خلاص استح على وجهك

‏غرور اماراتيهـ · #1 04-23-2008, 08:29 PM

خلاص استح على وجهك

خلاص استح على وجهك ترى الموضوع ما يسوى

انا حاولت بس ما ادري شسوي لك عشان أرضيك؟؟

تبي تزعل بدون أسباب تبي تخاصمني بالقوه

بتلقاني معاك..... وياك.... يمك.... اقرب من يديك

بتشرد عني وين تروح؟؟بتلقاني في كل فجوه

بتلقاني مثل ظلك وآنا رجلي على رجليك

يمين..يسار..تحت أو فوق واللي تقدر عليه سوه

مدامي قلت ما أخليك ترى والله ما أخليك

يا أهبل مووووت أنا احبك وحبي ماهو من توه

ولو فرطت في الدنيا تأكد ما أفرط فيك

لأنك عالمي وكوني وشخصيتي والمروّه

ولأنك شعري وإحساسي وتفكيري وأنا شاريك

لأنك عطري وأنفاسي ومبالاتي وكل هقوه

ولأنك لامبالاتي وكل طاري فدا طاريك

لأنك انت أصلا تاج كل رجال هالدنيا

ياللي مخلي عزيز النفس يذل نفسه ويظل يرجيك

يا كاسر كلمتي حتى قبل ما أقول وأتفوه

يا حارمني لذيذ النوم من كثر ما أفكر فيك

يا جارح كبريائي منهو غيرك يقدر يموّه؟؟

غريبه كيف تجرحني ولاغيري انا يداويك؟؟

يا أكثر من الخجل والخوف في قلبي اللي حمل شكوى

يا أحر من دمعة المقهور إذا جا لك وهو يبكيك

يا أسهل من السهل نفسه ويا أصعب حتى من العنوه

يا اللي غيرت أقداري وتاريخي يا هالبلوه

عرفتني وكنت معجب بي وأنا صرت اللي معجب فيك

انا لو يسألوني الناس من أغلى انت ولا هو؟؟

أقول والله هو أغلى وعسى أكثر بعد أغليك

يا ملهم كل شاعر فن وملهم صدري السلوى

ترى مليت أقول لك بس كفايه الله يخليك

كفايه لا تمصخها ترى الموضوع ما يسوى

بترضى يعني بترضى ولابقول انا طز فيك

تخيل طعمك انت صار على شفاتي مثل قهوه

أمر من المراره بس محال في يوم انا أخليك

تبي تزعل بدون أسباب تبي تخاصمني بالقوه

بتلقاني معاك وياك يمك اقرب من يديك

بتشرد عني وين تروح؟؟بتلقاني في كل فجوه

بتلقاني مثل ظلك وأنا رجلي على رجليك

يمين..يسار..تحت أو فوق واللي تقدر عليه سوّه

مدامي قلت ما أخليك قسم بالله ما أخليك __DEFINE_LIKE_SHARE__

‏غرور اماراتيهـ · 04-24-2008, 03:25 PM

وين الردوود ؟ __DEFINE_LIKE_SHARE__

ємαяαтya Kαsн5a · 04-25-2008, 09:04 PM

تسلمين حبوبه عالنقل الطرر __DEFINE_LIKE_SHARE__

‏غرور اماراتيهـ · 04-26-2008, 08:13 PM

يسلمووو ع المرور الطيب .,, __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خلاص ما في امل في تعديل البرامج الاسلامية خلاص ننسا الموضوع؟	محروم.كوم	منتدى أخبار المواقع والمنتديات العربية والأجنبية	0	09-14-2009 08:10 PM
هل حركة حماس اسلامية كما تدعي ؟؟؟؟؟؟؟ حقيقة حماس !!!!!	محروم.كوم	منتدى أخبار المواقع والمنتديات العربية والأجنبية	0	06-17-2009 10:00 PM
خلاص اتخنقت من الفيبي سيو خلاص محتاج خبيرررررررررر	محروم.كوم	منتدى أخبار المواقع والمنتديات العربية والأجنبية	0	04-10-2009 09:30 AM
طارق المحياس ... خلاص استح ع ويهك	للزين هيبه	الشعر المسموع	13	03-31-2009 05:40 PM
ضروررري أبي شعر خلاص أستحى على ويهك	بنت عز والكل يفز	الشعر المسموع	0	02-03-2009 07:54 PM