+[ أسـآآفـر في بــ ح ــر حبكـ و أخـآآطـر ]+

رآآعـية الأستيشـن · #1 12-31-2007, 12:36 AM

+[ أسـآآفـر في بــ ح ــر حبكـ و أخـآآطـر ]+

قصهــ من وحــي خياالي دمجتهـآآ ببعض من المواقف الواقعيهــ اتمنــى انهـآآ تحوز ع رضــآآكم . ) تحياتي راعية الأستيشن

الشخصــيات .

الجـد الأكبر .. مصبـح .. أبو عيسى
ريال له سمعة كبيره في راكـ و له هيبه تفز له الميالس
عنده من الخير ما كثر و زاد
حرمتهـ:: متوفيهـ من 7 سنـين

الأبن الأول .. ناصر أبو مصبح
اليد اليمنى لـ أبو عيسى بجره و سنده في كل شي مع أخوانه طبعا
حرمتهـ: مزنه أم مصبح أم حنونه و طيبه
عيالـــهـ
مصبح :: عمرهـ 29 متزوج مـن عايشة و عنده بنت و ولد توأم عمرهم 7 طلال و ساره يشتغل مع ابوه
هزيم :: عمرهـ 26 مالجــ ع مريم يشتغل في الشرطه
ســالم : عمره 24 انسان كشيخ يدرس برع مع ناصر
مهـره : عمرهـا 23 انسانهـ حساسهـ وآآيد تشتغل في الاتصلات
شهـد :: عمرها 17 دلوعة البيت ثنويهـ عامه

الأبــن الثاني .. محمد ..أبو عبيد
اليد اليسرى لـ أبو عيسى راعي حلال ابوه من القسايم الأرضيهـ
حرمتهـ:: أسمـاء أم عبيد
عيالهــ
عبيد : عمرهـ 29 متزوج من هنــد بنت خالهـ عندهم ولد واحد عمره 7 سنين زايــــد.. و في الطريــج واحد بعد
شيخهـ:: 23 بنت قلبها يسع الدنيا و ما فيها .. يالسه فـي البيت
عبد العزيز : 20 أبو الكشخه كلهـا و أبو البطالهـ
نوره :: 19 أنسانهـ جميـلهـ و محد مثل عفويتها و طيبتها لها قلب ما يجرح تدرس جرافكـس >> يعنــي تصـور و تصمم الصـور و جييه

الأبــن الثالت .. سعــيد .. أبو منصور
العقل المدبر في العايله راعي حلال ابوه في العمارات و المقاولات
حرمتهـ: مديمهـ أم طيبه و لها هيبه
عيــال
منصور : عمره 26 أربيع هزيـم الروح بروح مالج ع فاطمهـ حبيبة قلبهـ في الشرطه بعد
عبدالله :: عمرهـ23 أبو المغاأأزل و أبو البطاليهـ
شيمـاء : توأم عبدالله تشابهـ بشكـل و هاي بنت سنعه و رزينه تشتغل في الأتصلات
نــاصر :: 22 انسـان ابو الجمال و رزانه يدرس رساله الماجستير في الحقوق أكيد برع البلاد
هــزاع :: همرهـ 17 هزاع و ما أدراك من هزاع أنسان مرح و حبوب ثنويهـ عامه

الأبنهـ الرابعهـ علياء
ريلها متوفي و هيه شتغل في شركة ابوها

بعد ما تخلو عنها أهل ريلها و خذو كل املاك ريلها ردت لبيت ابوها و طبعا ابوها مب مقصر وياها
عيالها
سعيد :24 أبو الخقة لكن مع ذالك له جانب حسن بتكتشفونه في القصه يشتغل مهندس
شوق : عمرهـا 19 برييعة نورة الروح بروح تشبها في كل شي .. نـفس تخصص نورة

هـــــــــــــــآآآي هيه الشخصيــآآت هم تنسونهمـ

يكون في علمكم هــذيل الأربع عائلات يسكنون مع بعض يعني في حوي و احد كبيـــر و كلن لهـ فلتهـ

ابو منصور .. فلهـ
عليـاء .. فلهـ
أبو عبيد .. فلهـ
بو مصبح .. فله
و اليــد العود .. أكيييد فلهـ __DEFINE_LIKE_SHARE__

رآآعـية الأستيشـن · 12-31-2007, 12:46 AM

البــــــــــــــــآآآآآآآآآرت الأول

الصبــح الساعه 7:00
حـــــزة الريوووووووق

الكل تحت الشيرهـ الكبيره الي ع زاوية الحوي ما عادا سالم و ناصر الي هم أصلن برع البلاد يدرسون و عبد الله
و عبد العزيز تلقونهمـ شاخطينها ارقاد
بعد ما تريقو كلن راح شغله و مدرسته و كليه

شوق و نورة راحوا الكليه

شيماء و مهرة و هزيم و منصور و الشواب و اليد العود اكيد و العمه علياء سارو شغلهم

و شهد و هزاع صوب المدرسه

فــي مدرسة شهد و هزاع الخاصهـ
أول حصــهـ عربي

هزاع و يكتب ع الستكر لشهد
(( افف شو هالملل ))
و فرها ع شهد و مسرع ما فترت المس صوبهم و ثنينتهم
كأن شي لم يحصل و يوم كملت المس شرحها خذت شهد الورقة و يلست تحرطم عليه
لأنها صدق تبغي تفهم لكن هزاع ملعوزنها

بيني و بينكم ترا هزاع مطيح بنات المدرسه كلهم إلا شهدوو و لي هوه صدق يحبها بس
مب متأكد من حبه

المهم انرد للقصهـ
شهـد كتبت في الورقهـ
(( هزاعووه الماصخ بخبر عليك اشوف طرش غيرها بسنعك ))
و فرته صوبهـ بس هالمره زختهم المس و علطول عنــد الأخاصئي الأجتماعي
و هزاع و لا علبال و شهد الي ودها تبلع حركات هزاع لكن مب قادره

صـــــــــوب نورة و شوق
في البريــك

شوق :: نوره انتي تذكرين كيف شكله ناصر
نوره :: لا مول ما اذكر شي فيه الصراحه
شوق: وينج عن الدنيا قسم بالله يطبح الطير من السماء
نورة :: بسم الله شباه انا
شوق :: تعرفين شو سمعتهم يتكلمون الشواب
نورة : شو
شوق :: مره كنت خاطفه في فلة ابوي العود سمعتهم يقولون انج انتي بتاخذين ناصر بتاخذينه و رضيتي ولا ما رضيتي و ناصر بعد غصب عن خشمه بياخذج
نوره : خيبه خيبه ليش ليش
شوق : كانت و صية يدوه الله يرحمها
نورة : انتي تعرفين هذا ناصر الي تتكلمين عنه اخر مره شايفتنه فبل 4 سنين و كنت حك صك ياه دوم ضرابه
شوق :: اتحداج بعد ما تشوفينه بتصيحينه
نورة : خلينا من هالرمسه اسميج صدعتي براسي
شوق :: انزين انزين

صوب شيمــاء
شيماء : اممففف شو هاي الحاله قسم بالله ملل
و شويه و تي عندها مهره
مهره : هلا شيماء شحالج
شيمـاء : ما تسر لا صديق ولا عدو

مهره :: ويديه ليش
شيمـاء: ملانه
مهره: خل عنج انشـاء الله بتعرسين و بتودرين الشغل
شيمـاء :: و متى بي اليوم الي بعرس فيه
مهره :: بس خلي سالم يرجع البيت و علطول بقوله يخطبج
شيمـاء : مهرووه عااد ^^ اونها تستحي
مهره : تتحسبيني ما اعرف انج تحبينه مب عليه انزيين
شيمـاء :: عيب عليج يلا احترمي أكبـر عنج .. راويني مجفاج
مهره و تنغز شيمـاء .. : أونها اونها
شيمـاء : مب منج من الي يــالس وياج
مهره :: لا غناتي لازم تتعودين نسيتي تراني حميتج
شيمــاء :: اهووووه مهره انجبي لا افلعج
مهره :: خيبه مب حرمة اخو بتاكني و انا حيه
شيمـاء :: بروح ابركلـي و خلي تكسي العويييس يردج
مهره: اهون عليج فديت شمامي
شيمـاء : يلعن أبو المصلحه

صوب هزيم
يالس ع مكتبه و داااق سوالف ويا مريم

هزيم : مريومي
مريم : لبيه
هزيم : متى بنتزوج
مريم :: هزييييييم عااد
هزيم :: عيونه قلبه
مريم :: تسلملي العيون و راعيها
هزيم :: ما يخصني الحين ياي بشلج ابوي انا كم بصبر اريد اسمع هالكلام كل يوم
مريم :: تريا لا هم شهرين
هزيم :: عندي سنتين مريوم والله احبج
مريم :: و أنا بعد احبك
هزيم : شو قلتي
مريم :: و أنا بعد
هزيم :: لا بعد هالكلمه
مريم :: أحبــــــــــــك
و سكرت التلفون
هزيم :: فديتها فديتها ما عليه وراج وراج و الزمن طويل
و شويهـ و ألا منصور هاب عليه
منصور: هلا بو شبااب
هزيم : أهلين هلابك زوود
منصور :: شحاالك شحوااللك
هزيم : رقييص
منصور : امحق رقيييص حالك رقيص من بعد ذيج الملجهـ
هزيم : القلب اصطاب
منصوور و ذكر فطوم :: هييه القلب مصطاب
هزيم : و علومك بعد
منصور :: علومي من علومك ما جابلين ه المكاتب
هزيم :: شو رايك اليوم انسوي مقلب محترم حق الأهل

بخبركم شي ع الطاير عن فطوم
ترا فطووم خذت منصور بالغصب و هييه ما تحبه و تعامله بكل جفاف وو لكن منصور
يتحراها تتغلي و هوه و حليله سمعن و طاعه كل الي تتمناه خذالها و هوه ميت بحبها

اوكييه خنا انرد للقصه
اممم و ين وصلنا اوييه اذكرت

منصور :: هيه خاطري والله العظيم
هزيم :: عيل خلاص حزت الغداء اونا متضاربين انا بدخل من صوب وانته من صوب و نبدى ضرابه
شو رايك
منصور :: اسميهم بيزيغوون

صووب البطاليهـ عبدالله و عبد العزيز ع الساعه 12:00
يالسين يتريقون
عبدالله :: عزوز شو رايك اليوم نتغدا في المنار مول بنقردن هالغراشيب شويه
عبدالعزيز :: والله يا عبود انا ما عندي خلاف بس ع حسابك افكورس
عبدالله :: هييه كل مره ع حسابي قم مناك
عبدالعزيز :: خلاص عيل بتغدى من أكل البيت يمدحون و شل ياك راجو خله يتنقالك حد من هالهنديات الي يحاوطن المول
عبدالله :: اففف خلاص امري لالله ع حسابي
عبدالعزيز و يبتسم

ع الساعهـ 1و نص الكل راد من دواماته في بيت اليد العوود

توقــعآآتكـــمــ .. ^^

{ الشلهـ المشتلهـ __DEFINE_LIKE_SHARE__

*_* العنوديه *_* · 12-31-2007, 04:49 AM

تسلمن يالشله المشتلهـ خخ

شكلها القصه روعه يبالها بارض

بردلكم خلاف __DEFINE_LIKE_SHARE__

رآآعـية الأستيشـن · 12-31-2007, 08:48 AM

احم احيييييم

يسلموو ع المرور

نتريآآ أراء الأعضآآء __DEFINE_LIKE_SHARE__

ظبياني · 12-31-2007, 11:23 AM

تسلمين ع القصهـ

ومجهوود تشكرين عليهـ شيختي

ربي يعطيج بلاااااااين العواافي

ولاتحرمينا من كل يديد ومميز من صووبج

ولاتحرمينا ذووقج الغاوي

ولي الشرف اني اكووووووون متواجد بين صفحااااااااااتج^^

ظب ظب __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنا فـي حبكـ أذووب وعاشقن ومنبهر ... v.t.c	..{mr.shrjawy }..	سيارات و دراجات	24	11-10-2009 09:53 PM
حبكـ قتلني	محروم.كوم	منتدى أخبار المواقع والمنتديات العربية والأجنبية	0	10-26-2009 12:50 AM
๑ }.. ألــأ حبكـ _ الحامد **	MS theeba	كلمات الاغاني	10	06-04-2009 10:58 PM
--{حبكـ بحر p!C + ToPiC }--	●● 5аηƒσσš ●●	المسنجر وملحقاته , توبيكات , ماسنجر بلس , msn	19	04-19-2008 04:43 PM