إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


إضافة رد
 
LinkBack أدوات الموضوع انواع عرض الموضوع
  #1  
قديم 10-06-2017, 12:40 PM
عضو ماسي
بيانات محروم.كوم
 رقم العضوية : 503
 تاريخ التسجيل : Dec 2007
الجنس : female
علم الدوله :
 المشاركات : 2,100,610
عدد الـنقاط :3341
 تقييم المستوى : 2139

السلام عليكم ورحمة الله وبركاته .
صبحكم الله بالخير الجميع .


في ليله من ليالي الصيف تجمع شيبان العشيره في ديوان خوالي جلست في الديوان مع الربع وكان عمري 8 سنوات فقال جدي والد امي رحمه الله واموات المسلمين يالربع
في عام 1962 كنا معزبين بالشياه كان معي مرزوق السويلم الله يرحمه واموات المسلمين وولده خلف
ووالد حمود الله يرحمه واموات المسلمين .
كنا كل يوم نورد الشياه على بير الشجره في يوم قلت للربع اسبقوني انتم على البير لاجل تعبون الحوض بالمويه قبل توصل الشياه
وحنا نسقي الشياه سمعت والد حمود الله يرحمه واموات المسلمين
يقول : يا دافع البلا يا الله يا ستار استر ويش هاذ ؟
ناظرنا اذا رجال راكب على فرس ومنكفي على وجهه وهو بظهرها وكان ظهر الرجال غارق بالدم فزعنا انزلنا الرجال عن الفرس وادخلناه المغاره الكبيره تركنا الفرس
تشرب بعد ما ارتوت ربطها خلف تحت شجرة خروب .
انبلشنا بالرجال الغريب كان صويب في ظهره برصاصه والرجال من نزف الدم غايب عن الوعي كان لزوم نعالجه بسرعه قام

مرزوق السويلم قلي :
اسدح الرجال على بطنه
وشق ثوبه من على ظهره ومسحنا الدم كان صويب برصاصه في كتفه اليسار وبسرعه مرزوق شب نار وحط الشبريه على النار فتره بسيطه
وهو يحركها فوق النارويقلبها وقرب من الرجال وبسمل وبراس الشبريه غرسه جنب الرصاصه لحظات واطلع الرصاصه كانت رصاصة بندقية ( مارتيني ).
كانت اصابة الرجال في عضلة كتفه نزل دم مرزوق حط كفوف ايدينه قريب من جرح الرصاصه ويسحبها باتجاه الجرح وتنزل دم لونه اسود ظل على هالوضع
حوالي دقيقتين لين صار الدم اللي يطلع من الجرح لونه احمر حينها طلب مرزوق من ولده خلف ينزع راس رصاصه
خلف جاب رصاصه ونزع راسها وعطاها لابوه حط ملح البارود في الجره واشعله سدحنا الرجال على ظهره على الفراش وتركناه لين يصحى
مرزوق قال : هاذ الرجال صارله صويب حوالي ساعه على اكثر تقدير حين يصحى إن شاء الله يكون بخير . وكاد هالرجال مطلوب للثار هاذ رصاصه شخص كان
يصوب عليه وقاصد قتله لو انحرفت الرصاصه شوي كانت مرت من بين العظم ووصلت للرئه

