ليلة الكلاب الشرسه في الديره

محروم.كوم · #1 07-01-2017, 02:40 PM

مساكم الله بالخير الجميع .
في احد فصول الصيف وقبل موسم حصاد القمح بفترة شهر كنت في اجازه من العسكريه مدتها 4 ايام
اول يوم لي في الاجازه طلعت على سطح البيت بعد صلاة العشاء لاحظت انه في صمت غريب ما عهدته كان الهدوء اللي يسبق العاصفه كان حصاني يتحرك بعصبيه وكانه في شيء يزعجه حينها ادركت انه في شي وده يصير نزلت البيت حملت سلاحي ولقمته مشط الرصاص وطلعت على السطح مره ثانيه
كنت اناظر حديقة جارنا ابو طالب انتبهت انه في شي يمشي بسرعه نحو حديقتي حصاني اطلق صهيله
وانحاش كانت 3 كلاب تتجه نحو حصاني اثنين لحقوه والثالث اخذ طريق ثانيه وده يطوق حصاني .
اطلقت رصاصه على الاول فقتلته وعلى الثاني الحقته خويه رحت على طرف البيت الثاني اللي يطل على الشارع على ضو الاناره في الشارع شفت الكلب على بعد حوالي 3 امتار من الحصان اطلقت عليه طلقتين فوقع ميت حصاني ابتعد عن البيت .
نزلت عن السطح وطلعت على الشارع كان حصاني راجع للبيت ويطارده كلب قفز الكلب في الهوا في محاوله منه لجرح حصاني اطلقت عليه رصاصه اصابته في رقبته ووقع ميت .
انتبهت انه معظم اولاد جيراني صاروا حولي وهم متسلحين ويقولوا الكلاب تهاجم حلال اهل الديره .
اخوي حاتم قالي : والدي يقولك جيب الحصان لعندنا .
اطلقت صفير جاني حصاني قدته لبيت الوالد وهناك ادخلته مربط يحط فيه الوالد فرسه وبضع نعجات .
قالي الوالد : خلك هنا الليله والصباح رباح .
قلت: ان شاء الله لكن اروح اغلق البيت وارجع رحت غلقت البيت ورجعت لبيت الوالد فجأه سمعنا .
ضرب رصاص بطرف الديره وتبعه ضرب من الناحيه الثانيه .
فقال الوالد : ويش هالليله الله يجيب اللي في الخير .
تمددت على الفراش وصار يرن جوالي رديت كان صديقي الشايب ابو مرزوق .
قالي : انخاك يا ابو ظاري !!!
قلت له : لعيناك ابشر وانا اخو وضحى .
قالي : الكلاب تهاجم حظيرة الحلال وسلاحي تعطل .
بيت ابو مرزوق يبعد عن طرف الديره حوالي 1500 متر
قلت له : مسافة الطريق واكون عندك .
قالي الوالد : عسى ما شر يبه من اللي ينخاك ؟
قلت له : ابو مرزوق ينخاني .

