حضرت وعيون الرجال

راعي النيسان 97 · #1 09-15-2009, 04:02 AM

حضرت وعيون الرجال حراب وعيونـي حـراب
ووقفت مـن بيـن النشامـى وقفـةٍ يـدرى بهـا
اقـدر وجيـةٍ تقدرنـي واحسـب لهـا حـسـاب
واصد عن بعـض الوجيـه ولا حسبـت حسابهـا
جات البدايه هكذا .. يـا امـا خطـا ولا صـواب
لكنهـا فكـره عسـى ربــي يجملـنـا بـهـا

حمستها فالراس حمس البـن يـوم الكيـف طـاب
من طيـب نكهتهـا طمـع فـي شربهـا صبابهـا
وفوحتهـا بيـن المحانـي ليـن فيهـا البـن ذاب
وقندتها مـن فكـري اللـي مـا يطيـب الا بهـا
يـوم استـوت قدمتهـا لوجيـه سمحيـن الجنـاب
مـا كنهـا الا دلـةٍ تبـري خــوى شرابـهـا
صحيح شاب الوصف لكن من يقول القـاف شـاب
الا علـى روس الطـوال النايفـات ارقـى بـهـا
شاعر واحقر الهينـه ويشـوش راسـي للصعـاب
مانيـب حيـا الله ليـا شـاف الصعـاب يهابهـا
اغرف بحر واقطف زهر وانحت على صم الهضاب
مثايلٍ تبطـي وهـي عنـد العـرب يحكـى بهـا
السبع كانه لا عـدى مالـه علـى الشـدات نـاب
تعشتـه شهـب السبـاع اللـي تـحـد انيابـهـا
واللي مايلقـى مـن يمينـه لا طعـام ولا شـراب
تصبـر علـى جـور الليالـي لحيتـه واشنابهـا
واللي معه قلبٍ شجـاع وعـزم ذيـب وعيـن داب
وبين الجبـال الموحشـه دربـه وبيـن هضابهـا
ومنين مـا هـب الهـوى لقـاه لخشـوم الركـاب
مـن سطوتـه ماهـو يخليهـا تعـوج رقابـهـا
ولا يكـل ولا يمـل ولا يضـيـق ولا يـهـاب
ويعقـب اللـي مـا يقـول النـار مـن شبابـهـا
ان كان ما جاه السعـد يسبـق مراويـح السحـاب
قولت كفو فـي حـق مثلـه مـا يطـول غيابهـا
وانا احتزمت بمحزمي واخـذت سيفـي والزهـاب
وشقـراً عليهـا البنـدق اللـي بيـنٍ مضرابـهـا
من دار ابو مشعل سديد الـراي حـلال الصعـاب
حليـت فـي دار الرجـال اللـي تعـز اصحابهـا
واخذت من غيري كتاب وشفت مضمـون الكتـاب
ماهـو كتـاب الا وصـاةٍ مـا طلعـت الا بهـا
من ثقلها يمكن يبيـن الشيـب فـي راس الشبـاب
مافيه واحد مـن عيـال العـود مـا وصـى بهـا
اتباع من دون الوطن والملـك الانفـس والرقـاب
مافـي خسـاره روحــة الارواح دون ترابـهـا
والجـادل اللـي لبسهـا نـدر الجواهـر والثيـاب
موضوعها اكبـر مـن جواهرهـا ودق خضابهـا
تلد لي كنهـا تقـول ادخـل عليـك مـن الذهـاب
تراك يامـي ستـر مـن تبغـى الستـر بثيابهـا
قـد غـارت القعبـان تبغيهـا وعداهـا عـقـاب
حـول عليهـا يـوم شامـت لأجلـه وقفـى بهـا
خذها ببيت وحكمـه ومعنـى ووزن ورفـع اداب
لو ما معـه قـوه وعـزم ومعرفـه مـا جابهـا
وانا حضرت وحضرتي ماهي سوى هي والغيـاب
حضـور مـن يجنـي فوايـد طرقتـه واتعابهـا
وان كان في الدعوه بيـارق فاللـوازم مـا نهـاب
حنـا لهـا امهـا بـهـا ولا بقـطـع ارقابـهـا __DEFINE_LIKE_SHARE__

راعـــ الــحــب ـــي · 09-15-2009, 04:07 AM

صح لساان قايلهــآآ ..

.. يــ ع ــطــيــكـ الــ ع ــآآفيــهـ ..

نترقب الزوؤوؤود .. __DEFINE_LIKE_SHARE__

غلا البحرين · 09-17-2009, 10:46 AM

شاعر واحقر الهينـه ويشـوش راسـي للصعـاب
مانيـب حيـا الله ليـا شـاف الصعـاب يهابهـا
اغرف بحر واقطف زهر وانحت على صم الهضاب

مثايلٍ تبطـي وهـي عنـد العـرب يحكـى بهـا
السبع كانه لا عـدى مالـه علـى الشـدات نـاب

صح السان شاعرها

ثانجسوو ع الطرح

و الله يعطيك العافيه

و لــآ تحرمنا من اليديد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الرجاء الرجاء المساعده اخوتي الاي فون توقف على علامه التفاحه	محروم.كوم	منتدى أخبار المواقع والمنتديات العربية والأجنبية	0	07-14-2010 10:00 PM
أثمد أصلى حجر غير مخلوط >> لرموش كثيفه وعيون صافيه مكحلة... والاسعار وايد حلوة	محروم.كوم	منتدى أخبار المواقع والمنتديات العربية والأجنبية	0	06-01-2010 02:10 PM
الرجاء الرجاء المساعده فورا مشكلة غريبة	محروم.كوم	منتدى أخبار المواقع والمنتديات العربية والأجنبية	0	03-09-2010 05:00 PM
الرجاء الرجاء طلب ياشباب \ برنامج Garmen يعمل على الاينوف8	محروم.كوم	منتدى أخبار المواقع والمنتديات العربية والأجنبية	0	08-03-2009 05:40 AM
وبش أم يا حضرة الرايد .....	محروم.كوم	منتدى أخبار المواقع والمنتديات العربية والأجنبية	0	04-24-2009 01:51 AM