|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته .
__DEFINE_LIKE_SHARE__
ذات يوم ارسل لي والدي اللي رباني ( خالي ) رحت له دخلت البيت كان يجلس في الديوان لحاله وجنبه صره كبيره عباره عن شماغ فيه اشياء ما عرفتها . حبيت على يده فسحبها وقال الله يرضى عليك . سألني : كم عمرك يا الغالي ؟ قلت : بلغت 20 سنه . قال : هاذ من اللي تركه والدك الله يرحمه خذه اذا ما تبيه انا اتصرف فيه . فتحت الصره لقيت فيها اثواب واحد لونه ابيض جديد . والثاني لونه ازرق يميل للكحلي . وشماغين وغتره وبشت صيفي والثاني شتوي ومجند .كنت في ذيك الايام ارتدي البناطيل والقمصان قالي خالي : والحين البس الثوب الابيض والبشت والشماغ وتعال . رحت لغرفه بدلت هدومي وحين طلعت من الغرفه وقربت من خالي قام وقف على ارجوله . ورفع العقال عن راسي وعلقه بيده وصار يعدل الشماغ على راسي وثم حط العقال . وعطاني المجند لبسته ولبست فوقه البشت . قالي خالي : هاذ كان لرحمة والدك ظليت كل سنه اجدد رخصته في موعدها خذه وانا متوكد انك تعرف تستخدمه . كان مسدس نوع كولت صناعه امريكيه حطيته في جرابه وقام خالي نادى على امي وخالاتي . حين شافوني قالت الوالده : تبارك الله يذكرني بوالده الله يرحمه . نزعت البشت وطويته وعطيته لامي والمجند فكيته وعطيته للوالد . قالي : هاذ الحين لك كان امانه عندي ورديتها لك . اخذته وخليته في البيت اذا في حفل او فرح للاقارب في الديره البسه حين نسوي الدحه . من ذاك اليوم اعتدت لبس الثوب والشماغ وعقال العز مع العلم انه عندي 4 بدلات رسميه . بناطيل وقمصان وجاكيتات وربطات عنق ما البس منها الا في حالات قليله جدا . لكن طبيعة عملي السابق قبل التقاعد كان يتطلب لباس رسمي ( بنطال وقميص ) . وحلاقة الذقن يوميا والنظافه متطلب اساسي في الصباح وقبل النوم . وسلامتكم يالربع . |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لاتمدح الرجال من ثوب وعقال | محروم.كوم | منتدى أخبار المواقع والمنتديات العربية والأجنبية | 0 | 05-03-2015 11:50 PM |
((جذب العش وجني العش والله يكفينا شر الغش)) | محروم.كوم | منتدى أخبار المواقع والمنتديات العربية والأجنبية | 0 | 04-19-2013 10:40 PM |
اذا المراجل لبسة شماغ وعقال .. قل للعذارى يلبسن العمايم | محروم.كوم | منتدى أخبار المواقع والمنتديات العربية والأجنبية | 0 | 06-25-2009 12:10 AM |
اذا المراجل لبسة شماغ وعقال .. قل للعذارى يلبسن العمايم | محروم.كوم | منتدى أخبار المواقع والمنتديات العربية والأجنبية | 0 | 06-25-2009 12:00 AM |
وعقال العمر كله .. | مــ اكون ــن | نغمــات للهــواتف | 2 | 02-28-2009 11:26 PM |