رساله للاغبيه لو كنت غبي خلك ذكي

Smile to life · #1 09-10-2009, 03:58 PM

السلام عليكم ورحمه الله وبركاته

عساكم طيبين ومن الهم خالين ومن الحزن والضيق كاسبين الاجر

دخلت لاكثر من موضوووووع لقيت اكثر المطروح ..ألمضمون فالطرح ..((موت ..حزن ..عذاب..الم ..جرح ...هم ...ضيقه ...خيانه ...كذب ..الكثير من المعاني الي فيها كدر ..)))

اول شي للمعرفه بس؛:

الموت ..................................حق علينا وكلنا بنمر فالمرحله هاي

((كل نفس ذائقه الموت ))

وين الي مزعلنا في موضوع الموت وهو حق..خوف من القبر ولا من الاعمال ولا من المعاصي..؟؟؟؟؟

الحزن.................صحيح انه صعب لكن يجي مرات بدون اسباب تكون حزين وماتعرف السبب هني مصيبه ...

اسال نفسك ليش حزين انت ومب عارف ليش...شو الي سويته وجاني هالشعور...
((ممكن تكون ظلمت شخص ودعا عليك وماعرفت تنام ولا عارف سبب الحزن ...لكن الحزن لو عرفت اسبابه او ماعرفت اسبابه ترى غفران ذنوب ..اذا الشوكه الي تشاكينا تحط عنا خطايا وتغفر لنا ذنوب ...فما بالكم بالحزن ....

الهم ..............والضيقه ......والكدر......

كلمات ماتحس بها الا اذا نسيت ذكر ربك

((( الا بذكر الله تطمئن القلوب ))

(((ومن اعرض عن ذكري فان له معيشه ضنكا)))

والهم علاجه سهل جدا....

(لا اله الا الله دواء لتسع وتسعين داء وايسرها الهم ..وفيها دواء لتسع وتسعين داء ماعاد السم وهو الموت معناه هني)))

اعضائي الكرام
ليش تعيشون حاله حزن وضيقه وهم وجروح ومعاناه

من منو كل هالاشياء تجي ..مابنقول انها بتلاء كثر ماهي من ماجنت هو يداكم ....

الحب شو معناه عندكم ..الحب مب حرام بين زوج وزوجته ولا بين امه واخته ولا بين ابو وبنته ولا بين ولد وامه ...

لكن الحب بمعناه علاقه رجل بآمرأة غريبه او علاقه امرأة برجل غريب يعني حب في اطار غير شرعي وهذا حرام ...

البعض بيقول ماتحكم بقلبي يوم بيحب .

.صحيح كلامك لكن ربك مانسى هالشي وقالك ..النظره سهم من سهام ابليس..وذكرها بسهم مسموم ...ليش قالك غضو ابصاركم ..عسب مايتعلق القلب بغير ربه بغير محارمه ..

..في حد يقولي هل من علاقه حب بين واحد ووحده ماصارت مشاكل خوف ورعب وزنا وخيانه الا صارت وصارت جرايم بالسبب هذا وهذا هو الحب الي بغير اطار شرعي.................خلكم جريئين وجاوبو ؟؟؟؟؟......................................

اول مره تلفون ..طبعا شي خوف حد يطب عليها البنت وهي ترمس وهي ترمس تخاف وتلفت وعامله احتياطها التلفون على الصامت طول النهار او على الهزاز ..وبالليل بنفس الحاله وحالتها صعبه مب قادره تنام تتريا الحب يتصل ويطرش مسج ..يدخل الحبيب بطلعاته وروحاتها واتصالاتها وهو ماله اي حق انه يسال لمجرد انه بس حبيبها وين يبا مدري ............حبته يعني جنه شراها...

ورعب يستوي يوم تفكر تظهر وياه طول وهي وياه حاسه برعب وخايفه وشو الاعذار الي بتقولها لاهلها لما تظهر وشو هي لما تتاخر وكل هذا طبعا يعلم الكذب على اصوله كنت عند ربيعتي وكنت وكنت وربيعتي مريضه ووتاخرنا نسوي بروجيكت وياكثرها الاعذار وهذا كله تحت شعار الحب الي في اطار غير شرعي..........

وواللحظه الحاسمه الي بتصير فالطلعه والمواعد ..لاحد يقولي والله حبنا عذري ومافي شي...الا فيه بلاوي ومافي حب عذري بدون اطار شرعي....وعن تخرطون على اعماركم وتكذبون ماصار شي بينا غير انه يحبني واحبه وبس ومابينا غير مس او تلفون وماشي طلعات ..ترا التلفون فيه سوالف وفي صوتج ...وفي خلوه بينكم ووصوت البنت ونعومته والولد يعق كلام كبير ويكفي صوته يحرك مشاعرها ..واكبر خطا تقول ماصار بينا شي اذا مب بالفعل اكيد بالكلام ......

عقب كل هذا طلعات وبوس ووين توصل المسائل بتوصل..وبترد البنت البيت ومافكرت بالي صار ولا الي بيصير ..مب من اول مره بتبيع شرفها لاوالله راح تشتاق له وراح تحاول تجرب الشعور هذا مره ثانيه في طلعه ثانيه وعقب ثالثه

ومن هني القلب يسود وتحوم عليه غشاه الاغاني المسلسلات والافلام المكسيكيه والهنديه ويبدا الحب يترسخ بقلبها وحبيبها صورته ماتفارقها ويحل محل ذكر ربها ...بتذكر حبيبها اكثر من ربها لاتقولون لي لاوالله ومستحيل حد يغنيني عن ذكر ربي ...نحن من دون شي نذكره قليل جدا..فما بالك لو انشغل القلب بغير رب العالمين كيف بيكون هالقلب وكيف بيعيش بعذاب..

