الصقلاوي الاغر ابن اليحموم

محروم.كوم · #1 04-28-2017, 02:00 PM

السلام عليكم ورحمة الله وبركاته .

حين كان عمري كان عمري 10 سنين اشترى خالي ابو حاتم فرس صقلاويه اسمها هدبه لاقحه من فحل صقلاوي اسمه عقاب .
طبعا الفرس كان معها اوراق سلالتها حين ولدت كان مهر لونه اسود محجل الاربع ارجول وله في وجهه خط ابيض من جبينه حتى خشمه .
قلت لخالي : ويش رايك يبه نسميه اليحموم ؟
قالي : ويش معنى هالاسم ؟
قلت له : اليحموم معناه الدخان الاسود الحار . وحصان الملك النعمان بن المنذر اللخمي كان اسمه اليحموم .
قال خالي : توكلنا على الله نسميه اليحموم .
طوعنا اليحموم وعسفناه وكان عمره سنه ونص خالي عطاني اليحموم هديه وظل عندي قبل يموت بفتره اشتريت فرس .
فصيلتها معنقيه اسمها نشميه لقحت الفرس من حصاني مات اليحموم وكان عمره 20 سنه كان موته طبيعي .
حين مات اليحموم حزنت عليه وتضايقت كان رفيقي بمشاوير وطلعات بر وصيد وقنيص .
طلبت من شخص في ديرتنا يجيب الجرافه اللي يمتلكها وحفرنا حفره كبيره جنب البيت وربطنا الحصان بالحبال ونزلنا الحصان في الحفره .
قالي خالي : يبه عندك من نسل اليحموم ولده الاغر الله يعوضك خير باليحموم .
الاغر كان نفس والده بلونه وتحجيله لكن غرته طويله بزود ولاجل كذا اسميته الاغر قررت اطوعه واعسفه فعلا طوعته وعسفته .
وصرت اصفر له صفير معين يجيني في يوم كان عندي حميدي صديق طفولتي وبنفس الوقت يكون زوج اختي بالرضاعه ( بنت خالتي ) .
وقفنا خلف الدار وطلبت منه يصفرمثلي ما جاني حصاني حين صفرت جاني الحصان كررنا هالامر مرات .
قالي حميدي : حصانك يعرف نغمة صفيرك ويميزها قليل من البشر يقدر يميز هالشيء .
ذات يوم صار كلام بيني وبين شخص من الديره بديوان خالي .
قال هالشخص : ما في فرس او حصان في الديره يستعصي علي ساعة زمن باذن الله تعالى يكون معي مثل الخروف .
رد عليه جاري الشايب ابو عواد : ما عرفت حصان ابو ضاري اجزم انك ما تقدر تركبه .
رد عليه هاذ الشاب : يا ابو عواد حصان ابو ظاري مثل غيره من الخيول ما يستعصي علي .
رديت عليه : احذر من اللي تتمناه وانصحك نصيحه لوجه الله تعالى لا تحاول تعتلي صهوته .
هاذ الشاب صمم الا يركب الاغر .
قلت له قدام الربع : لا تحملني مسؤولية اللي يحصلك حصاني ما يرضى غيري يمتطيه .
وافق على هالشرط بشهادة الربع الموجودين في الديوان .
رحنا لبيتي اسرجت ولجمت الاغر وقلت له : تفضل ورينا فروسيتك حين صار بظهر الاغر لحظات بدا الاغر يقفز ويظارب .
ويطرد بحوش البيت ويقوم يرمي الشاب عن ظهره رحنا وقفنا الشاب على ارجوله وتطمنا عليه .
قال : عطني فرصه ثانيه يا ابو ظاري .
قلت له : تفضل ما امنعك .
ونفس المره الاولى الحصان رماه عن ظهره فوقع على طرف سياج الحوش رحنا عليه وقفناه على ارجوله وتطمنا عليه .
ما في اي كسور او رضوض او اذى والحمدلله .
قالي هاذ الشاب : يا ابو ظاري حصانك مو طبيعي اول حصان يستعصي علي .
بعض الربع في الديره طلبو مني حصاني يلقح افراسهم ومنهم صديق طفولتي حميدي .
اعرض لكم صوره لفرس من نسل حصاني الاغر لكن بدون تحجيل لقيتها بالصدفه على النت .
وتوكدت من راعي هالفرس
انها هالفرس هي فرسه اللي يمتلكها .

اتمنى ان ينال الموضوع رضاكم .

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة صيد الوز الاغر الشهر 12_2011	محروم.كوم	منتدى أخبار المواقع والمنتديات العربية والأجنبية	2	06-14-2016 11:43 PM
نبارك لموالي اهل البيت (ع) ذكرى عيدالغدير الاغر	محروم.كوم	منتدى أخبار المواقع والمنتديات العربية والأجنبية	0	10-12-2014 06:20 PM
اهل الخبره بالدينالي ارجوا الدخلول	محروم.كوم	منتدى أخبار المواقع والمنتديات العربية والأجنبية	0	01-27-2012 12:50 AM
التـــــــــــصويت ل افضل شركة توصيل × الرجاء من الجميع الدخلول	محروم.كوم	منتدى أخبار المواقع والمنتديات العربية والأجنبية	0	09-01-2011 05:30 PM
سارجوا الدخلول للاهمية	محروم.كوم	منتدى أخبار المواقع والمنتديات العربية والأجنبية	0	06-12-2010 12:50 PM