السلام عليكم ورحمه الله وبركاته اخواني حبيت افيدكم واوفر لكم ارخص سعر لمكاين الحلاقة في ابوظبي ,, نظرا لان الصالونات قامت اتغش الناس واتبيعلهم العده بسعر يفوق ال 800 وال 1000 درهم والعده كلها ما تكلفهم 500 الى 600 درهم ,, اخواني انا سويت لي شنطه بكل العده اللي انا احتاجها وهالشي ما كلفني 700 درهم (والعده من الماركه الزينه واللي يستخدمها الصالون .. بحط لكم الصور وبعدين بذكر لكم الاسعار .. الصورة: http://uaesm.maktoob.com/up/uploads/11aafccf04.jpg هالمكينتين من اهم الاشياء لعده الحلاقة .. المكاين المانيه ومن نوع موسر (Moser) والمكاين المانيه ., ولو تلاحظون هالمكاين اللي يستخدمونها الصالونا وهن احسن شي .. المكينه مكينه الحلاقه الحمرا سعرها يتراوح ما بين ال 55 درهم الى 75 درهم وانت وشطارتك .. وعند الياقوت اللي بشارع المطار سعرها ب 75 وشي مكان عند شركه دوو اللي قريب من ليوا سنتر .. صوب الصرافين عند خياط العربي مراسيم وهو الوكيل يبيعها على ما اظن يا ب 55 او 65 .. وبالنسبه للمكينة السودا اللي هي مكينة التحديد وسعرها يتراوح بين 230 الى 280 درهم وانت وشطارتك .. والسوده هي الموديل الاقدم الحين لونها ابيض ,, واخر مره خذتها من الياقوت على ما اذكر ب 280 درهم وبعد نفس الشي لو اترحون عند الوكيل اللي خبرتكم عنه بتحصلونها باقل عن 280 .. بس مشكلته بطران يفج من وقت ويسكر من وقت ^_^ .. المهم بني حق المعدات الثانيه ,, مكينه التنعيم ومن نوع موسر اخر موديل سعرها 110 دراهم من عند الياقوت وحاليا ماعندي اياه عسبت احط صورتها بس هي اصغر وحده وتنفع حق تحديد الاماكن الصعبه لانها ضعيفه .. وبني للمشوط سعر كل مشط مايي اكثر عن 10 الى 15 درهم ,, والمقص بعد نفس الشي شي انواع عندك من 10 دراهم وطالع ويوصل فوق ال 200 ^_^ درهم .. والصراحه انا ماخذت مقص لان الصالون اللي اروحله ما يعرف يحلق غير ابمقصه ^_^ وبعدين شو بعد امممممممم هي ,, المريول تقريبا سعره 15 الى 20 درهم وباقي اخر شي الشنطه .. والشنطه انا اكتشفت ان الصالونات يبيعونها ب اكثر من 80 درهم مع ان سعرها 20 او 21 درهم من (ايكيا) فالمارينا مول .. وهاذي صوره الشنطة : الصورة: http://uaesm.maktoob.com/up/uploads/fad8aca6db.jpg طبعا الموس والبروش واي شي ثاني كلها اشيا رخيصه يعني اسعارهم من 10 الى30 او 40 درهم .. شرايكم ؟؟ يلله نجمع وبنشوف كم سعر الشنطه وانتوا تدفعون عليها اكثر من 800 ولا 1200 درهم عالفاضي .. المكينه الحمرة للحلاقة + المكينه السوده للتحديد + زائد مكينة التنعيم + الشنطة + المشط + المقص + الموس .. انا بحط لكم اكثر احتمال يمكن تدفعونه وانتوا احكموا .. 75 + 280 + 110 + 25 + 30 + 50 + 45 = 615 درهم شرايكم بالسعر ؟؟ وانتوا تقدرون تتحكمون بالسعر اكثر او اقل ,, اذا تبون شنطه بها السعر انتوا سووها بروحكم من اليوم وساير لحد يقص عليكم ,, وشي ناس يقولون لكم المكاين اللي عنا بدون واير (وايرلس) ومادري كيف .. ماعليكم من الكلام الفاضي الانواع اللي حطيتها من احسن شي .. وانا خبرتكم الاماكن وما عليكم غير انكم اتروحون بروحكم وتشترون .. واللي عنده اي استفسار انا حاظر .. وهالموظوع فقط فقط فقط للمصلحه العامه وانا ما حب حد ييلس يستغل الناس فاشيا المفروض الكل يعرفها .. دعوااااااااااااااااااتكم ^_^ اخوكم الاميـــــــــــــــــــــري ^________^