانك
الصراحه احترت انا في قصيدك كككككااك
ماعرفت اي بيت اقتبص خيخييخخي
كل بيت اررررروع عن الثاني مافيك حيله ابدعت وانته امبونك
من زمانات مبدع كككك احيدك حلق حلق خيخيخيخخخي
لكن هذا البيت الصراحه حرك اشيائات داخليات شعريات خخخخ

والسموحه حبيت اني اسوي من بف باف شاعره مستشعره واجاريك يعني احييييم

ألا يا نفـْـس لا تطغَي على هالعقـْـل جوا الراس
ترا الشيطان فيج انتي مِـديم يـْـمارس الحرفه

****
صدقت القول ياخالد وبيتك صادق الاحساس
وهذا حالنا هالحين جشع ونفوس منحرفه

ويعطيك العافيه ياخويه ونتمنى تزيد مشاركاتك
وتتحفنا بكل جديد وممتع من صنع اناملك المبدعه
والسموحه على الاطاله
بالتوفيق ان شالله
__DEFINE_LIKE_SHARE__

*نظره مني تسدك* · 10-10-2009, 01:50 AM

"

"

وعليكم السلام ورحمة الله وبركاته

صح لسآآآآآآآآآآآنك واعتلاآآآآآآآآ شآنك

قصيده بالنسبه لي يآيه ف الصميم .. لأني احس انيه عشت او بالاحرى عآشرت هالنآس.><

للاسف والله

ابدآع وربي يالنورس ومآ دريت وش اقول ووش اخلي..~

القصيده ف مجملهآ رآآآئعهـ

وتعودنآ هالشي منكـ..^^

قصآيدك دآيمن تحمل الروعه في جعبتهآ..~

ما عرفت وش اقتبس من بيت لأن القصيده كلهآ عيبتني..^^

شآكره لك طرحك الطيب..^^

لا هنت ولا هآن قدرك يالشآمسي..^^

نترقب اليديد..~

تستآهل التقيييييييييم..

وتقبل مروري المتوآضع عند احسآسك الرآئع..~

اختك نظوووره..^^ __DEFINE_LIKE_SHARE__

شآعرة يآلبيه · 10-10-2009, 01:24 PM

وعليكم السلام ورحمة الله وبركاته
مرحب ملايين..^^

يا سلااااام..وربي رووعه
الا غاااااوية القصيدة

واايد عيبتني صراحه
ماشالله عليك أبدعت
والبداية جمييلة صراحه

صح السانك وعلآ شاانك اخويه
وتستاهل التقييم وزوود

وتقبل مروري..^^
__DEFINE_LIKE_SHARE__

{ بـ Pif ـف بـ Paf ـاف !لهـم } · 10-10-2009, 04:18 PM

السموحه خطأ مطبعي كتبت مشاركتي هني وانا امس ماخذه باركن فوق سوري
كاكاكككككااك>>> تم النقل فوق
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للبيع لكزس 570 2009 بليته 2009 تسجلت 6/2009	محروم.كوم	منتدى أخبار المواقع والمنتديات العربية والأجنبية	0	06-13-2010 07:50 PM
للبيع:يخت جلف كرافت اوريكس 36 موديل 2009 == Oryx 36 Gulf Craft 2009	محروم.كوم	منتدى أخبار المواقع والمنتديات العربية والأجنبية	0	12-10-2009 03:30 PM
توجيهي فلسطين 2009 هام جدا اسئلة توجيهي / ثانوية عامة 2009-2008-2009 ونماذج اخرى	محروم.كوم	منتدى أخبار المواقع والمنتديات العربية والأجنبية	0	05-17-2009 10:30 AM
توجيهي فلسطين 2009 هام جدا اسئلة توجيهي / ثانوية عامة 2009-2008-2009 ونماذج اخرى	محروم.كوم	منتدى أخبار المواقع والمنتديات العربية والأجنبية	0	05-17-2009 10:10 AM
لعبة ] : Pro Evolution Soccer 2009 كرة القدم 2009 كاملة برابط واحد	محروم.كوم	منتدى أخبار المواقع والمنتديات العربية والأجنبية	0	05-09-2009 07:10 AM