حاله نادره جداااا

محروم.كوم · #1 08-31-2009, 03:50 AM

اولا اصبح على الجميع بالخير والمسرات
ثانيا ودي اقولكم سالفه صارت مع واحد من الربع
ثالثا طول الله عماركم
قبل سنتين تقريبا شريت شيهانه جبليه قياسه 13بعرض 13 وشرطتين من شياهين المدينهفرخه طبعا وفيها سبق غير طبيعي المهم جاء واحد من الربع من الكويت تحديدا والرجال صقارته لك عليها يبي طير جاهز يبي هدد على الحمام بس وكان يدور شيهانه وكان عند ابن عمه واتصل علي ابن عمه وجيتهم قال الرجال هذا (يقوله ولد عمه)يبي شيهانه وانت عندك شيهانه قلت يبشر الشيهانه موجوده وتسمعه قال انا ابي شيهانه تلحق الحمام وبس واذا خلص الموسم دورت واحد واهديته عليه او فكيت سبوقها واطلقتها قلت ليا خذيتها ماني بناشدك عنها لو تذبحه قال والله ماخذ الا بحقها المهم مالكم بطوالت السالفه اخذ الشيهانه ودخلها الكويت .
وبعد يومين اخذوا حمامه زاجل بس ماهو الدرجه الاولى وهدوها وهدوا عليها طبعا الشيهانه فيها طبع اذا زبنت الحمامه سياره او عشه ما تنزل معها تجلس ترقرق فوق اللي زبنته الحمامه هدوا ورددت الحمامه وزبنت الحمامه عشه غنم وراجت وبعدين اطلبت قالوا وش ورانا خلنا نشوف وش عندها المهم بعد تقريبا كيلوا الا هاك السيارات تطرد والا طيرهم قدام السيارات يطرد حمامه وتنزل من اللجه على الحمامه قدام الطير وتضفها وتوقع فيها ويحول عليها الطير ويخطف طرف الحمامه ويحولون الا وهي ماسكه الحمامه بيد ومشطره يد والطير مسوي مثلها ويحول راعي الطير وكان شايب وقال اصبروا والله شيهانتكم غريبه ويقص الحمامه بالنص بينهن وكلن ياخذ قسمه ويجلس يعلف.

وبعدها يهدونه على الزاجل درجه اولى وما يروح عليها شي وهدها على الكراوين فاي وقت ظهر والا عصر وصبح والله ماراح عليها شي طبعا بعد ما طلعها للسعوديه .وقبل انتهاء موسم الكراوين باسبوع حطها بالمربط الي الحفر وبعد اسبوع لقى واحد من الربع كروان وراح واخذها من المربط وهدها على الكروان بعد اسبوع من الربطه وارتفع وارتفعت عليه وساق وهي وراه يقول حد علمي زبن العراق وهي متعليته وعلى وجهها ومسكها احد الاخوان بالعراق ودق عليه وقال كم تعطيني واجيبها قال كم تبي ودفعله الى 700 دولار وطلب 1500 دولار وقال تدري مدام وصلت الى هالدرجه يعوضني الله تراها حلال عليك.

واعذروني على الاطاله وعدم وجود صوره. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور نادره للنسر	محروم.كوم	منتدى أخبار المواقع والمنتديات العربية والأجنبية	0	03-21-2010 11:50 PM
حاله الطقس .. !	محروم.كوم	منتدى أخبار المواقع والمنتديات العربية والأجنبية	0	10-26-2009 08:00 PM
حكم نادره,,	محروم.كوم	منتدى أخبار المواقع والمنتديات العربية والأجنبية	0	04-08-2009 02:40 AM
صور لبن دغاش نادره	راعي الاستاندر الوردي	برنامج الميدان للكبار3	35	02-18-2008 07:49 PM