©؛°¨¨°؛©كــرســي المحكمــة أعترافات أو طلبات ©؛°¨¨°؛© - الصفحة 66

*نظره مني تسدك* · 03-09-2009, 09:57 AM

السلام عليكم ورحمة الله وبركاته

يا ساااتر ذي محكمه من صدق..^^

أقسم بالله العظيم أن أجاوب على أسئلتكم بكل شفافيه وصراحه وأبتعد عن عكس هالشي ... وأنا ملزمه بحلفي مجرد كتابة هالقسم

وعسااني اكون عند حسن الظن..^^

وهالله هالله بالأسئله الطيبه

اي شي ف خوااطركم ني حااااااااااااظره..^^

وانا ف الانتظار...~ __DEFINE_LIKE_SHARE__

*نظره مني تسدك* · 03-09-2009, 10:37 AM

السلام عليكم ورحمة الله وبركاته

المهلي ما يولي خويه الكويتي...~

1- أسمج (لأقصد أسم حركي أو عياره يطلقونها عليج خارج المنتدى)

الصرااحه وبدون اي مجامله ينادوني السنافيه,, حتى خواني وخواتي وخوياتي ف فوناتهم كاتبين السنافيه

احمم بس لا تتحروني خقااقه بس والله من صدقي..^^

2- عمرج

العمر اياام وايامي ثواني,, 23 وخمس شهوور وما ادري كمن يووم..

3- هواياتج

وايد ما اقيد عمري بهوايه معنيه,, بس اكثر شي احب اقراا.. القصص والروايات,,

4- أنجاز حققتيه وتباهين فيه بالمنتدى أو بره

ههه انجااز يوم غديت مشرفه هع,, ما ادري كنت اتحرى مستحيل اني اغدي مشرفه لكن اجتهدت ولكل مجتهد نصيب..^^

5- مؤهلج العلمي

خريجه كليات التقنيه العليا ,, شهادتي دبلوم,, قسم Information Technology

6- أعضاء فاقدتهم

وااااااااااااااااااااااااااااااااااااااااااااااااا اااااااااااااايد,,,

حرف الذهب,, دبر عمرك,, وزيره الحب,, هالاعضاء اكثر شي حسيت اني فقدتهم حيييييييييل ف المنتدى

هم يحدرون بس هب شرات قبل..

7- أعضاء لهم ثقلهم بالمواضيع

اممم الغضي الياسي,, قايد الحلوين,, الكويتي,, ووايدين ما تحضرني اساميهم..

8- أعضاء تستانسين من مداخلاتهم

الكل استانس بمداخلاتهم واللي يعطون الموضوع حقه,,

9- أعضاء حسيتي أنج قصرتي بحقهم وندمتي

هو هب ندم بس عتااب عليهم وما اريد اتذكر لأنهم زعلوني وصيحوني وضايقوني..

10- متى تبكي ღ نظره مني تسدك ღ

يوم احس اني اشتقت لحد ويوم اكون مظلومه.,

11- أعضاء تحرصين بالتعامل معاهم

الكل ,, لأنهم مثل خواني وخواتي,, وكل وااحد يتعامل حسب البيئه اللي تربا فيها..^^

12- أعضاء توقيعهم حلو

اووه لا تخبر,, تعيبني تواقيع قيوود,, مزيون بوظبي,, امممم مشرفنا المتهور سابقا ونكست الحين,, الغواني ,, ووايدين الصرااحه..^^

هييييييييه صح وتوقيعي الحين واشكر مره 2 ريم المها على هالتوقيع الطررررررررررر..^^

13- موضوع تمنت ღ نظره مني تسدك ღ هي كاتبته بس غيرها سبقها له

اي موضوع هاادف,,, الحين الصرااحه غديت ابتعد عن الموواضيع المنقوله ما ادري ليش..~

14- أعضاء خسرتهم ღ نظره مني تسدك ღ

خسرت اعضاء ,, ما ادري ,, يمكن هم اللي خسروني..

15- أعضاء مفصره معاهم ღ نظره مني تسدك ღ (بأي شكل كان داخل المنتدى)

ههههه وايد الحقيقه يعني,, الأعضاء اللي يحطون مواضيعهم ف الاستراحات اللي انا ما احب احدرها ,, هب لشي بس لأني تعودت ادخل استراحات معينه..^^

16- أعضاء أخذو موقف أو أي سبب وخسرتهم ღ نظره مني تسدك ღ وماشافتهم

امممم اخذت موقف من زهور 2007 موقف عاادي هوو بس الظاهر زهور فهمتني غلط او يمكن انا فهمتها غلط ومن بعد ذاااك اليوم اخذت موقف منها,, ولكن اقولها ني ما زعلت منج

لأني وحده ما احب الزعل ولا الزعل يحبني..^^

17- أعضاء تحس ღ نظره مني تسدك ღ أنهم نفس تفكيرها وتستانس لهم

هههههههههههههههههههههههههههه منوووووووووووووو غيرها حبيبه قلبي

وزيره الحب..

18- أعضاء تحسينهم متان بطه

كنت اتحرى حرف الذهب متين ,, هه بس الظاهر لااااااااااااااا طلع وحليله حرووف ضعيف,,

اممم وليد الجسمي..^^

19- أعضاء لهم وزنهم بالمواضيع والردود

امممم قايد الحلوين والغضي الياسي,, ومحروم.. ذيلا بالمواضيع

بس بالردوود وايد الصرااحه..^^

20- أعضاء لا يعرفون المجاملات أطلاقا لو بوجه منو ماكان يقولون الحق

الكويتي,,

21- أعضاء نشطين بنظر ღ نظره مني تسدك ღ

اللي يثبت وجووده.,,

22- هل للحب مكان بقلب ღ نظره مني تسدك ღ

ماشي انسان ما حب,, يس يس

بس حاليا لا القلب خالي لوول..

23- متى تجامل الاشخاص ღ نظره مني تسدك ღ

اعتقد ان المجاامله ف بعض الأحيان مفيده,, ني اجامل بس بحدود.

24- أبي تعرفينا بنفسك ك ღ نظره مني تسدك ღ في سطرين

انا وحده ما احب النكد,, ولا احب الزعل,, وما اداني اللي يزعل على شي تااافه..
احب النااس الطيبه,, اكره الغيره الزايده عن حدها,,, احب السوالف,, وكل شي حلو بالحيااه..

25- رأيج في العضو كويتي

خويه الكويتي ما يحتاي اقول راايي فيه لأنه يعرفه

انا عرفتك من تقريبا سنه وشوي,, وانت تذكر الموضوع اللي ذكرني فيك حتى قلت لك اسلوبك يذكرني بعضو طيب بارك الله فيه كان موجود بينا

وسبحان الله طلعت انت هع

انت مبدع ف مواضيعك وعسى الله يوفقكـ.,,

والسموحه ان كني غلطت ف شي ولا شي لأني اقسمت اني اقول الحقيقه ويسامحوني الأعضاء

تشكر يالكويتي ع الاسئله الطيب

نترقب الباقي..^^ __DEFINE_LIKE_SHARE__

كويتي · 03-09-2009, 11:25 AM

بيض الله وجهج يالسنافيه

كفيتي ووفيتي

ونترك الاسئله للاخوان والخوات وأنا واثق أنج بين جمهورج وبأرضج يعني نتمنى أسئله طيبه من البقيه

أنا متابع

كويتي <<<< حاشه تخمه من الغرور بعد المديح له

متابع
__DEFINE_LIKE_SHARE__

ذكريآت الطفوله · 03-09-2009, 08:12 PM

أهلين أختي نظره مني تسدك ..

شحالج ؟

أعلومج ؟

أنا عندي كم من سؤال واتمنى مأثقل عليج ..

بسم الله ..

السؤال الأول / أحسن مكان تحب تختلي وتفكر وتخش جو فيه ( نظره مني تسدك ) ؟

السؤال الثاني / وش أخر توبيك حطيتيه بالمسـن ؟

السؤال الثالث / شـ رايك فتعامل الناس مع بعض بهالوقت من ناحية ( الوفاء و الخيانه ) ؟

وبس أتمنى اسألتي تكون خفيفه __DEFINE_LIKE_SHARE__

كويتي · 03-09-2009, 11:08 PM

وأنا عندي كم سؤال وبينهم كم واحد محرج ولج حرية الرد من سواه

موقف طحتي فيه بحرج ؟ متى وشنو صار ؟ <<<<<<<<<<<< جاوبي عليه ببطيء عادي نحب الشرح الوافي

باقة ورد لمن تهدينها <<<<< لشخص واحد فقط

باقة شوك لمن تهدينها <<<<< لشخص واحد فقط

شنو أكثر شي تخاف منه نظره ؟

أسأله نبي نعرف رأيك فيها عقب العرس كنوع من فضول بطريقة تفكيرج بس مثلا :-

جبتي بشكاره وطلعت حلوه وقمر مالها مثيل شنو ردة فعلج أو تصرفج ؟

تزوجتي وطله زوجك حلو ويتباهى بحلاته على حلاتج ؟ <<<<< مجرد بلاغة شف حاب أعرف ردة الفعل والتفكير مو أكثر

أتصلت عليج وحده ماتعرفينها وطلبت زوجك بالاسم تحققين معاها ولا تنادينه وتعطينه الفون ؟

متى أخر مره الاخت نظره كاشخه قدام جمع غفير من العائله وطاحت قدامهم من درج ولا داست طرف الثوب أو دعمت عتبه أو أي شي ؟

موقف ماتنساه الاخت نظره كل ماتذكره تستحي ؟

وشكرا لسعت الصدر

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ღღ ياقلب لاتحزن ღღ راشد الماجد ღღ	خـوار تلي	نغمــات للهــواتف	18	08-22-2011 10:03 PM
ღღღ الدفعة الثانية من عدسات باربي خلي عيونج مثل الدمية بسعر منافسღღღ	محروم.كوم	منتدى أخبار المواقع والمنتديات العربية والأجنبية	0	06-01-2010 03:20 PM
ღ ღ ღ تأهبوا ليومٍ تترادف فيه العَبَرات، ღ ღ ღ	محروم.كوم	منتدى أخبار المواقع والمنتديات العربية والأجنبية	0	02-28-2010 09:40 AM
[ برنامج ] : ღღღ تخلص من إزعاج الذباب و الحشرات مع هذا البرنامج ღღღ برنامج مضاد للذباب ღღღ	محروم.كوم	منتدى أخبار المواقع والمنتديات العربية والأجنبية	0	05-09-2009 09:00 PM