الحلقة الأولى من برنامج تون اوف كاش الموسم الثاني . تقرير و صور حصري

الجميل · #1 10-02-2009, 02:04 AM

مرحبا شباااااب

مثل ما وعدتكم اني راح انزل لكم موضوع خاص و منفصل عن الجوله الأولى لبرنامج تون اوف كاش الذي يعرض على قناة ابوظبي كل يوم ثلاثاء .. الساعه 8 مساءا بتوقيت السعوديه و الساعه 9 بتوقيت الإمارات

سبق و ان طرحت موضوع بالتعريف عن المشتركين في البرنامج و كل واحد و صفاته اللي بينت من اول حلقه

بدأت المرحله الأولى من الجوله الأولى في جزيرة النخيل في لبنان

وصلو الفريقين و قفوا جدام المذيع المعروف ايمن قيسوني ..

بدأ ايمن يكلمهم عن البرنامج و يقول عن المرحله الأولى هي عباره عن حصول الفريقين على طن من المال قيمتها مليون و نصف المليون درهم .. بس الفلوس وين موجوده يا ترى ؟؟؟

خخخ انا بقول لكم
موجوده هنـــــــــــــــــــــــــــــــا شوف الصوره

الفلوس كلها موجوده تحت الماي في البحر .. و حاطينها في اقفاص حديديه و لازم الفريقين يروحون للجزيره سباحه و بعدين يفتحون الأقفاص .. مش هنا المشكله .. المشكله وين المفاتيح .. ههههههههه

انا بقول لكم وين ..
هنا راح يحصلون المفاتيح و مفتاح واحد هو اللي يفتح بس ..

المفاتيح مدفونه تحت الأعلام .. و مفتاح واحد هو اللي يفتح ...

=====================================

ننتقل للسباق ..

انطلقوا المشتركين .. و ركبو على القوارب المخصصه لهم ..

اول ما وصلو قرب الجزيره سمعو صفارة الإنطلاق و كلهم قفزوا من القارب و صاروا يسبحون نحو الجزيره .

طارق و جابر متوجهين نحو الجزيره سباحه .....

وصل الفريق الأحمر اول شي ..
و صار جابر يفتش على المفاتيح

حصل جابر المفتاح الأول و صار يفتش اكثر و حصل اكثر من 3 مفاتيح .. راحوا يفتحون القفص الحديدي

صار الفريق الأحمر ينقل في الفلوس حقتهم .. و الفريق الأصفر لازال يعاني مو قادرين يفتحون القفص الحديدي لأنهم ما حصلو المفتاح ..

فجأة مصطفى قال لهم فتح القفص .. و كلهم فرحوا بس لما راحوا يشيلون الفلوس تبين ان مصطفى الذكي ما مفتح القفص و المفتاح اللي عنده ما يفتح اصلا .. خيب امل الفريق الأصفر

المهم اخيرا الفريق الأصفر فتحو القفص الحديدي .. على فكره كل فريق عندهم قفصين و لازم يفتحونهم الأثنين .. شوفو شو صار ..

بدأ الفريق الأصفر ينقل الفلوس و في الوقت هذا كان الفريق الأحمر مستانسين انهم سبقوا الفريق الأصفر بأكثر من 10 رزم ..

صار التنافس بعدها ... هذا حسام يرمي الفلوس اقوى ما عنده .. وحششششش

هذا ناصر ما شاء الله عليه شوفوا كيف شايل الرزم و هو متحمس .. :icon31:

و هذا شملان يرمي الفلوس لفريقه ( شكله معصب ) :crazy:

فجأة الفريق الأحمر توهق .... الجماعه ناسين يفتحون القفص الثاني و المفتاح ضاع من عندهم و راح في البحر ... هههههه و في قفل واحد مقفول و ما شي المفتاح ....

الفريق الأصفر في الفتره هذي استغل الفرصه و صاروا ينقلون في الرزم حقهم و يحطونها في المكان الخاص لها ..

