تبي تعرف شلون تصيد السبيطي دش

محروم.كوم · #1 08-29-2009, 10:30 PM

السلام عليكم
حبيت افيكدكم يا شباب الي انشالله راح يفيدكم
. شي مهم عنه جدا جدا :- بالصيف
الصبيطي ينصاد بالي يرعى منه مثلا اذا كان يرعى من الزوري تصيده بالزوري و اذا
عوم هم ينصاد بالعوم و اذا ميد ينصاد بالصلاخه هذا بالصيف من آخر شهر 4 لين اول شهر 11
(حسب المرعى الموجود)

و بالشتى يدور الشي الي في دهن مثل مصارين الدجاج او الجليك (الصلاخه الخايس)

هذا بالنسبه للييم

2. الوكت الي يظرب فيه الصبيطي
عندكم نص الشهر العربي 13 - 14 - 15 - 16 اول السجي (الرشه) يكون القمر بدر و المايه تكون حاميه واجد و تكون بمايه رق 3 قدو او بالكثير 5 قدم
و الفجر
و المغرب
وهذي من احسن الاوقات الي اصيده بكثره
(مو معناته ما ينصاد بي غير هل وكت) و هذا رزق

3. احسن خيط انا جربته للصبيطي
42 بيج جيم امريكي وايد قوي بس مافيه شده على الصخر
و اماكن الصخر السوبر سوفت الايطالي 55 لانه في شده على الصخر

4.من احسن طرق الترديع تكون ركه و بلد خراري
(المسافه من الميدار لين المدور = المسافه من الاصابع الي الى الكوع)
و يفضل البلد صغير او حسب جرت المايه
و اذا تبي بس اصبيطي الميدار يكون 0.4 بوصده بو شوكتين
و اذا امزيزي او شعم رقم 10 بوصده بوشوكتين

5. لما يظرب
عموما الصبيطي السمكه الوحيده الي ما تظرب مثل باقي السمج
اول شي يسويه الصبيطي يطق الييمه بذيله بعدين يرخي (يشيلها و يقربها) تلاحض الخيط يرخي قبل لا يغيظ (يخمط) بعدين يخمط
الي انا اسويه ساعات من يرخي الخيط الشطه
و اذا ابيه ما يروح بس يظرب اول شي لازممممممم تلشط عشان يحوشه الميدار بعدين تعطيه على راحته بس بثقل عشان ما يقص (اذا ما لشطته يزوع الميدار) و الصبيطي بسرعه يتعب
و تلقاه اول ما يضرب يطفح سحبه على الراحه و رفعه باليزه و حاول ما تخليه يشوف الجزه
لانه اذا شافها راح يقحص و يقص الخيط ف حاول تخمطه خمط

و سلامتكم طبعا هذا كله انا امجربه بنفسي و عسى اكون وصلت لك و للاخوان الحداقه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شلون تعرف ان جهازك فيه ملفات تجسس ..؟	محروم.كوم	منتدى أخبار المواقع والمنتديات العربية والأجنبية	0	12-09-2009 08:10 AM
شلون تعرف اسمك بالياباني بسهوله	محروم.كوم	منتدى أخبار المواقع والمنتديات العربية والأجنبية	0	09-11-2009 11:50 AM
السبيطي	محروم.كوم	منتدى أخبار المواقع والمنتديات العربية والأجنبية	0	08-24-2009 10:20 PM
[طلب] : شلون بعرف جهازي شنو مواصفاته وشنو فيه مافيه.!؟	محروم.كوم	منتدى أخبار المواقع والمنتديات العربية والأجنبية	0	07-23-2009 10:10 AM
السبيطي و ولده	محروم.كوم	منتدى أخبار المواقع والمنتديات العربية والأجنبية	0	05-19-2009 04:50 AM