ايقولون "نحن ماندل" !!!

محروم.كوم · #1 09-11-2009, 06:30 PM

*:qww98874:**اليوم حابة انقل لكم شي ضايقني وايـــد! وماقول غير حسيي الله ونعم الوكيل ،،، بقول لكم شو اللي صار ويانا في البيــــت ,,, وانتوا احكموا بنفسكم ؟!! وعبروا عن رايكم في هالموضوعالله يسلمكم قبل كم يوم ،، وكالعاده الكل ساير الدوام ومافي حد في البيــت (حتى الوالده كانت محد) يووا عمال عندنا يصلحون مظلة السيارات في الحوي (يووا في وقت غير عن اللي متفق عليه) ومافي حد في البيت والخدم الله يهديهم دخلوا العمال ،،العمال كانوا يلحمووون الحديد ،، قدر الله انه شرارة توصل على شجر كثيف موجود على مظلة عندنا في البيت مصنوووعة كلها من خشبشبت الحريقة في البيت ! ومافي حد ،،، المصيــــبة مب اهني!!!!!تحت المظلة اللي احترقت شي سيارة (يعني عادي النار توصل وتنفجر السيارة ) ،،، وشي عداد الكهربا الرئيسي في الفيلا عدال المكان اللي يالس يحترق في البيت كل اللي في الفرييج يووا يحاولون يطفون الحريقة والاهل ردوا ،،، وتفاجؤا باللي صار اخوي اتصل في _المطـــــــــــــــــــــافي _! عسب ايووون ويطفون الحريقة ،،تخيلوا انه الحريقة تمت اكثر من ساعه ،، واهلي والجيران يحاولون يطفونها ،، ودورية الشرطة يتوكل ما يتصل اخوي بالمطافي ايقولون " والله نحن ماندل المكان " !!! 5 مرات وهو يتصل فيهم وهم ايقولون والله ماندل!!! والله نحن واقفين عند الدوار وماندل!وصلــــوا بعد ما انطفت الحريقة ،،، وجافوا المكان في ثواني وروحوا ،،، بالنسبة لهم كل شي انتهى !السؤال اللي يطرح نفسه ،،،،، **كيف يعني مطافي !!! ومايدلون؟** ** بيتنا مكانه واضح! وما يضيع !!! ومكان المطافي اصلا قريب من بيتنا! يعني المفروض يوصلون!!كيف يعني دورية الشرطة توصل؟ لكن المطافي لا ؟ على قولتهم " ماندل " ** ** يعني لو لا سمح الله واحترق البيت!! وكان فيه ناس واحترقوا منوا المسؤول!!! وين دور المطافي؟ لو المطافي مادلوا ؟منوا اللي بيدل!!!الله لطف انه مافي حد في البيت ،، وانه الجيران ناس فيهم شيمة وسوا الواجب واكثر ،،، وطفوا الحريقة بس هــذا مب معناته ،، كل حريقة ممكن اي انسان يطفيها! او ممكن الجيران يطفونها ،،، وبصراحة لازم اللي في المطافي ياخذون جزاتهم **:dddpp4:**هم مسؤولين عن ارواح ناس! محاسبين عليها جدام المجتمع والدولة ،،، وفوق ها محاسبين عليها جدام الله !!!هاللي صار ويانا ،،، واتمنى انه ما طولت عليكم ،،،وتريا ردكم ورايكم في اللي صار !؟*

أكثر... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"دويتشه بنك": "إعمار" و"الدار" و"الخليج الأول" و"الموانئ" شركات واعدة	محروم.كوم	منتدى أخبار المواقع والمنتديات العربية والأجنبية	0	04-22-2010 09:30 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM