موبايل = هاتف نقال = جوال = فون = تلفون - الصفحة 4

الوردة الظبيانية · 09-26-2009, 08:21 PM

المشاركة الأصلية كتبت بواسطة ємαяαтya Kαsн5a

السلام عليكم ورحمة الله وبركاته

_ هل تمتلكين هاتف نقال؟ نعم
_ إذا تمتلكين خبرينا من متى صار عندج ؟ امم ما اذكر بس الاجابه محصوره بين يوم كنت قريد 6 او 7
و إذا ما عندج متى اتفكرين ايكون عندج ؟ ........
_ هل الهاتف معاج دائمًا و لا بس له وقت محدد و بعدين يستلمونه الأهل ؟ دائماا معااي
_ اممم لو الأهل طلبو رايج يشترون لأاخت عندج عمرها 15 سنة فون شو بيكون ردج ؟ فرضًا ؟ عادي احس لو في ثقه .. اختي تحت 15 و عندها
_ هل تعتقدين الهاتف النقال مهم بحياتج و ليش ؟ امم هيه مهم في هالجيل او الوقت الحالي يعني بتواصل ويا الاهل و ربيعاتي
امم مثلا لو ضعت بعرف وين مكانهم واايد اشيااء ..
_ شو العمر اللي تعتقدينه مناسب لامتلاك البنت هاتف نقال؟ اممم بهالوقت الحالي كل الاعماار يملكوون
صعب احدد اي عمر ..

تسلمين اختي و لا هنتي ..

[align=center]ємαяαтya Kαsн5a

وعليكم السلام ورحمة الله وبركاته

اممم كيف يعني يوم كنتي قريد 6 او 7 اممم يمكن قصدج قريب مادري
امممم انزين أختج ما أظنها محتاجتنه حتى لو في ثقة
هي تعتبر في مرحلة مراهقة المفروض مايكون عندها و يبقى هاذه رايي
صح الهاتف مهم للي يستخدمونه لأشياء ضرورية و لكن لأعمار معينة برأيي بعد

تسلمين أختي على طلتج الحلوة و ردج ع الأسئلة
ربي يعطيج العافية ^^

أختج بنت الظبي~[/align] __DEFINE_LIKE_SHARE__

AD_Lover · 09-27-2009, 12:39 AM

_ هل تمتلكين هاتف نقال؟

يس ..

_ إذا تمتلكين خبرينا من متى صار عندج ؟

اممم من سنه ونص تقريبا ..

و إذا ما عندج متى اتفكرين ايكون عندج ؟

بعد الثانويه ..

_ هل الهاتف معاج دائمًا و لا بس له وقت محدد و بعدين يستلمونه الأهل ؟

معاي دايما..

_ اممم لو الأهل طلبو رايج يشترون لأاخت عندج عمرها 15 سنة فون شو بيكون ردج ؟ فرضًا

اممم طبعا مب موافقه لان هي بعدها صغيره وماتحتاي للفون ..

_ هل تعتقدين الهاتف النقال مهم بحياتج و ليش ؟

امم الفوون شيء عاادي مب مهم ..

_ شو العمر اللي تعتقدينه مناسب لامتلاك البنت هاتف نقال؟

18 سنه ..

وتسلمين حبوبه ع الطرح الناايس .. __DEFINE_LIKE_SHARE__

فارسة ما تهاب خيول الغدر · 09-27-2009, 08:15 AM

_ هل تمتلكين هاتف نقال؟

لاا ولا اباا

_ إذا تمتلكين خبرينا من متى صار عندج ؟

و إذا ما عندج متى اتفكرين ايكون عندج ؟

امم يوم اعرس ولا يوم احدر الجامعة

_ هل الهاتف معاج دائمًا و لا بس له وقت محدد و بعدين يستلمونه الأهل ؟

امم حاليا اللي يباني يتصل ع رقم البيت وبس ^^

_ اممم لو الأهل طلبو رايج يشترون لأاخت عندج عمرها 15 سنة فون شو بيكون ردج ؟ فرضًا

امم ما عندي حد اكبر عني عسب جي

_ هل تعتقدين الهاتف النقال مهم بحياتج و ليش ؟

لاا لااني ما اتصل لحد ولا استخدمه وايد بس ربيعاتي يتصلن خخ
_ شو العمر اللي تعتقدينه مناسب لامتلاك البنت هاتف نقال؟

اممم 22 ولا 21 وبس

يسلمو ع الطرح ونترقب اليديد __DEFINE_LIKE_SHARE__

الوردة الظبيانية · 09-27-2009, 03:35 PM

المشاركة الأصلية كتبت بواسطة أحلام ورديه

[align=center]مرحــبا الســــــاع^^

شحالج أختيـــــه ..؟؟

امتلاك الشخص للفون ان كان صبي او بنت له مساوئه وحسناته ..

يعني حتى الصبي في سن معين (وخصوصا سن المراهقة) له مخاطر عوده >>> في رايي طبعا

يعني انا اجوف اولاد صغار في مرحله الأبتدائي يحملون موبايلات .. ولا آخر موديل بعد

يعني اهمه في هالسن شنو يحتاجون فيه؟؟!!

الا عبود وينك؟؟ حجزتو الملعب اليوم؟؟ منو ويانا في الفريق ؟؟ و .....

أنا برايي ما يحتاجونه .. لا البنات والأولاد . على الأقل يوصلون الثانوي >>> حتى هني في نقاش

السمووووحه اذا طولت عليكم .. وهاي اجابه الأسئله :

هل تمتلكين هاتف نقال؟
نعم

إذا تمتلكين خبرينا من متى صار عندج ؟
أول ما استلمت شهادة الثانوية ( شرط الوالد الله لا يحرمني منه)

هل الهاتف معاج دائمًا و لا بس له وقت محدد و بعدين يستلمونه الأهل ؟
معاي على طول

اممم لو الأهل طلبو رايج يشترون لأاخت عندج عمرها 15 سنة فون شو بيكون ردج ؟ فرضًا
ما بوافق .. لين تتخرج من الثانوي >>> القانون يسري على الكل

هل تعتقدين الهاتف النقال مهم بحياتج و ليش ؟
ما انكر أهميته وخصوصا وقت الجامعه.. بس الحين لأ

شو العمر اللي تعتقدينه مناسب لامتلاك البنت هاتف نقال؟
18 سنه

تسلمــــــــين على الموضوع[/align]

[align=center]أحلام ورديه[/align]

[align=center]مــراحب أختي ^^
الحمدلله بخير و نعمة ..

لا بالعكس ما طولتي و حلوو كلامج و أنا بعد أأيدج باللي اتقولينه
شكلج قريتي أفكاري هههه

ربي يسلمج و أجوبتج بشكل عام تتوافق وياي بالراي ^^
أشكرج على ردج و مجاوبتج ع الأسئلة
و نقاشج بالموضوع أعجبني ^^
ربي يعطيج العافية

أختج بنت الظبي~ [/align] __DEFINE_LIKE_SHARE__

spoillygirl · 09-27-2009, 05:52 PM

تسلمين الغاليه عالموضوع

_ هل تمتلكين هاتف نقال؟

هيه عندي فون
_ إذا تمتلكين خبرينا من متى صار عندج ؟

الفون عندي من وانا عمري 13

_ هل الهاتف معاج دائمًا و لا بس له وقت محدد و بعدين يستلمونه الأهل ؟

دايم مايفارقني الفون

_ اممم لو الأهل طلبو رايج يشترون لأاخت عندج عمرها 15 سنة فون شو بيكون ردج ؟ فرضًا

اممم بقولج شي انا اشوفه شي عادي دام انج واثقه باختج وانا الصراحه اختي عمرها 13 عندها فون واختي الثانيه عمرها 8 سنوات وبعد عندها فون احسه موضوع عادي

_ هل تعتقدين الهاتف النقال مهم بحياتج و ليش ؟

هيه الصراحه شي مهم وحسيت فيه مره لما نسيه بالبيت وكنت ظاهره مستعيله وفجاه بنشر تاير الموتر توهقت

_ شو العمر اللي تعتقدينه مناسب لامتلاك البنت هاتف نقال؟

الصراحه انا عن نفسي اشوفه شي عادي مب لازم يكون له عمر محدد يعني اذا كبيره بيكون عندج واذا صغيره لا

ترى اهم شي التربيه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(( اتهام شرطي باختلاس هاتف نقال ))	سمرة وكلي دلع	اخبار محلية و عالمية	8	03-13-2010 12:55 PM
موظفون يستولون على ألف هاتف نقال من مسافرين	خـوار تلي	اخبار محلية و عالمية	1	09-08-2009 05:57 PM
افضل هاتف نقال بالعالم	محروم.كوم	منتدى أخبار المواقع والمنتديات العربية والأجنبية	0	08-31-2009 09:10 AM
افضل هاتف نقال بالعالم	محروم.كوم	منتدى أخبار المواقع والمنتديات العربية والأجنبية	0	08-31-2009 08:30 AM
صور أغلى هاتف نقال حتى الآن !!	عيناوي حبتين	هواتف , مسجات , وسائط , برامج , ثيمات , نغمات , بلوتوث	65	04-20-2008 01:13 PM