بعد 3 سنوات رجعت للعسكريه

محروم.كوم · #1 11-30-2017, 04:21 PM

السلام عليكم ورحمة الله وبركالته
مسيكم بالخير الجميع .

خدمت في العسكريه 13 سنه ومن ثم انتلقت للشرطه وخدمت في الشرطه 7 سنوات وتقاعدت بعد 3 سنوات من خدمتي في الشرطه استدعاني قائد المركز رحت له
دخلت مكتبه واديت له التحيه العسكريه رد علي بتحيه مثلها وقال اجلس : جلست
قلي : اشتقت لربعك في العسكريه ؟
هزيت راسي وقلت 13 سنه يا حضرة المقدم كيف انسى ربعي اكلنا بنفس الصحن وشربنا من نفس الكاس
نشوف بعضنا اكثر ما نشوف الاهل حنا اكثر من الاخوه .
قلي : اعتبار من باكر ترجع للعسكريه منتدب مدة 3 شهور وفي نفس فرقتك العسكريه وهاذ كتاب الانتداب الحين تروح لبيتك وتجهز نفسك مع السلامه
تهيأت واديت له التحيه العسكريه وصافحته وطلعت رحت لسيارتي ركبتها وتوجهت لبيتي
حين وصلت البيت لقيت شايبتي الله يشافيها ويعافيها وخالاتي وام عيالي واختي من الرضاعه كانو يخيطون لحافات لفصل الشتا بقماش سميك
طرحت السلام عليهم ردو السلام وحبيت على ايدين امي وخالاتي وهم يقولون لي الله يرضى عليك الله يرضى عليك
رحت لغرفتي فتحت الخزانه وطلعت منها البزه العسكريه حطيتها على السرير والبوريت وحطيت عليه شعار الجيش العربي (الجيش الاردني ) .
ناديت على زوجتي وقلت لها : جهزي ورتبي بزتي العسكريه
ناظرتي باستغراب وقالت : انت في الشرطه مو العسكريه
رديت عليها : اعتبار من باكر راجع للعسكريه 3 شهور
رحت جلست مع امي وخالاتي اختي من الرضاعه ساوت قهوه لي شربتها وقلت لهم باكر راجع للعسكريه 3 شهور .
استرحت باقي ذاك اليوم ومسا ذاك اليوم توجهت لبيت خالي وجلست معه ومع صديقي ابومرزوق سولفت معهم واستأذنت منهم وودعتهم وثاني يوم توجهت لمكان فرقتي العسكريه
حين وصلت توجهت للغرفه اللي كنت انام فيها بعد ما استلمت فراش للنوم .
تفاجؤا الربع فيني حين دخلت عليهم تهيأو وادو لي التحيه العسكريه رديت عليهم التحيه تصافحنا وتعانقنا سألت عن صديقي خلف قالوا الحين يجينا وقفت في مكان ما يقدر يشوفني حين دخل خلف الغرفه
قال : ويش فيكم يالربع ؟
ما احد تكلم كلمه ظلو ساكتين قال ترى وانا اخوكم اشم ريحة خويي حمود .
حين شافني هجم علي تعاقنا واخذنا بعض بالاحضان
قلي : اشتقت لك يا خوي اتذكرك في كل تدريب وتمرين اتحسف انك ما تكون معي
رديت عليه : ابشر وانا اخوك معاك 3 شهور طلبت منالجميع التهيأ والخروج للتدريب طلعنا وتوجهت لقائد المعسكر كان في غرفته في اجتماع مع ضباط المعسكر اديت لهم التحيه
العسكريه ردو علي التحيه وجلست معهم بعد ما خلص الاجتماع
قلي قائد المعسكر : استدعيك يا حمود واصريت عليك انت بالذات لاني اعرفك تفهمني من نظراتي ما اقول ويش ودي تنفذ اللي ودي اياه بدون ما اتكلم الحين تروح تختار 4 ضباط
و5 ضباط صف عندي 50 عسكري جدد وما كلم كلامه

قلت له : حاضرسيدي توكل على الله .