قالي خالي : لا تونى عن خويك ابو مرزوق رح له بسرعه

تحزمت بحزام من الجلد وعلقت فيه سكين ذات نصل حاد جدا كنت اشحذها بنفسي
طلعت بسيارتي ورحت له وحين وصلت نزلت من السياره وتركت الاضويه شغاله
سمعت ابو مرزوق يقولي: خذ حذرك الكلب جاك من اليسار .
قفز علي الكلب وامسكني من يدي اليسار ووقعت معه على الارض وسلاحي وقع من يدي اليمين
غرز انيابه في ساعدي وشعرت بالآم مبرحه وصار يشد نفسه للخلف يحاول يمزق ساعدي تحاملت على نفسي واوقعته على الارض وصرت اتحسس جنبي الايمن حيث علقت على جنبي السكين كنت احاول اخلي الكلب
يظل على الارض على جانبه الايسر حين اوقعته على الارض وخلال تحركه جرحني بمخالبه في صدري وبطني وتمزق ثوبي عن يدي اليمين سحبت السكين وطعنته اول طعنه في صدره من الجنب الايمن وتابعت طعنه حوالي 5 طعنات وظل ممسكني بانيابه حطيت السكين في فمه وفتحت فمه كانت الآم مبرحه ورحت صوب سلاحي وحملته كانت يدي تقطر دم وفيها جروح عديده واذا اسمع صوت همهمه انتبهت لمكان الصوت كان كلب لونه اغبر ويكشر عن انيابه ووجه عليه دم صوبت عليه وضغطت على الزناد وكانت المفاجأه ما طلعت الرصاصه كانت المسافه بيني وبين الكلب حوالي 6 امتار بالتقريب الكلب انتهز الفرصه وهاجمني انحشت منه و قفزت على سطح غرفه علوها حوالي 2 متر وانا احاول ارفع رجولي ويدي تنزف والآم مبرحه كنت احاول ارتكز على يدي السليمه نهشني الكلب في ساقي اليمين بمخالبه تحاملت على نفسي ورفعت نفسي وحين صرت على سطح الغرفه دحرجت نفسي مرتين لاجل اكون بعيد عن طرف الغرفه نزعت المشط ولقمت المشط الثاني اذا الكلب صار على طرف السطح صوبت باتجاهه وضربت اصبته تحت اذنه اليسرى ووقع من على سطح الغرفه على الارض رديت ضربت عليه 4 رصاصات تأكدت اني قتلته ناديت على ابو مرزوق .
قالي :ام مرزوق مغمى عليها .
انتبهت اذا الكلب اللي طعنته يحاول يوقف على ارجوله اقتربت منه واطلقت عليه زخة من الرصاص .
قلت : يا ابو مرزوق جيب ام مرزوق ناخذها على المستشفى .
طلع من البيت وهو يحملها حطيناها في السياره وحينها انتبه انها يدي تنزف جاب مويه غسلتها اكتشفت انه فيها حوالي 7 جروح واثر نيوب الكلب في ساعدي الايسر .
قالي : انا اسوق السياره طلعت معه ورحنا المستشفى .
كمل كلامه لي لا تواخذني يا رفيقي ارتفع الضغط عند ام مرزوق والمشكله انها ما قالت لي انه دواء الضغط خلصمن الخوف وارتفاع الضغط اغمي عليها .
رديت عليه : على ويش تعتذر وتتأسف نخيتني ما اتوخر عنك ابد
ورحنا المستشفى هناك اعطو ام مرزوق علاجها وانا تم قطب جرحين في ساعدي واخذو عينه من اثار لعاب الكلب اللي على ثوبي حتى يفحصوه وللتأكد انه ما عنده مرض الكلب او السعار .
والحمدلله انه الكلب ما في اي مرض رجعنا للديره كانت الساعه قاربت الواحده بعد نص الليل .
ثاني يوم اتصلنا على دائرة البيطره جت من عندهم سياره وحطو افخاخ وسموم نتج عنها موت حوالي 17 كلب من هالكلاب الضاله كانت هالكلاب مشكله ومدري من وين جت على الديره .

صوره للكلاب الضاله في منطقة الرمثا عندنا في الاردن .

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نسيج \| الدراز \| رغم المداهمات الشرسه إلا انهم لم يستطيعوا القبض على اي	محروم.كوم	منتدى أخبار المواقع والمنتديات العربية والأجنبية	0	02-20-2012 06:50 AM
نسيج \| الدراز \| رغم المداهمات الشرسه إلا انهم لم يستطيعوا القبض على اي	محروم.كوم	منتدى أخبار المواقع والمنتديات العربية والأجنبية	0	02-20-2012 06:30 AM
حملة قناة الجزيرة الشرسه والحاقدة على دولتنا الحبيبه	محروم.كوم	منتدى أخبار المواقع والمنتديات العربية والأجنبية	0	05-03-2010 12:20 PM
مجلة وداعا مجلة ماى ايجى وعرب سيد حصريا سكربت مجلة ذكى نت 2010 المتقدمه ..	محروم.كوم	منتدى أخبار المواقع والمنتديات العربية والأجنبية	0	04-20-2010 07:00 PM
اللعبه الشرسه التى من المؤكد ستحوز على اعجابك wanted: Weapons of fate (pc)	محروم.كوم	منتدى أخبار المواقع والمنتديات العربية والأجنبية	0	06-18-2009 02:40 AM