{ ..
.... مـدخـل ..}


أبكتب فيك .. بدون ما اتعب ..
أبكتب فيك .. و الوصوف فيك تتعب ..
أبكتب فيك .. قصص و روايات ..
أشعار .. و خواطر .. حتى ’ مسجات ‘ ..
أبكتب فيك .. لمّا يضيع كياني ..
و أظل أكتب .. ليما يسكنك وجداني ..


{ ..
.... أحـبـك !! ..}


أحبك .. بـ سبب و بدون سبب
مجنونة فيك لـ أبعد أمد ..
أحبك .. لو يقولون فيك العجب
لو تخطي اليوم .. و تخطي أبد ..!!
حـُبك حرّم ’ عليّ ‘ العتب ..
أقسم لك .. و أقسم بربيّ الصمد
إنك أحلى ما بـ كتابي .. انكتب

{ ..
.... مـن حـالـي ؛ أغـار عـلـيـك ..}


لو تغيب لحظة ..
يجيني القدر .. يذكرني فيك ..
ملكتني أكثر من حالي ..
و لو لها مجال .. كان تركتني و سكنت فيك
تفداك .. و تفدى روحك يا غالي ..
و الغلا يوم ٍ عن يوم .. يرفع فيك

و الله لو يطرون الجود قدامي ..
خذيته من كل البشر .. و جسدته فيك ..
{ ..

.... مـقـايـيـس جـنـون ..}



ما همني شكثر تحبني ..
و إن كان للـ حب عندك مقياس ..!!
و لا يغرك قلة وصالي ..
تراه ساعات لزوم الحماس ..!!
قِيسْ حُبي لِك مِن جُنوني
و تحديتك لو تلاقي لـ جنوني بِك مِقياس ..
لو تدري الدنيا بـ قصة شجوني ..
كان قالت لك .. ارحمها يـ ابن الناس ..



{ ..
.... إنـت الـبـطـل ..}



دايم ماشوفك تحكي عن الضياع ..
و ما لـ غيري .. أشوفها ضايعة فيك ..
فارس ’ـنـ ‘ قدام الظروف .. باسل ’ ـنـ ‘ شجاع ..
أهل الأمثال بالـ طيب دوم تطريك ..
لـ تذكرّوا أهل الصنايّع و الـ أسباع ..
ثِبت عندي .. صورة القايد فيك ..
ما همني كم مرة انتكست .. و حامت حولك الضبّاع
همّني أسمعك تلبّي .. يوم البطولة تناديك ..


{ ..
.... كـيـانـي فـيـك ..}



كِنت في الدنيا طيف هايم ..
هجرت روحي .. بعد ما ضاق الوريد
كنت في السما طير حايم ..
عِشه تهالك وسط غيم الصديد
شفتك .. و كِنتْ بـ قلب ' الهيبة ' نايم
هيبتك فيني .. كانت كيّان ٍ جديد
بغيتك لي .. في حياتي دايم
ردوني و قالوا ؛ قلبه حديد
طلبتك .. و الرجال عند المراجيل عزايم
تلفي هالـ روح إلي شافت فيك الغيد


{ ..
.... مـخـرج اعـتـراف ..}



صدقني .. مالي بـ كلام البداوة شيْ ..
إلا شوي .. هنيه و هنالك ..
و إن كان الفخر لو ظل فيني حيْ ..
يرفعني .. و يقربني من أمثالك ..
أكتب به كل احساس شاف الضيْ ..
و أرسله بـ اسمك بدون ما قول ’ يا فلان ‘ استقبل الي جالك ..
~~~