والد حمود يقوم يجيب طلي ويجدعه ويحزه بالشبريه وسلخه وقطعه وشب نار قويه ويقوم يصير يغلي اللحم حين صحى الرجال وده يقوم من الفراش ناظرنا
وقال : من انتم وين انا ؟
رديت عليه : توكل على الله يا وليدي حنا فاعلين خير اذا انت مطلوب للثار ابشر حنا نحميك
ما يصيبك ضيم بعون الله .
شوي ابو حمود يجب مرق اللحم ويقول للرجال تفضل اشرب المرق لاجل تشد نفسك كان مرزوق وولده خلف ساوو طبخة المنسف حطينا الزاد قدام الرجال وقلنا له
تفضل يا ضيف الرحمن توكل على الله عليك الله وامان الله كلينا وحمدنا الله على نعمته وفضله عند العصر طلعو الربع بالشياه والنعاج وظليت عند الرجال .
مسا ذاك اليوم والد حمود جا للديره جاب ثوب للرجال واغراض لنا وزاد ورجع ومعه حريمنا وصلنا كانت الساعه 6 الصبح .
حلبنا الشياه والنعاج اذا صوت اولادي الثلاثه ينادوني كانو راجعين من العسكريه وصلونا بعد التحيه والسلام قالولي
يبه ارجع للبيت انت وابوحمود وخلف ووالده وحنا نظل مع الحلال رجعنا كلنا للديره والضيف معنا هاذ الضيف الشهاده لله كان اديب وخلوق عنده حشمه
مشى خلفنا ومشيت جنبه وحنا على ظهور خيولنا ما شفته ناظر قدامه كان يناظر حوله كانت حريمنا قدامنا بعيدات عنا حوالي 10 امتار .
لين وصلنا البيت كل ما يجي الرجال يتكلم
اقوله : يا ولدي حق الضيف 3 ايام وثلث
قلي : هلي الحين ينشغلون علي ويصيرون يدوروني .
قلت له : توكل على الله يا ولدي المثل يقول كا تأخيره فيها خيره .
اليوم الرابع رجعو اولادي بالحلال كله خلص وقت التعزيب بالحلال مسا ذاك اليوم جلسنا في البيت ضيفنا
قلي :
يا معزب الرحمن كنت طالع مشوار شريت هالفرس ورجعت للديره في الطريق وصلت منطقه فيها اشجار كثيره ومتشابكه وانا ماشي حسيت شيء تقول
قضيب حديد محمى بالنار يغزني بكتفي وسمعت صوت فرقعه انكفيت لقدام ودارت الدنيا فيني بعدها مدري ويش صار لين صحيت على نفسي عندكم

قلت له : يا ولدي كنا نسقي الحلال على البير وانت لفيتنا وكنت نازف دم وفرسك عطشانه نزعنا الرصاصه وكوينا جرحك وباقي السالفه تعرفها
باكر نوصلك لاهلك
حين طلع النهار ركبت الفرس جلوى وضيفنا ركب فرسه وانطقنا صوب ديرته وصلناها بعد حوالي 4 ساعات حين دخلنا ديرته شافنا ولد صغير
يقوم ينطلق وهو يصارخ رجع سليم رجع سليم وصلنا مكان فيه بيت كبير وكانت الرجاجيل متجمعه هناك نزلنا عن خيولنا جا رجال اخذها
كان رجال ضخم الجسم وكبير بالسن كل الرجاجيل حوله عرفت انه شيخهم تقدمني ضيفي وصافحه وحب على يده
وقله

يبه هاذ راعي الطيب والمعروف والنخوه والشهامه .

صافحته قلي : تفضل يا ضيف الرحمن دخلنا المجلس كان مجلس كبير فيه فرش عربي بوسطه
منقل نار وعليه دلال القهوه
قلي الرجال الكبير : هنا هنا بصدر المجلس يا ضيف الرحمن جنبي .
جلسنا وصبو لنا الفناجيل لاحظت هالربع يوقرون هالرجال ويحترمونه ما احد تكلم بكلمه اللي يدخل المجلس من الشباب يحب على يد هالرجال
ضيفنا سليم تقدم وجلس قدام الرجال الكبير

وقله : يبه هاذ الشيخ ذيب راعي الطيب والمعروف والنخوه والشهامه انقذ روحي بعد الله
قلت له : ما سويت شيء مشيت على سلومنا وعاداتنا اي شخص يسوي اللي سويته لك الحين وصلت هلك وربعك واسمحولي يالربع ودي ارجع لديرتي
اذا وقفو رجاجيل وسلاحهم بيديهم الرجال الكبير

قلي : يا ضيف الرحمن ما تطلع قبل ما تاخذ حق وواجب الضيف انقذت روح ولدي بعد الله ودك تروح
كذا لا سلام ولا كلام اجلس وتوكل على الله

واشر بيده للربع جلسوا وهمس بشي للرجال اللي جنبه
قله الرجال : ابشر قام الرجال واخذ معه 2 من الرجاجيل .
عرفتهم بنفسي وتعرفت عليهم وسولفنا بعد حواللي 3 ساعات دخلو رجاجيل المجلس وهم يحملون المناسف حطو القدور في المجلس ظلوا الربع جالسين
امسكني الرجال بيدي ووقفت حينها الربع وقفو تقدمت مع المعزب اجلسني جنبه وصار يحط قدامي قطع اللحم ويقولي
من خير الله تفضل واجب الضيف
اللي ما يقوم بواجب ضيفه ما يجلس بين الرجال ولا ينصب له الفنجال .
بعد ما تغدينا وشربنا القهوه وحمدنا الله على نعمته وفضله دخلو رجال اثنين المجلس وجلسوا
هاذ الشايب
قال : اسمعوني انتم الاثنين هي كلمه وحده ما تصير ثنتين باذن الله يا سيار يوم الجمعه القادمه تجهز بنتك وتزوجها لراكان انت وعدته انك تزوجه البنت
راكان رجال نشمي ويستاهلها ومهرها تاخذه اليوم 30 نعجه تختزها بنفسك من بين النعاج ولك مني مهره معنقيه وانت يا راكان بيتك جاهز من الحين تروح
تجهز الذابايح 5 ذبايح كافيات للضيوف والمعازيم وضيفنا من الحين معزوم على الفرح توكلوا على الله

ما احد منهم قال كلمه .
استأذنت من الشايب وربعه لاجل ارجع للديره حين طلعنا من المجلس وقفنا في حوش المجلس رجال جاب فرسي شفت فرس فصيلتها العبيه لونها اسود
ودعت الشايب وربعه وأكد علي الشايب اني احضر الفرح عندهم في ديرتهم ركبت فرسي الشايب اعطى اشاره براسه لرجال كان رسن الفرس بيده
قالي الشايب : هاذ الفرس هديه لك الله يبارك لك فيها يعطيك خيرها ويكفيك شرها .
احترت ويش السوا مع هالشايب شكرته ورجعت للديره وصلت هنا قبل العشا يوم الجمعه رحت للفرح اخذت معي مهره فصيلتها صقلاويه شريتها
من سوق الخيل وعطيتها هديه للشايب وهناك طلبت اشوف سليم جا وجلست معه ومع شيبان عشيرته وحضرت الفرح ومن ذاك اليوم قامت هالصداقه اللي بيننا
اللي اطلق النار على سليم انعرف بعد سنه بطريق الصدفه لكنه اطلق النار عليه بطريق الخطأ بحيث ما شاف سليم وما كان يعرف انه قريب منه وبنفس الوقت
ما كان في بينهم معرفه وسليم تنازل عن حقه في جلسة قضاء عشائري .
ملاحظه صغيره : توفي والد سليم سنة 1980 وكان بلغ من العمر 97 سنه ورحت مع خوالي
وجدي رحمه الله واموات المسلمين وقدمنا واجب العزاء لسليم وربعه .


وسلامتكم يالربع
__DEFINE_LIKE_SHARE__
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مجموعة سويت هومز تصل إلى المملكة المتحدة عبر إطلاق شركتها الفرعية الجديدة سويت هومز محروم.كوم منتدى أخبار المواقع والمنتديات العربية والأجنبية 0 08-04-2010 02:50 PM
سويت العاصمه .. احلى سويت من بنات بوظبي لايطوفكم... محروم.كوم منتدى أخبار المواقع والمنتديات العربية والأجنبية 0 03-15-2010 01:00 AM
ليــــس من الغريب ان تجدها في هذا الوقت ولكن الغريب هو بقاؤها محروم.كوم منتدى أخبار المواقع والمنتديات العربية والأجنبية 0 07-28-2009 01:20 AM
سويت ترقيه لبرنامج الحماية .... وياليتني ما سويت محروم.كوم منتدى أخبار المواقع والمنتديات العربية والأجنبية 0 05-21-2009 11:30 PM
سويت البيض عيون + سويت الجام قطوة بوظبي فن المطبخ والطبخ 21 02-18-2009 05:47 PM


الساعة الآن 12:41 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML