ثوب ابيض وشماغ وعقال العز

محروم.كوم · #1 04-21-2017, 11:30 PM

السلام عليكم ورحمة الله وبركاته .
ذات يوم ارسل لي والدي اللي رباني ( خالي ) رحت له دخلت البيت كان يجلس في الديوان لحاله وجنبه صره كبيره عباره عن شماغ فيه اشياء ما عرفتها .
حبيت على يده فسحبها وقال الله يرضى عليك .
سألني : كم عمرك يا الغالي ؟

قلت : بلغت 20 سنه .
قال : هاذ من اللي تركه والدك الله يرحمه خذه اذا ما تبيه انا اتصرف فيه .
فتحت الصره لقيت فيها اثواب واحد لونه ابيض جديد . والثاني لونه ازرق يميل للكحلي .
وشماغين وغتره وبشت صيفي والثاني شتوي ومجند .كنت في ذيك الايام ارتدي البناطيل والقمصان
قالي خالي : والحين البس الثوب الابيض والبشت والشماغ وتعال .
رحت لغرفه بدلت هدومي وحين طلعت من الغرفه وقربت من خالي قام وقف على ارجوله .
ورفع العقال عن راسي وعلقه بيده وصار يعدل الشماغ على راسي وثم حط العقال .
وعطاني المجند لبسته ولبست فوقه البشت .
قالي خالي : هاذ كان لرحمة والدك ظليت كل سنه اجدد رخصته في موعدها خذه وانا متوكد انك تعرف تستخدمه .
كان مسدس نوع كولت صناعه امريكيه حطيته في جرابه وقام خالي نادى على امي وخالاتي .
حين شافوني قالت الوالده : تبارك الله يذكرني بوالده الله يرحمه .
نزعت البشت وطويته وعطيته لامي والمجند فكيته وعطيته للوالد .
قالي : هاذ الحين لك كان امانه عندي ورديتها لك .
اخذته وخليته في البيت اذا في حفل او فرح للاقارب في الديره البسه حين نسوي الدحه .
من ذاك اليوم اعتدت لبس الثوب والشماغ وعقال العز مع العلم انه عندي 4 بدلات رسميه .
بناطيل وقمصان وجاكيتات وربطات عنق ما البس منها الا في حالات قليله جدا .
لكن طبيعة عملي السابق قبل التقاعد كان يتطلب لباس رسمي ( بنطال وقميص ) .
وحلاقة الذقن يوميا والنظافه متطلب اساسي في الصباح وقبل النوم .
وسلامتكم يالربع .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لاتمدح الرجال من ثوب وعقال	محروم.كوم	منتدى أخبار المواقع والمنتديات العربية والأجنبية	0	05-03-2015 11:50 PM
((جذب العش وجني العش والله يكفينا شر الغش))	محروم.كوم	منتدى أخبار المواقع والمنتديات العربية والأجنبية	0	04-19-2013 10:40 PM
اذا المراجل لبسة شماغ وعقال .. قل للعذارى يلبسن العمايم	محروم.كوم	منتدى أخبار المواقع والمنتديات العربية والأجنبية	0	06-25-2009 12:10 AM
اذا المراجل لبسة شماغ وعقال .. قل للعذارى يلبسن العمايم	محروم.كوم	منتدى أخبار المواقع والمنتديات العربية والأجنبية	0	06-25-2009 12:00 AM
وعقال العمر كله ..	مــ اكون ــن	نغمــات للهــواتف	2	02-28-2009 11:26 PM