وحيد تلامس ايدي الحروف _______ ]]

هيام الامارات · #1 05-07-2008, 03:29 PM

السلام عليكم

اشحالكم ؟ ربكم الا بخير ؟
هذا يديدي في متناولكم .. عل وعسى ينال رضاكم
:
:

وحيد تلامس ايدي الحروف وما معي اقران
سوى الانسان في عمق القصيد وجفوة احبابه

سهرت اغزل من الدفتر قلم ومن القلم برهان
لقيت الدفتر أكبر ما يلمه في لحظة كتابه

أنا والا انت يا ليل البطى في لهفة العجلان
على طول الزمان تفصل العجلان فـِ ثيابه

وانا وان قلت يا ليلي سلام الله رقص نشوان
على باله سمع مني سلامٍ كان يرضى به

يا عمي يكفخ الحر الابي ويربك الجنحان
وتدوي عزته في عظم ساقه دون مخلابه

يضك السرج في عين الشجاع مضمر الفرسان
يجيب العاديه ضبح لخطاوي الريح وثابه

على البطان لو صكت قصيدي لا ترد الشان
ما دام اكبر عيال الذيب خيب من تعزوى به

لعمري السالفه ماهي بكا ! دام الدموع اخوان
ودام ان الاماني يضحكن في جروحٍ مصابه

على اطراف المكان امسى كفيف الذاكره عنوان
يدله .. من تناساه المكان وشابه اترابه

خليلي قال : تبقى الشمس لوعاشت ورا الجدران
وانا اقول المدى للشمس والجدران كذابه

خليلي قال : نشهد للجدار ان الحجر خوان
وانا اقول الخطا في السيد الحجار وأصحابه

لقيت الريق فـ اوتار الحناجر منتهى الحرمان
لمن صوته نشز في حنجرة غيره وقفى به

يعذبني كثير أن الحكي أوطى من الحيطان
واقل من الوشل في محجر الواقف على اهدابه

بافك ازرار صدرك يالسما واستدرج الهتان
عسى وجه الثرى ينبت على مشهاته اعشابه
:
:

وسوالم .. والسموحه ع القصور __DEFINE_LIKE_SHARE__

أفضل شاعر · 05-07-2008, 05:21 PM

السلام عليكم

صح لسانج

الصراحه قصيده قويه جداً في كلماتها ومعانيها ومكتوبه من ألهام شاعر كبير

صح لسانج ابدعتي فيها بالحرف والكلمه والمعنى

لقيت الريق فـ اوتار الحناجر منتهى الحرمان

لمن صوته نشز في حنجرة غيره وقفى به

بيت خيالي الصوره فيه جداً رائعه

خيال واسع وألهام كبير كبير .. بالتوفيق وبنتظار مثل هالابداعات دائماً

تحياتي

الشاعر __DEFINE_LIKE_SHARE__

مزيون بوظبي · 05-08-2008, 01:47 AM

سهرت اغزل من الدفتر قلم ومن القلم برهان

لقيت الدفتر أكبر ما يلمه في لحظة كتابه

صح لسانج ع القصيده الغااوي

يعطيج العافية __DEFINE_LIKE_SHARE__

♥دمعه الشوقـ♥ · 05-08-2008, 11:43 AM

رووووووووعه ماشالله عليج

روعه وقوي وحسيت بعد بكلماتها ان عندج

محزون حلوو بالكلمات مو مثلي اتم ساعه اطمش

لين اطلع الكلمه

وانتي شـــــآآعره لسبب وصلتي احساسج ^_^ لي

تسلمين وبانتظار كل يديد من صوبج __DEFINE_LIKE_SHARE__

هيام الامارات · 05-08-2008, 02:44 PM

مشكورين عالمرور الطيب و تسلمون عالردود الحلوه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ثيم وحيد يا زمان وحيد	محروم.كوم	منتدى أخبار المواقع والمنتديات العربية والأجنبية	0	02-26-2010 06:10 AM
طلب ويندوز سفن.~_______	محروم.كوم	منتدى أخبار المواقع والمنتديات العربية والأجنبية	0	12-22-2009 02:10 AM
في رمضان \| اجدد الافلام \| اجدد المسلسلات \| اجدد البرامج المسليه والمضحكه\|	محروم.كوم	منتدى أخبار المواقع والمنتديات العربية والأجنبية	0	08-13-2009 05:50 PM
في رمضان \| اجدد الافلام \| اجدد المسلسلات \| اجدد البرامج المسليه والمضحكه\|	محروم.كوم	منتدى أخبار المواقع والمنتديات العربية والأجنبية	0	08-13-2009 05:40 PM
mazda..RX.7 ^_______^	الســـويدي	سيارات و دراجات	10	09-18-2008 04:16 AM