[ i'M in Cinderella story ] .. - الصفحة 2

قلب حاير · 04-27-2008, 12:11 AM

ثانكس ع البارت __DEFINE_LIKE_SHARE__

ємαяαтya Kαsн5a · 04-27-2008, 03:46 PM

بنتظااار البارت و ياليت بسررعه ^^ __DEFINE_LIKE_SHARE__

دمعة المشتاق · 04-27-2008, 06:31 PM

بسرعة نزلي البارت __DEFINE_LIKE_SHARE__

brtshyah · 04-27-2008, 08:44 PM

الجـــــزء الأول

" وستظـــــل انت حبـــي الوحيـــــد ,, ليـــــس نهايهــ لهــ "

[align=right]
ميــــروهــ قامت الساعه 4ونص ..صلت وحست انها ملانه فسارت واتكشخت واتلبست و نزلت .. سارت غرفة الطعام وصبتلها جاهي حليب وراحت الصاله طالعت تلفزيون .. وعقب شوي ركبت غرفتها فتحت اللاب .. دخلت المنتدى وقعدت اتحووط واطالع شي مسلي .. وعالساعه 10ونص قامت خالتها .. ونزلت حقها ..

ميره : السلام عليكم خالووه
عفرا : متى قمتي
ميره " انزين سلمي اوووف " : توني "مافيه بعد اتسويلي سالفه
عفرا : هيه
ميره : كيف اصبحتي خالوه ,,
عفرا : اقوول سيري وعي خواتج قوليلهن بنسير السوق ما بجي عالعيد غير اسبوع
ميره: هيه خالوه على طاري العيد ابا اسير عند خوالي
عفرا اطالع ميره من فوق لين تحت : احلفي انتي بس .. ماشي سيري ولا تناقشيني فهالموظوع مره ثانيه ..

ميره شوي وبتصيح : انشالله خالوه .. سارت وقومت خواتها .. كالعاده ما يردون عليها عدل .. طلعت عنهم وسارت فتحت اللاب ودشت المسن .. كان في حد ظايفنها .. افكوورس ظافته تبى اتعرف منوو .. واللي ظايفنها كان اون لاين ...

وانا محيربيه الفخر كله(( ميرووه))
عزتي تسجدلي سجود (( ......))

وانا محيربيه الفخر كله : مراااحب

عزتي تسجدلي سجود : مرحبااا ملااااااااااااايين .. مرحبا اللي ماخذ العقل والفكر عنده .. مرحبا يا مطول الغيبه

وانا محيربيه الفخر كله : =S .. منووو!!!!!

عزتي تسجدلي سجود : افااا افااااا ما هقيتها .. نحنا هل العين ما تعرفينا ..اكيد بتنسينا ..

وانا محيربيه الفخر كله : هههه حيالله ملاااااااااايين هل العين ..منوو!!

عزتي تسجدلي سجود : ههه انا مهير ..

وانا محيربيه الفخر كله : اهئ اهئ مهييييير =( .. والله لكم وحشه كتييير كتيييير كتييييييير .. بس مرت ابويه هب طايعه تخليني اييكوم

عزتي تسجدلي سجود : وهي شو يخصها خبري عمامج

وانا ميحربيه الفخر كله : هيه اوكك بجوفها .. بس اذا درت بتكسر الدنيا فوق راسي .. بس ما يخصني الا اييكم والله متوله عليكم =(

عزتي تسجدلي سجود : انا بيي اشلج ..

وانا ميحربيه الفخر كله : اوكك بس هذا اذا بسير =( .. والله ودي العيد اكون عندكم .. بث what could i make .. ماما شحروره اووف منها ..

عزتي تسجدلي سجود : هههه الله يعينج .. الا شخبارها شقرا

وانا محيربيه الفخر كله : هههه تذكرها وبعدك اتحبها هههه .. والله شو اقولك يا خالي انخطبت البنيه ومشالله اللي ياينها شيخ لووول p=

عزتي تسجدلي سجود : هاااااااا احلفي يا كلبه !!!!!!!!!

وانا محيربيه الفخر كله : خالي عييييب شو هالالفاظ خخخخ

عزتي تسجدلي سجود : ميروووه سباله تراج لا تلعبين بأعصابي

وانا محيربيه الفخر كله : خلاص ولا يهمك الغالي اوصل سلام!!!

عزتي تسجدلي سجود : فقتج خوفتيني اونه انخطبت .. جان يتج كفخه مني ههههه

وانا محيربيه الفخر كله : كفختين ولا يهمك بس وانا بعيده عنك =(

عزتي تسجدلي سجود : فديت روحج بتين وانا بيبج وغصبن عن الكل ^^ .. يله ميروتنا ألحين بطلع ^^

وانا ميحربيه الفخر كله : افداااك ^^ .. انجوف على خير الشيخ .. فحفظ الرحمن ^^

عزتي تسجدلي سجود : تيك كير باي ^^

ميره : خلني اعرفكم على خوالي

خالي هزيم
عنده توأم حمده و شرينه قدي
و مانع 16

خالي درويش
وعنده سالم 19
و مهره 18

وخالي بطي
وعنده حمدان 23
ومنصور 19
وعبدالله 18

وخالووه مريم توها مزوجه يعني عمرها 22 .. بس جنها قدنا^^

واخر شي خالي مهير وهو 20 ^^

سكرت من اللاب ونزلت عند خالوه انشدها اذا اقدر اسير بيت عمامي وعلى حظي هزاعووه دش وبالمره اروح وياااه

ميره : خالوه ابا اسير بيت عمامي عادي !!!
عفرا : لا ما عندنا حد يدويج
هزاع: يعني انا وين سرت .. اوديها .. سيري لبسي عباتج بسرعه واترياج براع... يالله خالووه انا استأذن ..
عفرا : الله وياك ..

ميروه بسرعه تلبس عباتها
اسوم: على وين شيخه ميره
ميره: من زود سيراتي ويياتي .. يعني وين بيت يديه ..
اسوم: ومنو بيوديج انسه ميره !!!
ميره : ماعرفنالج مره شيخه مره انسه .. اخاف اكون بعد بشكاره .. درب
اسوم: لا والله .. اتصدقين يركب
ميره : عادي ما تهميني
اسوم: انزين منو بيوديج خلصينا
ميره: هزاع
اسوم خلاص عصبت : لا والله تركبين ويالغريب روحج
ميره: اي غريب انتي هذا ولد عمي
اسوم: ما عليه عيل بسير وياكم
ميره: قولي جي .. لاتتأخرين
اسوم: وليش بعد تتأمرين جنج انتي اللي بتوديني
ميره: والله هزاع مستعيل بااااي

ميره طلعت وركبت ورى ..
ميره: هزااع ويت .. اسوم بتي
هزاع: ماعندي وقت حقها
ميره: هزاع بليز ويت مافيه على حشرتها وتعصب عليه..
هزاع" اووف هاي دومها رزه "
عقب ما نقعو العرب فالشمس طلعت الشيخه اسماء وركبت ومن ركبت ما طاعت تسكت الا هذربان ..

وصلوا واتغدوا ويلسووا alll فالصاله ..

ميره كانت عدال عمها زايد : اقوول عمي زايد ..انا ابا اسير العين عند هلي
بو سيف : ونحنا مب هلج
ميره: لا هلي وخصبن عن ويهي ههه بس اتعرف خوالي ومتوله عليهم وتقريبن من ثلاث سنين هب جايفتنهم .. سوو شو قلت
بوسيف: محد بيمنعج يا بنتي ^^ ..
ميره اتحب عمها : فديييييييييييييييييييييت انا خشمك ..شيخ الريايل ^^
بوسيف: الله يقطع سوالف هههه
العنود : ميرووه تعالي بثير up ..
ميره : ComeinG دبووه ^^
بوسيف: انزين منو بيوديج!!!!!!!!
ميره: خالي مهير ^^
بوسيف : زين عيل باجر تغدين عدنا وايي يشلج مهير من عدنا وبالمره انجوفه وانسلم عليه ^^
,,,,,,,,,,,,,,,,,,,,,,,,,,,,,,,

شقرا : وينج انتي تأخرتي
ميره: هههه حرام الا دقيقتين
دانه: دقيقتين شويه
ميره : بس يالله عاد .. الموهيم باجر انا بثير العين .. بتم لين عقب العيد
alll : whhhhhhhhhhy
ميره : امي بسم الله كلتوني .. يعني من 3 سنين هب جايفتنهم .. what would i make !!!
العنود : oky az u like
شقرا : كلبه من ألحين متولهين عليج هههه
ميره: فديتكوو والله
شقرا : افداج هيهيهي p=
ميره: هيه صح ما خبرتج شو سويت فمهير هههه .. ويسلم عليج
شقرا : كيكيكي اونه .. صدق مينون هالانسان خخخخ
دانه تفرها بالمخده : احمدي ربج حد يسلم عليج
ميره : هيه بعد مب اي حد فديته انا المنصوري الغاوي الشيخ
شقرا تكفخ ميروه : يا كلبه لا تغازيني <<لاتغايظيني >> ههههه p= .. الله يسلمه ^^

وقعدوا البنات سوالف وهبل .. وعالساعه 12 ونص الفليل ميرووه ردت البيت مشي ويا سباع .. وبعدين مب من بعد البيت

سباع: اووف ليش مشي
ميره: انطلق اريولنا شوي .. هب كله قاعدين .. اسوم وين!!!
سباع: سارت من العصر ويا امها ..
ميره: اهااا
سباع: ميرووه تذكرين يوم كنت ادافع عنج يوم كنا صغار ..خخخخ والله كنت غبي .. اذكر يوم نوقف عند هالزباله العوده هههه وظارب ويا هذاك العيمي اللي كان يلعب وياج اوني عاد اغار على بنت عمي خخخ p=
ميره : هيييييييييه والله حليله ما يستاهل الظرب اللي ياه خخخ p=
" اااااخ يا سباااع كيف كنت احبك هههه .. والله غباء كنت ألبس فستان والبس طرحه البيظه وألعب ويااه اونه انا الاميره وهو الامير ^^ .."[/align] __DEFINE_LIKE_SHARE__

غاايه · 04-28-2008, 12:40 PM

الله شكلها وناااااااااااسه

لي رجعه قرررررررررررررررررررريب وااايد : D __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
story	alz3abi	قصص و روايات	1	09-02-2012 06:08 PM
Nice Story - - - - - -	محروم.كوم	منتدى أخبار المواقع والمنتديات العربية والأجنبية	0	08-05-2009 05:20 PM
@ ~ً .. Just a story ..~ً @	••Зţĥβt• ĻąňҒаŜ••	قصص و روايات	4	08-16-2008 02:14 PM
Sad Love Story	دمـ العين ــع	افلام, مسلسلات, رسوم, برامج تلفزيون, youtube	7	07-13-2008 12:42 PM
story	إبتسامة ++	نادي محروم للغه الانجليزيه	5	02-28-2008 06:31 PM