اختراع الباروكه العجيبه .....

~~ظاهرية للابد~~ · #1 09-23-2009, 07:22 PM

السلام عليكم ورحمة الله وبركاته

اكتشفوا البنات فائده من قواطي الروب الزبادي ... بدال ماتشتري شباصه عوده وتعابل فيها براسها مره تتنتف الشباصه ومره تتقطع ومره تقطع وتنتف الشعر اللي بالراس ومره مادري شيصير فيها لقوا مشروع ثاني وهو

علبة قوطي الزبادي او بمعنى آخر الروب

ففي مره من المرات كانوا صديقات ثنتين يتمشون بالجمعيه ووحده منهم كانت مو طبيعيه حاسه بشي مو طبيعي فيها .. فقالت لها صديقتها شفيج يافلانه عسى ماشر ؟؟

فقالت الموطبيعيه حق رفيجتها الثانيه الطبيعيه والله يافلانه مادري أحس فيني حارج ودي اشتريلي قوطي روب يبرد على الحارج اللي فيني فمن جذي كانت مو طبيعيه حاسه بحارج مخرب عليها نفسيتها

فلقت الموطبيعيه الغرض المطلوب واشترته

وبدات بأكل الروب ... وخف عليها الحارج ... خو هذي فايده ثانيه من اكل الروب بعد واهو يخفف من الحارج في الانسان

ومن بعد ماخلصت شتسوي فيه شتسوي ممممممممممم شتسوي ؟؟

فلقت الفكره الممتازه لهذا المنتج

وتقوم الأخت وتغسل القوطي وتنظفه عدل

ونشفت القوطي

مممممممممممم شقاعده تسوين يابنيه ؟؟

هدّي هدّي يابنت شبتسوين ؟؟

وانا اقول ليش البنات روسهم متفخه !!!

يابنات الحلال والله العظيم ماله داعي تفخة هالراس شدعوه مو باقي الا طيور تطب على روسكم ليش هالتهوّل بالسالفه شحلات الحجاب العادي ليش جذي طامر فوق ... انا اقول خلوكم على شباصات قبل وايد احسن من هالقواطي اللي تنحط بالراس لأنه ماشاءالله في بنات بزياده بزياده يبيله مسطره وتقيس المسافه من بداية الرأس الى طرف التفخه اتوقع في بنات توصل المسافه من 30 الى 50 سم عادي يعني بس يبيلها ستاندات تحت التفخه من ورا عشان تسندها لاتطيح

عاد الحين زادوا بشكل مو طبيعي اكثر من قبل يتهم فتره طخوا شوي وبعدين ردوا وبقوه

شحلات شباصات قبل بس غجّيـه بالراس وخالصين وحجاب عادي لايتفخ الراس ولاهم يحزنون

لا والمصيبه بعد لما تتفخ راسها وتركب السياره شلون بتسوق والكشن وراها ؟؟؟ تلاقون راسها بعيد عن الكشن ماتقدر اتسّند راسها عالكشن من القوطي اللي بالراس

اشهالعذاب عاد ... ريحي عمرج حطي راسج عالكشن خو محد مضايقج الا القوطي اللي براسج .. انزين بتتفخين تفخي شويه لاتتفخين وايد خليه معقول نوعا ما مو جذي جنه طايحه عليج طابوقه مسويتلج صعروره مزمنه

والسلام ختام __DEFINE_LIKE_SHARE__

شيخ البطارهـ · 09-23-2009, 09:40 PM

وعليكمـ السلامـ ورحمة الله وبركاتهـ ..
مأشاءالله صرنا نشوف منهم وايـ ـد وخاصة فالسوق هههه..
أكبر عن راسهن حتى مأعرف شو هالموضة الغبيه هههه ..
الله يستر بس موضة 2010 يمكن يعلقون دبدوب فالرأس ..<<
هههههههههههههههههههههههه <> ههههههههههه

أنزين ماقلتي شو حجم القوطي الي حطته علـ ـى راسها ؟؟
هههههههههههههههـ ـههههههههههههههههههه ..
مشكوورهـ خيتي >> ظاهـ ـرية للأبـ ـد <<
.. ـشيخ البطارهـ .. __DEFINE_LIKE_SHARE__

~~ظاهرية للابد~~ · 09-24-2009, 08:51 AM

هلا اخوي
الصراحة عندي الصور بس حاولت احطهاااااااااااااااا و ما طلعت

شكرا __DEFINE_LIKE_SHARE__

AmonbosS · 09-24-2009, 09:02 AM

[gdwl]هدي اعصابج [/gdwl] __DEFINE_LIKE_SHARE__

~~ظاهرية للابد~~ · 09-24-2009, 08:41 PM

اناااااااااااااااااااااااااااا كووووووووووووول لا تحاتين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السيارة العجيبه ... حياكم .....	الرهيب القطراوي	عجائب و غرائب	15	07-27-2010 10:06 AM
المشوى العماني بالخلطه العجيبه .....	محروم.كوم	منتدى أخبار المواقع والمنتديات العربية والأجنبية	0	05-27-2010 07:20 PM
فوائد البرتغال العجيبه	محروم.كوم	منتدى أخبار المواقع والمنتديات العربية والأجنبية	0	11-27-2009 01:40 PM
اختراع الباروكه العجيبه .....	ظاهرية للابد	المواضيع المكرره	0	09-23-2009 07:21 PM
الشنطه العجيبه	محروم.كوم	منتدى أخبار المواقع والمنتديات العربية والأجنبية	0	07-28-2009 05:10 PM