هذي نيبال تحط الرزم في المكان المخصص .. احس انها ما اشتغلت بس قاعده ترتب الرزم .. الفريق كله يوصل الرزم و هي بس شغلتها تصفف هههههه :bleh:

في المرحله هذي الفريق الأصفر فاز .. و عاشو الدور هههههه :icon31:
يستاهلون بصراحه اشتغلوا كأنهم يد وحده ... اما الفريق الأحمر تأخر كثير الا ان وصل ..

هذا طارق شايل اخر رزمه عند فوزهم ... و الفريق الأحمر مبين انهم لين الحين يحاولون يفتحون القفص ...

-------------------------------------------------------------------------------

انتهت المرحله الأولى .. الفريق الأصفر فازوا في وقت رفاهيه على حساب الفريق الأحمر بقيمة 5000 درهم .. و هذا المبلغ ينخصم من عند الحمر ...

ركبوا الفريق الأصفر في القارب و انطلقوا الى مدينة جبيل .. الفريق الأحمر كان يشاور للفريق الأصفر هههههه

======================================
هذا هو الفريق الأصفر في سوق جبيل راحوا يشترون اغراض و هدايا على حساب الفريق الأحمر

هذي اميره تشوف سلسله مصنوعه من الأحجار النادره :tears:
================================== __DEFINE_LIKE_SHARE__

الجميل · 10-02-2009, 02:05 AM

في الوقت هذا الفريق الأحمر كانوا قاعدين في الخيم و ما يعرفون شو يسوون و ملااانين و الجراد ماكلهم اكل ..

هذا شملان خلع الحذاء و مليان رمل ......

---------------------------------

وهذي نوف و كارلا قاعدين يتناقشون حول الخساره اللي جاتهم ..

---------------------------------------------------

الفريق الأصفر قاعدين يستانسون بوقت الرفايهيه و التمتع بوجبات دسمه

و انتهت المرحله الأولى من الجوله الأولى بفوز الفريق الأصفر
==============================================
==============================================
==============================================

بدأت المرحله الثانيه من الجوله الأولى ....

تجمع الفريقين اما ايمن و اليوم عندهم مهمه جديده و صعبه ..

بدأ ايمن يقول لهم عن اللعبه و شو لازم يسوون هالمره ..

شرح المرحله الثانيه :
يجب على المشتركين نقل رزم الفلوس كلها الى القوارب المجهزه لهم و التي فيها سائق خاص . و بعدها ينطلقون الى ميناء طرابلس .. و يبدأون بنقل الفلوس من خلال قوارب هوائيه يجب على الفريق نفخها قبل استخدامها .

طارق و ناصر يسمعون كلام ايمن و يحاولون انهم يحطون خطه مناسبه للمرحله هذي

بعد ما خلص ايمن من شرح اللعبه .. عطاهم اشارة الإنطلاق .. Good Luck Go

انطلقو الفريقين ..

=-===================================

صارو الفريقين ينقلون في الرزم .. و يحملونها في القارب .

هذا احمد في القارب

وهذا طارق يحمل في القارب بعد

---------------------

المرحله هذي الفريق الأصفر قدر يسبق الفريق الأحمر .. حملو كل الفلوس في القارب حقهم و الأحمر بعده ما خلص ... يا ليل ما اطولك . بس المرحله لين الحين ما خلصت باقي عندهم مشوار طويل .

مستانسين لأنهم خلصو من نقل الفلوس للقارب .

حركو الفريق الأصفر و سبقو الفريق الأحمر بمشوار ..

بعدها انطلق الفريق الأحمر و المسافه باينه بين الفريقين .. شوف الصوره

بدأ الفريق الأصفر و الأحمر بنفخ القوارب الهوائيه اللي راح يستخدمونها لما يوصلون قريب من ميناء طرابلس .

طارق ينفخ القارب الهوائي و يصبون على راسه الماي .. :nosweat:

وصلو الفريقين قريب من شاطئ طرابلس .. و طبعا الفريق الأصفر وصل قبل الفريق الأحمر ..

