|×|تعليمنا إلى أين سـ يهبط و ينحدر ؟! |×|

ابكي زمان بكاني · 05-08-2008, 10:53 PM

تسلمين الغلا ع الطرح الغاوي

هذي شكاوينا دايما ..بس في المستقبل نفهم سبب تطوير المناهج و سبل الدراسة و التعب الي نتعبه هذا كله بيثمر في النهاية يوم بنشتغل..

صدقيني لكل شي هدف و هو يلبي الأهداف..

اولا تغيير المناهج شي جيد..لأن في كل مره تتوفر لهم معلومات و اموريديده تكون مناسبة و ايضا مفيده للمستقبل ..فتوافرها في المنهج يسهل عملية التقاط المعلومات..لأن في وقت فراغنا ما بنتفيج نعرف شو اليديد الحين و لا بنتفيج الا حق اللعب و الأمور الي ما تنفعنا..

ثانيا:: التقارير و المجهود الخارجي وحتى توقيت العمل.. هذي امور زينه..لأن حاليا تدرسين..باجر بتشتغلين..لا تقولين شغلي بيكون روتيني ..لآنهم يكلفونا بمهام خارج طبيعة دوامنا ..وفي الأخير نتعلم امور يديده من وراها نترقى في شغلنا و تشكر جهودنا عليها ..

والوقت مهم.. لأن في المستقبل بيتوقعون منج تنجزين اكثر من ثلاث اشياء في وقت قصير و قياسي ايضا.. مثلا انا من فتره وكلوني بمهمه البحث و التنقيب عن المشكلات و الأخطاء الي حصلت في الدوام من قبل 3 سنوات و طلبوا مني اقدم التقرير في غضون 3 اسابيع.. اذا كل سنة تحتاج ع الأقل 5 الى 8 شهور ..فما بالج بـ 3 سنوات؟!

الحمدلله قدرت اقدم التقرير و مثل ما كانوا يتوقعونه مني ..وهذا الي خلاهم يلتفتون لي ويخلوني على بالهم للترقيات اليديده

وثالثا : هم يهيؤنكم للجامعات و الكليات..في سنواتي انا تعبنا وكانت لنا صدمه لأنهم اتوقعوا ان نحن نحمل خلفيه عن نظامهم و اعمالهم ..فظاعت سنتنا الأولى في تعلم هذي الأمور و في الأخير ما اخذنا اكثر عن B+.. الصراحه اتغمظا على ارواحنا

فديتج كل شي ان شاء الله بيهون وعلى التعب الي تتعبونه الحين ..بتشوفون نتايجه المرضيه بعدين ^_^

والسموحه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برد بسماكة 80سم على حنيدر الجزء الثاني	محروم.كوم	منتدى أخبار المواقع والمنتديات العربية والأجنبية	0	05-23-2010 11:40 PM
لمن يعشق البرد ( برد لم يشهد له مثيل على حنيدر )4/5/2010	محروم.كوم	منتدى أخبار المواقع والمنتديات العربية والأجنبية	0	05-04-2010 11:30 PM
رحلتنا الى الارطاويه (حنيدر) ... _	محروم.كوم	منتدى أخبار المواقع والمنتديات العربية والأجنبية	0	02-10-2010 01:10 AM
صور من ربيع أم الهشيم ، غيانه ، حنيدر/ الجزء الثاني	محروم.كوم	منتدى أخبار المواقع والمنتديات العربية والأجنبية	1	02-03-2010 05:06 PM
ربيع حنيدر الخميس 13-2-1431هــــ	محروم.كوم	منتدى أخبار المواقع والمنتديات العربية والأجنبية	0	01-29-2010 12:20 AM