قصة حلوه و فيها عظه و عبره(قصة التاجر)

هيام الامارات · #1 04-25-2008, 05:27 AM

طبعا هذه قصه قالتها لنا ابلة العلوم بس ما حددت في اي زمان...اظن في زمان قديم و هذا الي استنتجته من اسلوب رواية القصه.............. المهم

هذه قصه عن واحد كان تاجر و عنده عيال و طبعا التاجر كان غني و عنده المراعي و المزارع و كان عنده جار فقير هذا الجار المسكين على قد حاله ..... فكان التاجر رايح بيسافر بغرظ تجاره فقال قبل ما اسافر بعطي جاري المسكين بقره من عندي يشربون حليبها و يستفيدون منها و عشان يأكل الفقير عياله...المهم الريال سافر و قال بظعة شهور و برد ان شا الله..

و مرت الشهور و الشهور تمر و هو التاجر محدد كم شهر بيتم مسافر لكن هو تم اطول من المده بواايد...فقررو عياله يبحثون عنه لكنهم يأسوو من البحث دورووه كل مكان ما لقوه...............................و طبعا يوم يأسوو قالو عيل ابونا مات و طبعا حزنوو على ابوهم و جي.. و قالو خلاص عيل ابونا مات طبعا اللحين الاولاد فكروو على طول بالورث و بالحلال و قامو يتقاسموه و بعدين هم تذكروو انه ابوهم كان عاطي جارهم الفقير بقره ... فراحو من حسدهم و شلو البقره من عند الفقير و البقره هي كانت حلال و مصدر الرزق الوحيد للفقير...

...بس الفقير ما كان مقتنع ان الابو التاجر مات فراح يدور عليه دور عليه عدل و حصلاه في واادي و كان طاايح و مغمى عليه طبعا الفقير يا تحت عند الريال و شافه بعده عايش... و شله الفقير و ظيفه و اكله رغم انه فقير .....طبعا العيال انبهروو و تفاجؤو يوم عرفوو ان ابوهم حي و فكرو و قالو كيف تم بهاذاك الوادي الجاف بروحه عدة شهور لا اكل و لا شرب و طايح بالارض.... فقال لهم الابو و يوم كنت طايح في الوادي كنت كل يوم اشوف يد تشربني حليب و ما اشوف غير اليد لاني كنت ما اروم ابطل عيني لاني كنت شبه مغمى علي و شوي فاقد الوعي....بس في الايام الاخيره قبل ما يحصلني الفقير بكم يوم انقطعت هاليد عني و ما شربت حليب و لا شي في هذه الايام..........................فقاله الفقير هذه اليد اللي كانت تشربك حليب ملائكه من عند الله و هذا عشان انت عطيتني بقره كل يوم اشرب عيالي منها حليب و ارتزق منها فالله و سبحانه و تعالى يرسل ملائكه تشربك حليب.....................ولكن الايام اللي انقطعت عنك هذه اليد كانت الايام اللي شلو فيها عيالك البقره مني و انقطع رزقي من يومها و انت انقطع عنك الحليب و اليد الي كانت تشربك الحليب.......................................... و توتا توتا و خلصت الحتوتا

هاااااااااااااا ...عيبتكم القصه؟؟اتريا رايكم........................ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لعبه حلوه فيها تحدي البنات ضد الأولاد	الاستندر الذهبي	العاب , فكاهه , مسابقات	620	06-18-2014 11:22 AM
عبره لكل مغنيه	محروم.كوم	منتدى أخبار المواقع والمنتديات العربية والأجنبية	0	08-15-2009 11:50 AM
قصة و عبره	محروم.كوم	منتدى أخبار المواقع والمنتديات العربية والأجنبية	0	08-05-2009 10:20 AM
عبره لكل بنت	السـ BECKHAM ـــميان	قصص و روايات	3	07-03-2009 10:39 PM
توبكات (حلوه أو مو حلوه) قولولي حلوه :)	كويتي	المسنجر وملحقاته , توبيكات , ماسنجر بلس , msn	28	04-08-2008 02:29 PM