================================================== ==

بدأ كل من الفريقين في تحميل الفلوس الى القوارب الهوائيه .

هذا ناصر ماخذ القارب الأول و قاعد يحمل فيه الفلوس . و بيطلع فيه الى الشاطئ .

==========================================

و هذا احد من الفريق الأحمر ما تبين لي من هو بالضبط ماخذ قارب و راح يطلع فيه

وصل قارب الفريق الأصفر اول شي و صارو ينزلون في الفلوس و يودونها للمكان المخصص ..
و صارو شغالين ذهاب و اياب في القوارب ..

هذا طارق رايح يحمل رزم في القارب لحاله ... الفريق الأحمر تهاوشو و السبب ان شخصين ما قدروا يجدفون في القارب عدل .. :tears:

صار الفريق الأصفر ينزل في الفلوس حقهم و يحطونها في المكان المخصص لها ... و الفريق الأحمر لازال ينقل في الرزم ..

هذي كارلا تنقل الرزم

و الفريق الأصفر خلصو كل الرزم ...

__DEFINE_LIKE_SHARE__

الجميل · 10-02-2009, 02:06 AM

========================================

في المرحله هذي فاز الفريق الأصفر و قعدوا مستانسين بالفوز

شوفو صورهم

قسط من الراحه بعد التعب

طارق متوازن على ناصر ... يعبرون عن فرحتهم فالفوز

--------------------------------------------------------

الفريق الأحمر لازال يشتغل و ينقل في الرزم ...

==================================

اخيرا خلص الفريق الأحمر ...:nosweat:

وقعدوا يتهاوشون عن التجديف و ان كيف هم شخصين ما عرفو يجدفون و راحو بعيد

و هذي شيرين قاعده تبكي لأنها خسرت

==========================================

فاز في المرحله هذي الفريق الأصفر و سبقو الفريق الأحمر ب 9 دقايق و 33 ثانيه ... يعني المرحله الجايه راح يبدأون قبل الفريق الأحمر بنفس الوقت هذا .. و الحين وصل دور القريد باس ..

الفريق الفائز يحق له اول شي يختار القريد باس اللي يريده .. و اغلى قريد باس عن الفريق الفائز هي اغلى قريد باس عند الفريق الخسران ... يعني كلوها الفريق الأحمر

في البداية طلع للفريق الأصفر القريد باس اللي هو الة نفخ اطار

ما اختارو القريد باس هذا و قررو انهم يغيرون رايهم

طلب ايمن من شخص انه يمثل الفريق الأصفر

طلع طارق يمثل الفريق و يختار قريد باس ..

اختار طارق القريد باس الوسط

اطار جاهز للإستخدام و كلفهم 4000 درهم

===========================

دفعو الفلوس و راحو ..

================================================

بما ان الفريق الأحمر هو الخسران .. ثاني شي يختار القريد باس ..

طلع شملان يمثل الفريق الأحمر و اختار اطارين جاهزين للإستخدام ب 10000 درهم
دفعو الفلوس و راحو

=================================================

قعدو يجهزون للمرحله الثالثه من الجوله الأولى

بدأت المرحله الثالثه و اللي في مدينة طرابلس في لبنان

اجتمعوا الفريقين جدام فلوسهم و ايمن موجود كالعاده

المرحله هذي مثل ما قلت ان الفريق الأصفر راح يبدأ قبل الفريق الأحمر ب 9 دقايق و نص
بس المرحله هذي لازم الفريق اللي يوصل للبنك قبل يشغل ساعة تون اوف كاش .. الساعه هذي تحسب الوقت و تحول الوقت الى فلوس

طبعا ايمن يشرح العبه و الجماعه مندمجين

احمد مندمج في كلام ايمن قيسوني

شرح المرحله الثالثه

في المرحله هذي .. الفريقين عندهم عربات بيع الخضار راح يستخدمونها في نقل الفلوس الى البنك ... الفريق الأصفر عندهم اطار واحد جاهز للإستخدام و يبقى عليهم تركيب اطارين بعد
الفريق الأحمر عندهم اطارين جاهزين للإستخدام و باقي لهم اطار واحد بس يعني عندهم فرصه يفوزون
لازم الفريقين يتبعون الإشارات عشان يوصلون للبنك

انطلق الفريق الأصفر اول و بدأ العداد يعد بالتنازل

راح طارق و مصطفى يركبون الإطارات ..

مصطفى يحمل العربه بعد تركيب الإطارات من غير ما يحاسب في الوزن .. شوفو شو صار

مصطفى حمل العربه بوزن زايد و الإطار بدأ ينسم .. لين ما نزل على الأرض .. اكيد بيكون صعب انك تجر العربه و الإطار منسم ... فكر شوي

في الوقت هذا كان الفريق الأحمر يحط خطه له ...

==============================

ناصر و طارق و مصطفى يدفعون العربه و شكلها ثقيييييييييييله و الفريق الأحمر لازال ينتظر

بعدها بشوي بدأ الفريق الأحمر .. بدأو في نقل الفلوس و دفع العربه __DEFINE_LIKE_SHARE__

الجميل · 10-02-2009, 02:07 AM

الفريق الأحمر فكر انه يغش شويه في المرحله هذي و سدوا الطريق على الفريق الأصفر و عرقلوهم

بصراحه نجحت طريقتهم بس في النهاية تسمى غش .. و مبين في الصوره ناصر قاعد ينقل الفلوس على يده و يوديهم للطرف الثاني ...

المهم كمل الفريق الأصفر و الأحمر المنافسه .. فجأه من غير سابق انذار .. انكسر الإطار الأمامي من العربه ..

طبعا بعد ما انكسر الإطار استنتج مصطفى ان السبب هو الوزن الزائد .. بس شو الفايده بعد ما فات الفوت ما ينفع الصوت

قاموا الفريق الأصفر بإستخدام العربه من غير اطار امامي

فؤاد مسك العربه من الأمام و مصطفى من الخلف عشان يدفعون العربه و يوصلونها للمخيم

بس بعد فوق هذا كله ما خلوهم الفريق الأحمر .. و استغلو الفرصه اللي فيها الفريق الأصفر مش موجود جنب العربه راح جابر و كسر العربه و قلبها !!!!! و بعدين صارت حركة الفريق الأصفر شبه مشلوله

===============================

الفريق الأحمر نقل اكثر من نصف الرزم و الفريق الأصفر قاعد ينقل الرزم على يدهم

الفريق الأحمر خلاص خلص ...... و الفريق الأصفر لازال يعاني

هذا احمد ينقل اخر رزم لفريقه

============================================

فاز الفريق الأحمر في الجوله هذي

و فارق الوقت اللي بينهم و بين الفريق الأصفر هو 4 دقايق يعني 4%

بما انهم فازوا ب 4 بالمئه يعني حسابات ساعة تون اوف كاش تحسبها ب 59 الف درهم

طبعا الفريق الأصفر راح يدفع القيمة هذي من الفلوس اللي عندهم ... راح يخسرون قيمتها و وزنها اما الفريق الأحمر راح يخسرون وزن نفس الفلوس بس ما راح يخسرون قيمتها لأنها راح تدخل في حسابهم في البنك

واضح في الصوره ان طارق و ناصر زعلانين لأنهم خسروا المرحله هذي

راح جابر يستلم شيك بالقيمه اللي فازوا فيها ...

و الحين وصلنا للجد على قولة المذيع ايمن .. صار وقت التصويت الحين بس المره هذي لازم يتم التصويت ضد اضعف شاب كان معاهم يعني ممنوع التصويت ضد البنات .. خخخخخخ واسطه البنات

بما ان الفريق الأصفر خسر المرحله هذي يعني هم لازم يبدأون في التصويت ..

راح طارق عشان يصوت وكتب التصويت ضد مصطفى لأنه كان اضعف واحد بينهم و سبب انكسار العربه و خسارة الفريق

هديل راحت تصوت وصوتت بعد ضد مصطفى لأنه شخص مزعج هههههههههههه .. حسيت ان البنت جريئه

ومصطفى صوت ضد فؤاد لأسباب مجهوووله ... كمان نيبال صوتت ضد فؤاد من غير ذكر سبب

====================================

بدأ تصويت الفريق الأحمر ...

بدأ احمد بالتصويت .. و صوت ضد حسام

شملان صوت ضد حسام بعد

لكن حسام له وجهت نظر مختلفه وصوت ضد شملان

===========================================

وصلنا لوقت فرز الأصوات بعد ما قام كل من المشتركين بالتصويت

===========================================

بدأ ايمن بفرز اصوات الفريق الأصفر و هي كالتالي

مصطفى
مصطفى
مصطفى

هنا طلعت صورت نيبال و هي خايفه و متوتره

نكمل التصويت

فؤاد
مصطفى
فؤاد

فؤاد انصدم ......... !!!!!!!!!!!!!!!!!!!! كيف يصوتون ضده و ليش خخخخخ ما توقع هالشي

مصطفى اخذ اغلبية الأصوات و طلع مسمى او نيمونيه هذا الأسبوع
مبين من مصطفى انه ما تفاجئ كون فريقة صوتو ضده الظاهر انه يعرف نفسه غلطان

========================================= __DEFINE_LIKE_SHARE__

الجميل · 10-02-2009, 02:07 AM

===========================================

نروح لتصويت الفريق الأحمر

بدأ ايمن بفرز الأصوات

حسام
حسام
شملان

تفاجئ شملان ان جا صوت واحد ضده

نكمل التصويت

حسام
حسام
حسام
حسام

كل الفريق صوت ضد حسام ... مع اني احس ان حسام قوي بس الظاهر ان في حساسيه بينهم و بين بعضهم

ردة فعل حسام بعد حسم التصويت و خروجه نومينيه هالأسبوع

و كأنه يقول لفريقه شكرا لكم على التصويت ضدي .. !!!!

========================================

انتهت جولة الأسبوع هذا بفوز الفريق الأحمر في المرحله الثالثه من الجوله الأولى بقيمة 59 الف درهم
يعني صار الفريق الأصفر اقل من الفريق الأحمر بالفلوس ب 59 الف درهم
و الفريق الأحمر قدر انه يحافظ على الفلوس اللي عندهم

===========================================

تحليلي للفريقين .

الفريق الأحمر محتاج شويه تضبيط لأنهم مختلفين مع بعضهم شوي ..

الفريق الأصفر .. متعاونين و متفاهمين بس الظاهر انهم ما يحبون بعض وايد ...

===========================================

انتهت حلقة اليوم .. تحياتي لكم و ترقبو الحلقه القادمه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج تون اوف كاش الموسم الثاني . تعريف عن المشتركين بالصور . حصري	الجميل	تصاميم , دروس , تصاميم الاعضاء	10	11-08-2009 10:26 PM
حصري .. تقرير الحلقه الثالثه من برنامج تون اوف كاش الموسم الثاني ..بالصور	الجميل	افلام, مسلسلات, رسوم, برامج تلفزيون, youtube	1	10-18-2009 12:05 AM
برنامج تون اوف كاش الموسم الثاني على قناة أبوظبي ( صور ومقاله )	خروشه	الإستراحه العامة	5	09-30-2009 03:10 PM
مسلسل الأبطال الموسم الثالث الحلقة 1 الأولى - Heroes Season 3 E1	мặzỳOσѝ~ặđ	افلام, مسلسلات, رسوم, برامج تلفزيون, youtube	3	05-31-2009 05:43 AM
يويلة الحلقه الأولى من برنامج الميدان للصغار 3 ..خبر حصري	alflasyh	حلقات الميدان للصغار3	43	07-14-2008 03:27 AM