تعال .. }~
محتاج قربك لاتضيعني
خذني من الصمت والحرمان والضيقه.....
محتاج لك حيل قرب يا..{نظر عيني}
الصبر عنك حبيب الروح ماطيقه
جيتك و حزن البشر ودموعهم فيني
مثل الذي بالصحاري ناشف ريقه }~

...}~
للحزن و الشوق فيني لك قصيدة
و لـ عيوني و المسافات البعيدة ..
شطر يبكي .. قطع القلب و وريده ..!
و المصيبة.. أن حبك يملك أنفاسي بإيده ..
لو بغى موتي .. قتلني .. !
و لو بغى .. يكتب تفاصيلٍ جديدة ..

شمعتين .. و وردتين ..
و ليل و همومٍ كثار !و دمعتي, و الحبر يكتب :
عيد ميلادك سعيد ...
و أدري أن الشوق قاسي ..
و أدري أنك يا حبيبي, أبعد إنت من البعيد.. }~
فاقدٍ بالحيل صوتك .. فاقد اللحظة معاك
فاقدٍ لمسة كفوفك .. فاقدٍ نفسي أبيك ..
مر عيدك دون لقيا ..
مر و أنا احتريك ..!
أدري أن ظروفك أقوى.. من حكاية هالغرام ..
ما ألومك يا حبيبي.. أنت و الله ما تلام
و الله مدري.. ودي أشرح كل لحظة
من غيابك للسلام .. بس ما أقدر و الله ما أقدر ..
دمعتي و الشوق أكبر من حروف و من كلام ..
قبل ما أنهي هالرسالة: أنا أحبك.. بكره أحلى
أمسح دموعك حبيبي.. أمسح دموعك و نام ..