ودِّي أمُـوتْ .. اليُـوم ... وأعيـش باكـر .. قصيدة روووعة

أم عفراء · #1 04-29-2008, 02:58 PM

[frame="7 80"]
السلام عليكم
ودِّي أمُـوتْ .. اليُـوم ... وأعيـش باكـر
وأشوفْ مِنْهـو .. بعـد مُوتـي فقدنـي ..!

ومِنْهو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي

وبشُوفْ .. يرثيني أنـا كَـمْ ..؟
ومِنْهو تركْنـي .. ومـا كِتَـب شَـي عنِّـي

شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي

وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي

ومِنْهو مِـنْ أهلـي ف العَـزا كـان حاضـر
ومِنْهو دعى لي فـي " صلاتـه " ورحمنـي

ومِنْهـو بنـى سبيـل ومنابـر
ومِنْهـو يفـز قلبـه .. إلا مِــنْ لمحـنـي

ومِنْهو عشانـي : طُـول الأيـام ساهـر ..!
ومِنْهـو ثـلاث أيَّـام .. راح وتركنـي ..؟

ومِنْهـو يرتِّـب .. غرفتـي .. / والدفاتـر
وإن شاف ( صوره ) لـي صاح وحضنِّـي

يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي

خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي

وخايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي

ومـدام هـذي الدنيـا .. صـارت مظاهـر
وكِـلْ مَـنْ علـى كيفـه .. وجَـوَّه يغنـي

الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي

عايـش وميِّـت بيـن .. ماضـي وحاضـر
والصبـر ضـاع منِّـي

قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّ وحشنـي !!

شاعـر ولكنِّـي .. مانـي ب شـاعـر
ودِّي أمـوت اليـوم .... وأرتـاح منِّـي !![/frame] __DEFINE_LIKE_SHARE__

εïз~اَلِمَيّث}● · 04-29-2008, 03:09 PM

السلام عليكم ورحمة الله وبركآته

حي الله الغاليه

ربي يعطيج الف عافيه ع الطرح الطيب ولاهنتي الغلا

نترقب اليديد من جدآج

السموحه

آختج

الميث

[ تم نقل الموضوع للقسم المناسب ] __DEFINE_LIKE_SHARE__

ღشمـوس دبـيღ · 04-29-2008, 03:14 PM

يـ،ـامرحـ،ـبااا ترحيـ،ـبة البـ،ـدو للعيـ،ـد تباشـ،ـرو بهـ،ـ حـ،ـين شافو هلالهـ،ـ

يامرحباا ملـ،ـيون وان زاد لابـ،ـاس والزود لاهـ،ـل الزود يستاهلونه
يامرحـ،ـبا عـ،ـد ماهلت مـ،ـ،ـ،ــزون ..
واعداد طـ،ـير فـ،ـي السمـ،ــ،ـا حـ،ـ،ـلق وحـ،ـ،ـام

تسلميـ،ـ،ـن ختيهـ،ـ ع الطرح

ربي يعطيج الف عافيهـ،ـ

في انتظار يديدج

نرقـ،ـب الزوود

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ودِّي أمُـوتْ .. اليُـوم ... وأعيـش باكـر	رًوَحًيَ بًدَوًيهَ	الشعر المنقول	6	06-22-2010 11:41 PM
شرح ~×[ كيفيـة الحصـول على تـروفيـات الألعـآب ]×~	محروم.كوم	منتدى أخبار المواقع والمنتديات العربية والأجنبية	0	05-11-2010 11:10 PM
ودِّي أمُـوتْ .. اليُـوم ... وأعيـش باكـر..وأشوفْ مِنْهو.. بعـد مُوتـي	محروم.كوم	منتدى أخبار المواقع والمنتديات العربية والأجنبية	0	02-02-2010 02:20 AM
ودِّي أمُـوتْ .. اليُـوم ... وأعيـش باكـر..	❥',ڛـڼـڨبـٱ ڛۑہ. , ๑	الإستراحه العامة	28	10-12-2009 04:33 PM
:: ودِّي أمُـوتْ .. اليُـوم .. واعيش باجر ::	MĨŠŞ қάṦн5ά	الشعر المنقول	12	05-27-2008 03:54 AM