آيم لورا اندرسون

محروم.كوم · #1 05-14-2017, 01:00 PM

مسيكم بالخير الجميع .
توجهت ذات يوم لمدينة البتراء الاثريه وانا في الطريق داخل المدينه لقيت بطاقة تعريف شخصيه لبنت اجنبيه صرت ادور واناظر كل اجنبيه اشوفها لين لقيت البنت .
قلت لها : جود مورننج .
قالت بالعربي : صباح الخير .
قلت : ذيسس سبشل فور يو .
قالت : اوووووووووووه ثانك يو .

قلت : يو ولكم .
قالت : آيم لورا اندرسون . كولورادو ستيت .
قلت : آيم حمود . جوردان
وحينها ما ظل عندي كلام بالانجليزي ( اتكلم القليل باللغه الانجليزيه ) .
قالت : انا اعرف عربي كثييير لكن مكسر .
قلت في نفسي : جاك الفرج يا حمود .
قالت لي : انت بدوي ؟
هزيت راسي موافق .
قالت : ايش اشتغل انت ؟
قلت : ميليتري ( عسكري ).
قالت : انا شرطيه وادرس في الجامعه اسوي بحث للاختبار النهائي لاجل احصل على الشهاده الجامعيه ممكن تساعدني ؟
قلت : موافق ظليت معها لوقت العصر ثم اخذتها معي لديرتي حين وصلت البيت كان الباب مقفل عرفت انها الوالده في بيت خالي توجهت لبيت الخال عرفتها على حريم العائله .
كانت تلبس تي شيرت خفيف حين لمحها الخال قالي : نادي وحده من خواتك .
ناديت وحده منهم قالها خالي : ارطني لها بالانجليزي تلبس شيء يستر ايدينها وتلبس شيء غير هاللبس
حنا مسلمين وما احب تكون لابسه هالهدوم عندنا في البيت .
قالت لها بطريقه مناسبه واعطتها شيء من هدومها في اليوم التالي قالت لي انها تحب تجري حديث مع الخال لاجل تكتبه ضمن البحث وترفقه بالصور .
وافق خالي وجلست معنا في الديوان وتواجد في الديوان خوالي وبعض شيبان العائله .
شرح لها عن طريقة معيشتنا واعمالنا في الزراعه واخذت بعض الصور للشيبان ثم قررت تطلع جوله في الديره واطرافها اسرجت حصاني وفرس خالي ركبنا الخيول وطلعنا على اطراف الديره .
صارت تصور الاراضي المزروعه بالزيتون واللوز والتين .
ثم طلعنا لمراح حلال صديقي الشايب ابو مرزوق حين وصلناه كان يجلس على صخره كبيره يراقب الشياه والنعاج .
سولف لها عن ديرتنا وانه يشتغل في تربية الاغنام شياه ونعاج قبل غروب الشمس رجعنا للديره بعدها بيومين كان عندنا حفل زواج في الديره بعد صلاة المغرب بدينا بحفل السهره طبعا كان حفل من التراث الشعبي وقفنا الحفل لبعد صلاة العشاء بعد الصلاه رجعنا للحفل وبدينا مواويل واغاني من التراث والدحه خلال الدحه كنت مندمج في الدحه فجأه توقفو الربع وصارت همهمه .
اشر لي واحد من الربع على طرف الصف اذا البنت الاجنبيه واقفه جنب الشباب وتبي تشاركنا الدحه
خالي قال لاخوي حاتم : ارطن لها بالانجليزي هاذ الشيء ممنوع وعيب .
اخوي حاتم : توجه لها وكلمها
قالت بصوت عالي : اوكي اصور بعض الصور ولقطات فيديو للدحه
وقفت في مكان وصارت تصور بالكاميرا والفيديو ثم توجهت لمكان الحريم بنت خالتي كانت تشرح لها عن الحفل اللي يخص الحريم .
بعد العرس قالت لي : البحث جاهز وتبي تظل عندنا يومين ومن ثم ترجع على بلدها ولاية كولورادو
قالت لي : انتم تربون خيول لكنها تختلف عن خيول مزرعة جدها حيث انها خيول مزرعة جدها من
خيول المسوتنغ وهاذ الخيول بريه ولكنهم يطوعونها لاستخدمها في مزارعهم .
قلت لها : حصاني هاذ ما استبدله ب 100 راس من الموستنغ فهو عربي اصيل كريم وعزيز علي ما خذلني نهائي واتبعته ببيت شعر .

مفداه غالية علينا يجاع .
لها العيال ولا تجاع .

خلال تواجدها جلست مع حريمنا وشافتهم كيف يجهزون الطحين وعجنه وكيفية خبزه على النار
حاولت ترق الرغيف مثل حريمنا عبثا انها تسويه .
قالت لها اختي : ناظريني كيف ارق الرغيف وحركه حركه بيديها وحطت الرغيف على الصاج .
قالت البنت الاجنبيه : متى تعلمتي هالشيء ؟
قالت اختي : تعلمته وكان عمري 14 سنه كنت اشتغل شغل البيت .
بعمر 15 سنه كنت اسوي الطبيخ واجهزه حنا في ديرتنا البنات يتعلمون شغل البيت وهم صغار كنس غسل تنظيف لانها حين تتزوج ما احد يشتغل لها شغل بيتها وزوجها يحب زوجته تسوي له زاده وتنظف له بيته وهدومه .
التقطت صور خلال اشعال خبز العجين كان محدثكم ابو ظاري يجيب الحطب ويقطعه .
وتجهيزه لشوي ذبيحه سمينه .
ثاني يوم البنت تناولت فطورها عندنا واخذتها بسيارتي للمطار عطتني رقم تلفونها واخذت رقم تلفون البيت وقالت لي : ان شاء الله ارجع مره ثانيه عندكم وهاذ اللي صار لكن اسردها بعدين
وسلامتكم يالربع .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سكاكين مورا للأضاحي وغيرها من محل بتي والرحلة في الرياض	محروم.كوم	منتدى أخبار المواقع والمنتديات العربية والأجنبية	0	10-24-2012 05:10 AM
مطلوب نوكيا 8800 كاربون آرت -8800 Carbon Arte أو موتورولا أورا - Motorola Aura في جدة	محروم.كوم	منتدى أخبار المواقع والمنتديات العربية والأجنبية	0	06-13-2009 05:00 PM
ارجعلك كم سنة لورا والعب dave	محروم.كوم	منتدى أخبار المواقع والمنتديات العربية والأجنبية	0	06-02-2009 09:20 PM
لعبة لورا جونز والتراث السري لنيقولا تيسلا النسخة 1.0	محروم.كوم	منتدى أخبار المواقع والمنتديات العربية والأجنبية	0	05-19-2009 07:00 PM
اللاب توب ارجع شاشه لورا يبند؟؟؟ دقايق الله يخليكم	محروم.كوم	منتدى أخبار المواقع والمنتديات العربية والأجنبية	0	05-07-2009 03:50 PM