"*"أبعيش بالمقــــــــــــــــــــــــــــلوب - الصفحة 2

~~عشقي خيالكـ..!~~ · #1 01-04-2008, 05:51 PM

مدخل

الحب: يعني أكرهك

الكره: يعني لي أبيك

مشتاق لك: يعني ابتعد

روح عني: أحتويك

هذي أنا أحب أقلّب كل شيء يمكن لو عشت بالمقلوب يرتاح قلبي..

همسة..

لا تسألوني عن غيابي!!

اسألوا قلبي عن معنى عذابي

اتركوا حزني يرسم ألف معنى

يمكن دموعي لو سكتّ تشرح ..

بس لازم لأمطرت عيني من الدمع يجرح

لا تسألوني عن غيابي

أتركوني أغيب وأغيب

ودي ألقى لهفة وشوق

ودي أحس اني أنفقد

يعني ما ودي أصير مجرد غريبة

أختفي والا أغيب نفس الحضور

ودي أحس اني مهمة شيء غالي!!

لكن للأسف زماني يصدمني

دايما أشوفني هامش..

لاتعديت هالهامش بتّ خارج الصفحة

"*نبض*"

ليه بس يازمن

تسرق مشاعرنا

تعبث بقلوب جدا مرهفة

ليه يازمن

أنت صامت.. جامد.... يمكن حزين

بس جاوب

أرجوك حاول مرة وحدة تكسر حاجز الصمت وتنطق

يا زمن صوت الصدى في داخلي يكبر ويكبر

حتى يتعدى محيطي

صوت الألم يصرخ في وجه الصمت

وأنت ساكت

ولا يهمك نحترق نموت نبكي

كله عادي ما يهمك

يا زمن

حتى متى وأنت ترقبنا بقرف؟؟

وش تنتظر تبي نعترف

حاضر يا زمن أبعترف لك بكل شيء

أبثقب القربة وابنثر الماء

يمكن تحن لو شفتنا غرقى

أعترف لك يازمن...

أن قلبي هذا غير

تدري يعني وشو غير

بخبرك لا تنفعل ...

قلبي ما يبي الا شاعر

ينثر احساس ومشاعر

ما يهزه أي وسيم

ولا يهزه مال أو ثروة أو حتى متاجر

قلبي يبغى قلب شاعر

تدري يعني وشو شاعر

شاعر يعني حس مرهف

شخص قادر يمسح دمعتي قبل تاصل وجنتي

شخص قادر يزرع فرح في داخلي

يكتب فيني قصيدة

ولا نطق باسمي تحول كل شيء حولي لعطر

شاعر

من اسمه شخص سامي في المشاعر

ما يعرف يجرح ولا يكذب أو يخون

والا ليه يكون شاعر

لأنه يحس...

عرفت الحين يا زمن ليه قلبي غير عن كل القلوب؟؟

أعترف لك يازمن أني الى الحين عجزت ألقى من يمسح دمعتي

أو حتى يفهم وش أبي..

عجزت ألقى البياض اللي أبيه...

عجزت ألقى ذاك المستحيل اللي رسمته في خيالي ..

أنا يا زمن مدري وش سويت فيني

أنا مدري هو طريقي صح أو هو خطأ

عشان أدري لازم أمشي فيه

حتى أتعب واذا وصلت يمكن أعرف هو طريقي صواب

والا مقارب للخطأ

ولا عرفت يا أموت من الترح يا أطير من الفرح..

يازمن أبطلبك قبل أتوارى خلف الغيوم

أبطلبك قبل تخنق قلبي غصات الهموم

يازمن إذا سمعت إني ودّعت ها لدنيا ورحلت

تذكر ان فيه وحدة بيوم

كانت تطلب المستحيل!! __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"دويتشه بنك": "إعمار" و"الدار" و"الخليج الأول" و"الموانئ" شركات واعدة	محروم.كوم	منتدى أخبار المواقع والمنتديات العربية والأجنبية	0	04-22-2010 09:30 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM