قصة عن سوء خاتمة 3 بنات.....اقروها تتعظون منها - الصفحة 2

هيام الامارات · #1 04-24-2008, 05:27 PM

«®°·.¸.•°°·.¸¸.•°°·.¸.•°®» بسم الله الرحمن الرحيم «®°·.¸.•°°·.¸¸.•°°·.¸.•°®»

........طبعا هذه قصه انا سمعتها من قناة البدايه..و من خلال السمع انا الصراحه اقشعريت و حزنت على مصير البنات الثلاث.....................

المهم:

القصه و ما فيها انه كان في 3 بنات حلوات ...بس كانن شديدات الفسوق و كثيرات الذنوب...يعني كانو صايعات و يرابعن شباب و نزلات و طلعات مع هالشباب و مع الصيع.....حتى كانو هالبنات عااادي حتى انهم يشربون خمر..و تخيلو كانت وحده منهم تتعاطى مخدرات.....(الله يهديــــ امثالهمــ)

هاذي البنات الصايعات الظايعات اصدقاء السوء كانو اهلهم يعني يعطونهم بعض الحريه..بس هم ما كانو يدرون انهم كانو يسوون جي..و للاسف هالحريه الزايده شوفو وين وصلت....

في يوم من الايام البنات الثلاث ظهرو بالسياره و طبعا الاغاني مشتغله و مطول عليها و هم رايق لهم هالجو و فجأه انقلبت فيهم السياره ...........
و عقب ما انقلبت السياره على طول وحده منهم ماتت و الله اعلم بحالها يوم تقابل ربها و هي كانت تسمع الاغاني ..و الثانيه كانت بعدها يعني ما ماتت و بعدها اطلع الروح بس ما قادره و كانت مثل ما يقولون تحتظر اما الثالثه فكانت اصابتها ما تفقدها الوعي بس اللهم ريلها تعورت .........يوم يت الشرطه و الاسعاف و الناس تجمعوو وااحد من هالناس راح للبنت الي ريلها منكسره و بعدها واعيه قالت للريال روح لصديقتي اللي تحتضر ترى حالها اسوأ من حالي و طبعا الريال هدها و راح للثانيه الي تحتظر و هو يقول لها قولي لا اله الا الله ... و يقول لها اتشهدي و هي تبا تقول بس ما قادره و روحها عالقه و هي تبى تنطق الشهاده بس ما تقدر كل ما تبى تقول تحس ان روحها بتطلع و تتعذب و ما رايمه تنطق الشهاده......و رغم ان السياره متكسره و لكن المسجل تم يشتغل و الريال يحاول ينطق البنيه الشهاده و هي مب قادره فراح يبند المسجل ما رام عليه المسجل يشتغل و ما يبند و طبعا هو عيز و راح ياب حصاه عووده (كبيره) و رماها على المسجل طبعا المسجل سكت و تبند.... و رد للبنيه اللي تحتضر و لقاها على نفس الحال كل ما يباها تقول لا اله الا الله...تحاول تقول و ما تروم و بعدين ما عرف شو يسوي و بعدين رن تلفونها و الريال شل التلفون كله اغاني و الاغاني تشتغل و بعدين حاول يتصل بموبايلها على اي حد يعرفها عشان يبلغه و التليفون من اول ما رن و هو يرن اغاني و اغاني....الريال مسكين ما رايم ينطقها الشهاده وبعدين على طول البنت ماتت....و طلعت روحها و هي تسمع و تقول دن دنه دن دنه....و طبعا البنات الثنتين ماتو بسوء الخاتمه و ماتو على الاغاني اما البنت الثالثه اصيبت باءعاقه بريلها و ما تروم تمشي و الله كتب للبنت الثالثه الحياه عشان الناس ياخذون العظه و العبره....طبعا البنت الثالثه كانت متصله للعوظي و مخبرتنه القصه و هي تبكي و ما رايمه تتكلم حتى اول مره اتصلت و من كثر ما تصيح تمت عالخط تبكي و بعدين سكرت التليفون و اتصلت مره ثالثه و قالت قصتها اللي رويتها لكم...........(لاحول و لا قوة الا بالله العلي العظيم).........

ان شا الله بس عيبتكم القصه و اتمنى انكم تعطوني رايكم فيها.... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اريد خاتمة موضوع	محروم.كوم	منتدى أخبار المواقع والمنتديات العربية والأجنبية	1	12-25-2009 09:00 AM
نبيل رجب: خاتمة لابد منها بشان يوميات المستشار	محروم.كوم	منتدى أخبار المواقع والمنتديات العربية والأجنبية	0	09-12-2009 04:20 AM
₪_ لو ماعندكم رد بس تعالو اقروها !!!	وردهــ	الحوار والنقاش - الرأي والرأي الآخر	7	05-08-2009 08:51 PM
اقرئها براحتك	محروم.كوم	منتدى أخبار المواقع والمنتديات العربية والأجنبية	0	04-10-2009 04:40 AM
خاتمة بعض المشاهير	» [ ™S a s a ] ~	الإستراحه العامة	28	05-19-2008 03:29 PM