طلعت من عنده استدعيت خوياي خلف ونزار ومثنى وحميدي و5 ضباط صف توجهنا للجنود الجدد كانوا واقفين خمس صفوف كل صف 10 جنود كل ضابط وضابط صف
مسؤولين عن 10 جنود بدينا ندربهم بدون توقف اواستراحه تدريب شديد
قلي عسكري جديد : تعبت يا سيدي خلنا نرتاح شوي .
قلت له : ودك ترتاح ليش اسمك عسكري تفكر العسكريه لعبه هنا العسكريه تسوي منك رجال اتعب الحين ترتاح باكر بعد مضي شهر كانو اعتادو التدريب الصعب
في يوم حبيت ادربهم على شي جديد رافقني ربعي اللي ذكرتهم وبعض الجنود القدامى اخذنا العساكر الجدد على مكان فيه مياه الصرف الصحي وانتم بكرامه على بعد حوالي 2 كليومتر
كان راعي اغنام يرعى اغنام وهاذ الراعي اعرفه معرفه زينه طلبت منهم يرحو لعنده ويجيبون منه سيجارة مارلبورو راحو وهو يتراكضون غابو فتره ورجعو
قال واحد منهم : سيدي هاذ السيجاره اللي طلبتها
اخذتها منه وناظرتها وناظرت الجنود الجدد قلت لهم : انتم كذابين
قال واحد منهم : سيدي طلبت سيجاره جبناها لك .
قلت له : انتم كذابين لانه هاذ الراعي ما يدخن والرعيان في بلادنا ما يدخنون المالبورو .
ناظرت الجنود القدامى واعطتهم اشاره فصارو يطلقون النار عند ارجول الجنود الجدد فصارو يتراجعون لين غطسو في مياه الصرف الصحي
قلت لهم : اسبحو اسبحو ما احد يطلع منكم
ظلو حوالي ساعتين بعدها طلعتهم من مياه الصرف الصحي وما خليتهم يغتسلوا اخذناهم على مكان غسلوا ايدنهم بالصابون ومطهر ( الكحول الطبي )
قلي عسكري جديد : متى نغتسل ؟
قلت له : تغتسلوا بعد العشا هاذ تدريب لكم باكر تعتادون عليه
حين جلسنا للعشا وزعت الجنود الجدد بين الجنود القدامى البعض منهم ما قدر يتعشى بسبب الرائحه اللي عليه بينما الجنود القدامى كان الامر عادي بالنسبه لهم لانهم
معتادون على هاذ التدريبات النفسيه بعد العشا اغتسلوا وتطهروا كل يوم كنا نخضهم لتدريب صعب
في يوم قلي عسكري جديد : سيدي كل يوم هاذ التدريبات الصعبه ؟
رديت عليه : طبعا العسكريه صعبه لكنها تصنع منك رجال تتحمل الصعاب والشدايد بعد فتره تعتادون هاذ الامور اذا كنت متساهل معاكم اكون غشيتكم لزوم تعرفو اني اللي اسويه
معاكم اليوم والضغط عليكم واتعبكم بهاذ التمرينات والتدريبات لصالحكم باكر الايام تثبت لك هاذ الشيء .
بعد مرور 3 شهور كانو اعتادو تدريبات وتمارين صعبه وباتو جاهزين لفرزهم وارسالهم كل منهم لفرقه جديده تبقى عندنا 10 جنود اخترتهم بنفسي لانه في جنود حان وقت تقاعدهم
في شيء منهم امضى اكثر من 16 سنه في العسكريه حينها استدعاني قائد المعسكر
قلي : يا حمود قدمت طلب تمديد فترة انتدابك عندنا مدة 3 شهور ثانيه وافقو على شهرين ودعت الربع ورحت للبيت امضيت اجازه مدتها 10 ايام وبعدها رجعت لفرقتي مع العساكر
مدة شهرين كنت اتابع امور سريتي وخاصه الجنود الجدد امضيت شهرين ودعت ربعي مره ثانيه وكان وداع مؤثر ورجعت للبيت اجازه مدتها 4 ايام وبعدها رجعت لوظيفتي
في الشرطه وتم ترقيتي لرتبة ملازم اول حيث انقذت ارواح عائله بعد الله من حريق شب في منزلها
عندنا القانون العسكري يحق للجندي طلب الاحالته للتقاعد بعد خدمه فعليه 16 سنه لا يحتسب منها فترة التدريب الاولي
وهي مدة سنتين وهي كانت معروفه بخدمة العلم وهي الان ملغيه من عام 1994 ميلاديه .
بالنسبه لي تدربت 3 شهور ومن ثم نقلوني لفرقتي وتعينت جندي اول تحت التدريب مدة 3 شهور وبعدها خدمت 13 سنه عسكري نظامي لم تحتسب فترة 6 شهور من ضمن 13 سنه
نقلوني للشرطه بسبب اصابه في احد التمارين وكانت اصابه شديده بسببها ما عدت اقدر اتحمل التمارين الصعبه والشاقه والحمدلله دائما وابدا .
وسلامتكم يالربع .

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بعد غياب سنوات رجعت للعمل مع ادسنس , هل تنصحوني بشراء حساب مفعل ؟	محروم.كوم	منتدى أخبار المواقع والمنتديات العربية والأجنبية	0	08-09-2017 03:50 AM
الوفاق تقيِّم حراكها بعد 10 سنوات من التأسيستزامناً مع مرور 10 سنوات ع	محروم.كوم	منتدى أخبار المواقع والمنتديات العربية والأجنبية	0	11-03-2011 11:20 PM
الوفاق تقيِّم حراكها بعد 10 سنوات من التأسيستزامناً مع مرور 10 سنوات ع	محروم.كوم	منتدى أخبار المواقع والمنتديات العربية والأجنبية	0	11-03-2011 06:30 PM
أحم أحم أنا رجعت بعد أنقطاع لأسباب خاصه	ولد الاوغاني	تراحيب وتهاني	31	07-11-2008 03:24 AM