في لهيب النيران المتأججه

محروم.كوم · #1 04-07-2018, 12:21 PM

السلام عليكم ورحمة الله وبركاته
صبحكم بالخير الجميع

ابان عملي في الشرطه ذات صباح يوم ربيعي جميل توجهت لعملي اوقفت السياره في مكان وتابعت طريقي مشي على ارجولي في مكان اشتميت ريحة حريق ناظرت اذا شقه سكنيه تشتعل فيها النيران .
دخلت البنايه واذا السكان ينحاشون منها في حالة هلع وخوف تحسست باب الشقه وكان بارد وهاذ يدل انه النار ما وصلت الباب دخلت وغلقت الباب خلفي لاجل ما يصير مجرى هوائي وتزيد من اشتعال النار كانت النار مشتعله في الصاله وسمعت صوت استغاثه من الداخل .
كان قدامي ستار من النار توكلت على الله واندفعت بسرعه وقفزت واذا انا ارتطم بجدار الممر شفت الغرفه اللي يطلع منها الصوت فتحت الباب كانت حرمه تبكي وتولول وتصرخ من الخوف .

قلت : توكلي على الله انا احمل الاولاد ونطلع من الغرفه كانت النيران انتشرت والاولاد يصارخون من الحراره ومنظر النار اعاذنا الله منها .
دخلنا المطبخ وكان له شرفه صغيره قلت نبي شيء نربطه هنا وننزل عليه .
قالت هنا في حبل طويل مسكته وربطته في حراسة شباك المطبخ المصنوع من الحديد طلعت للشرفه كان لها جدار صغير من قضبان الالمنيوم الخفيف بشكل عمودي وافقي صرت اضربه برجولي فانخلع من مكانه .
مسكت شرشف طاولة الزاد وخليتها تعلق واحد من الاولاد على ظهري والثاني خليته يتعلق فيني من قدام على صدري وربطتهم بالشرشف وهم متعلقين فيني ونزلت على الحبل حتى وصلت الشارع الناس اخذو الاولاد طلعت على الحبل مره ثانيه .
حين وصلتها صارت الحرمه تلطم وجهها وتصارخ وهي تقول نسينا الولد الصغير بالغرفه اللي كانت جنبنا غرقت الشرشف بالمويه وغطيت جسمي فيه ورأسي وخليت فتحه صغيره على وجهي لاجل اشوف طريقي ودخلت اتحسس طريقي وكان الجو عابق بالدخان وبصعوبه وصلت الغرفه ودخلتها كان الطفل الصغير يصارخ حملته وطلعت من الغرفه وسط هالنيران الشرشف تبخرت منه المويه وحينها حسيت نار تاكل كتفي ومدري كيف وصلت المطبخ دخلت وغلقت باب المطبخ كانت عيوني ما وقفت دموعها وانتابني سعال شديد بسبب الدخان

قلت للحرمه الحين تعلقي فيني وننزل على الحبل .
قالت : عيب عيب شنو اتعلق فيك وهاذ الصغير نتركه هنا كانت تحمل طفلها وحاضنته بقوه .
قلت : يا بنت الناس مافي وقت النار تقترب منا انا احمل الصغير على صدري وانتي تعلقي فيني من ظهري وننزل على الحبل .
جدلت اللي بقي من الشرشف وحملت الصغير على صدري وربطته بالشرشف وهي بعد تردد تعلقت فيني صرت اتضرع الى الله الحبل يتحمل هالثقل والحمدلله هالحرمه كانت ما هي سمينه
كان حينها اختلف الوضع وتعسرت عملية انقاذها .
بديت انزل على الحبل ارتكزت برجولي على الجداروهاذ الامر تدربت عليه في العسكريه وصرت انحدر
شوي شوي اذا الحرمه تصارخ وتقولي المكان عالي ويش اسوي ؟
قلت : لا تناظرين تحت غمضي عيونك وتمسكي فيني والناس متجمعين تحتنا نزلت لين وصلت الارض بالسلامه بسبب زحمة السير توخرت الاطفائيه لين وصلتنا الاطفائيه والاسعاف كان السعال ينتابني .
اخذني المسعف وحط لي تنفس الاوكسجين وصار يدهن وجهي بكريم للحروق كان حروق بسيطه بوجهي وتصميت بسبب حرارة النيران بوريتي انحرقت من عدة مناطق شعر راسي نالته النيران
ولو بشكل خفيف حواجبي كذلك الامر وشعر ايديني من الاصابع حتى المرافق و العضد قميصي محروق من مناطق معدوده وبنطالي نفس الشيء لكن الحرق اللي بكتفي هو اللي كان يسبب الم شديد لانه القميص التصق بجسمي اضطر الطبيب ينزعه عن كتفي بمشرط طبي وكان الم لا يحتمل .
اخذوني للمستشفى وبقيت هناك قرابة ساعتين وبعدها رجعت للمركز استبدلت هدومي وقدمت افادتي ورجعت للبيت ارتحت بقية ذاك اليوم وثاني رجعت للدوام وابلغوني انه لي موعد مع مدير الامن العامت وجهت لمديرية الامن العام بسيارة الشرطه عطيتهم اسمي في قاعة الاستقبال ابلغوني انه موعدي مع مدير الامن العام بعد ساعه
حين جا موعد المقابله دخلت غرفة مدير الامن العام تهيأت واديت التحيه ىالعسكريه وقلت احترامي سيدي
تقدم مني ورد التحيه العسكريه
قلي : انت نشمي من نشامى الوطن نفخر فيك وبسواياك الطيبه انقذت 4 ارواح لحالك بعد الله وهاذ الي تعودناه من رجال الامن العام قبل 3 اسابيع في يوم ماطر تزحلقت سياره فيها رجال وزوجته
عن الشارع العام باتجاه الوادي اوقفت سيارتك ونزلت بواسطة الحبل المعدني لعندهم واطلعتهم من السياره وربطتها بالحبل المعدني وسحبتها للشارع وانقذت الرجال وزوجته بعد الله
يوم الخميس القادم تتواجد في القصر الملكي اضفنا اسمك لقائمة المترقين استثنائيا

جاوبته : سيدي ما سويت شي إلا واجبي اي عسكري او شرطي يسوي اللي ساويته هاذ واجبنا
قلي : يا حمود حادثتين في فتره لا تتجاوز الشهر وانقذت ارواح 6 اشخاص بعد الله لزوم يكون فيها نظر
توكل على الله ونعم بالله
وفعلا تم ترقيتي لرتبة ملازم اول
بعد الفحص تبين سبب الحريق تماس كهربائي في الشقه .
وسلامتكم يالربع .

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[إستفسار] حول طريقه تقطيع و توزيع الواجهه المتمدده	محروم.كوم	منتدى أخبار المواقع والمنتديات العربية والأجنبية	0	07-09-2009 02:50 PM
النيران تضرب في الشارع الان في قرية العكر	محروم.كوم	منتدى أخبار المواقع والمنتديات العربية والأجنبية	0	05-08-2009 02:20 AM
النيران تلتهم مستودعاً للأصباغ في ثالث حريق بدبي خلال 9 أيام	سَوّافْ	المواضيع المكرره	11	04-04-2008 07:59 PM