وتبدا قصه حب ومعاناه ...يزعل الحبيب على سبب تافه من وراه دموع بنات وحزن وجرحني وزعلني ولسبب تافه تركني وتبدا الخيانات ..مثل ماتركني بروح لغيره ..وانا دوم اقول من خان ربه واهله مب بعيده يخون انسان حاله نفس حاله بشر شراته ..........

يااعضاء خلكم صريحين من منكم ممن جرب الحب الي دون اطار شرعي ..ماصابه هالاشياء والهموم هاي والضيقه ....؟؟؟؟

الضيقه الي فيها بلاء تختلف عن الضيقه الي انت جبتها بيدك

لان من احبه الله ابتلاه..لكن ماقال من راح وحب وكون علاقه غير شرعيه وابتلا بالحب هذا وبعده عن ربه وانقول انه الله يحبه وابتلاه ...هاي ذنوب ومعاصي مهب بلاء...

لا

تنزلون موضوع حزين وفيه الم وحزن وغم وهم وضيقه والسبب غير معروف...

لان الحزن والالم لاسباب واضحه من رب العالمين ..موت لاسمح الله او مرض حد من الاهل او اعاقه طفل او حادث هذا هني بلاء تاجر عليه لو صبرت هني هو البلاء الي يجب الهم ولك اجر عليه ...

لكن الحزن الي يجي من زعل حبيب ولا من عدم اتصاله او تركه هذا بلاء من انفسكم لاتشتكون منه وتقولون انا حزين ومااعرف الاسباب..الاسباب كلها بيدك وانت الي جبتها..

سؤال لمن جرب الحب وعقب تاب..؟؟؟

شو حياتك الحين ؟؟
ماتحاتي اتصال ولا مسجات ولا تعور قلبك بكشختك ولا تهتم زياده عن اللزوم بشكلك ومظهرك ..ولا تحط ديون على عمرك بهداياوعزايم ودفع للشاليهات .ولاحفلات ولا مواعد وعوار راس ولا زعل..لاسباب تافه ولا حد يخونك ولا تخونه ...

للبنات شو رايج الحين انتي بعد ماجربتي الحب وتبتي منه ...

كيف حياتج

لاتحاتين استشوار شعرج ولا تحاتين المكياج ولا اي شيله بتلبسين ولا اي بدله او اي عباه
تلفونج على العام ومرتاحه لاخايفه من مواعد ولا اتكذبين وادورين اعذار ولا طول الوقت خايفه وانتي وياه ولا لج ولا عليج ..ولا سهر طول الليل ولا انتظار بحرقه لتلفونه ...
..................................................

لاحد يقولي ماجرب الموضوع هذا الاغلبيه العظمى جربت

يهال بعمر 12 و13 و14 و15 ولين فوق اغلبيتهم جربو ...والله يهدي الجميع ويشفيكم من مرض الحب الي في اطار غير شرعي....

والحب الي في اطار شرعي

هو حبج لزوجج
وحبك لزوجتك

اتصالات حلوه كلام حلو محد يلومني عليه ولا اخاف منه ولا احاتي طلعاتي وياه ولا مواعد ولا عزايمي مع ريلي ومع زوجي .....بينا هدايا وبينا معاشره وبينا عشره وبينا قصص حلوه نبينها نحن ...

وحلات البنات المخطوبات ..ومالجات ..مسجات حلوه توصلها ومسجات احلى اطرشها

ملاحظه:ليش ياعزيزاتي ماتنتظرون وتخبون هالمشاعر لرجل واحد وهو زوجكم فالمستقبل...ليش ماتصوني نفسج لرجل جا لج منا لباب مهب منا لشباك ..ليش مشاعرج ماتقبضيها لين يوصل ولد الحلال..

عزيزتي وعزيزي ..

ترضين تكون مشاعر الرجل الي بيج ملعوب بها كانت لغيرج ووصلت لج ؟؟
عزيزي ترضى تكون مشاعر زوجتك او البنت الي تبغاها زوجه تكون مشاعرها تعلقت بشخص غيرك والحين وصلت لك ..انعلب بمشاعرها اكثر عن مره ...

طبعا لا وهذا ردكم ...

صونو مشاعركم للي يجي لبابكم ويستقبلها امام اهاليكم مب من وراهم ...

تقبلي مني احترامي لكم ونصيحتي لكم ...

من قلم راشد الرميثي نصيحه اخ كبير لاخوانه الصغار او لاخوانه بنفس العمر....

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مارادونا يشيد بالعمل الرائع للاعبيه	محروم.كوم	منتدى أخبار المواقع والمنتديات العربية والأجنبية	0	06-18-2010 01:20 AM
صدى رساله........	غالية الثمن	الإستراحه العامة	11	12-28-2009 09:39 PM
رساله شكر	محروم.كوم	منتدى أخبار المواقع والمنتديات العربية والأجنبية	0	09-07-2009 04:00 PM
رساله خطأ ام رساله هكر	محروم.كوم	منتدى أخبار المواقع والمنتديات العربية والأجنبية	0	06-07-2009 11:40 PM
رساله الى ..........	بن حمرور	شعر و خواطر	12	02-23-2009 02:07 AM