أســـــس وأبداعــاتــنــا في ردودنــــا على المـــواضـــيع !!! أرجو المشاركه

كويتي · #1 04-16-2008, 10:55 AM

[align=center] أســـــس وأبداعــاتــنــا في ردودنــــا على المـــواضـــيع !!!

هالمشكله أنا أعانيه منها من البعض هداهم الله وأكيد غيري يعانيها...

وللحين مستمره مادري هالاخوان والاخوات متى يتغيرون..

وشكثر من الاخوان والاخوات يكرهون المنتدى ويطلعون والله..

روحه بلا رده ذهاب دون اياب ..

تدرون ليش ,,,

تبون تعرفون

متأكدين ؟

من اهل هالردود اللي مكرهينا عيشتنا بالمنتدى

فيه نكات وأقلام ..

طقت وتطاولت وأستهزأت وتعدمو بالسخريه والاهم من هذا الوقاحه

بتعاملهم بدون مصداقيه

وغيرها هناك وهناك وهناك الخ الخ حالها حال أي منتدى فيه عنصريه وعصابات وأحزاب وشلليه

ولا فيه أحترام من البعض لا للثقافات بأنواعها أن كانت تعليميه أو مذهبيه أو قبليه من البعض ..

ومافيه شك والتعبير نختصره في ردودنـــــــــــــــــــــــــا

الردود الكل يقدر يرد ..

الامي الابتدائي المتوسط الثانوي ماجستير الجامعي الدكتوراه
السمر البيض القبليين الحضر حتى حتى العاقلين والمجانين والاصحاح والغير متزنين عقليا
مو كلهم فئات المنتديات ؟

من بنت او ولد رجل او أمراه شايب أو عجوز

مهما كانت فئتهم العمريه

فأنا أشوف كلنا نستفيد ونتعلم الردود للمواضيع

بمعناها ونظمها وأسسها وفنها

علشان مانعطي فرص لآهل القلوب السقيمه أو الردود العقيمه أو النوايا الوخيمه يكون لهم دور والله بيزيد هالفن رقي بينا وموده ومعزه ...

وعشان مانوجه اي اتهام بالتقصير او النقد بالردود لاي أحد كان مثل ماهو صاير حاليا الواحد ينتقد ولو غلطان شهدوله وأيدوه كل من دخل وراه كأنهم خراف تقاد لمعشى الغني ... <<< كنت ماشي صح بسلوبك وين دخلت الخراف ياكويتي هداك الله
..........

فوالله أنا أنصدم وأتأسف لبعض الكتاب

من بداياتهم بالمنتدى ليومنا هذا ماشيين نفس المستوى لا محاوله للتطوير ولا لكسب الناس

عقليه متحجره وحرام أصلا محاورتها

ألا أستفادو من من هم أقدم منهم ولا من هم أمهر منهم بطرحهم

وأن دل يدل على أعاقتهم الذهنيه ومايبون الرقي والتطور

أحط بين أديكم شي أنا لمسته وأمارس بعضه وأستفدت منه

على وعسى لو 1% يستفيد منها أكون حسيت أني خدمت من هم بعدي فيه ويكفي أترك بصمه

[align=right]1- كونو على يقين بتواجهون من يخالفونكم الفكر والرأي

فهنيه لا تستخدم عدائك لهم بل تحلو بأفضل الاسلحه بالكلام الطيب والرد الهاديء والاقناع بكل أدب .

2- حاولو وأنتو تردون مو تقولون ما يطري بعقلكم غلط .. أقرأو الرد وردو عليه بعواطفكم ومشاعركم ومايطلع منها عبروه بردكم.

3- كلنا عيال تسعه خلو ردودكم على سجيتها على الفطره بدون تعالي وترى التواضع رفعه ومن تواضع أحبه الله فالتعالي مايعبر عن مايجول بخاطركم أو مهارت أقناعكم كثر ماهو يبين للطرف الاخر ضعف شخصك وذاتك .

4- بكلامكم الحلو تصهرون كل الكلام... ووالله حتى أرائهم تقهرونهم بخلقكم الكريم وونواياكم الحميده فبتبين قوة أستحالها ان يغلبونها فيكم .

5- الكلمت نترقب الزود أو شكرا أو موضوعك حلو كله يهون ولا نترقب الزود مهما حطيتولهم ورود أو زخرفه تراكم أحبطتو الكاتب ما عطيتوه حقه من باب الذوق الشكر والعرفان فخلو ردودكم مو مغتبسه أبدعو بأي شي يطلع معاكم دعوه جمله حلوه تقولونها يوميا المهم تعبير شخصي .

6- اذا جاكم موضوع وحبيتو تستخدمون فيه حرية التعبير وتعبير مفتوح أقرأو للموضوع دائما لا تتطبعون بطبع غيركم قولو ماتعودتوه وتعرفونه ومباح عندكم حسب شرعكم..

7- دائما الشخص اللي يتهجم بالردود تراه انسان جبان .. ويبي الطرف الاخر يرد عليه عشان يتهرب من الموضوع ويحاول يعطي انطباع لك انه قوي عشان تهابونه وتسكتون ويوهم من هم حوله بانه مميز . خيبه تخيبه هو وتميزه لا والله الى غبي

8- اذا حبيتو تعبرون عن رأيكم ومبادئكم أو عن شغله عبرو لكم كامل الحريه أطرحو رأي صائب وكلمات واضحه وخلو تعبيركم مصحوب بكلمات الحب والاحترام تخجلون كل من يقرا لكم وتكونون مصدر أعجاب عندهم .

9- تعلمو دائما نظرتكم بعيده وفكرو بكل صوب ومردود من الطرف الاخر توقعو غير المتوقع بـــــــس خلو نظركم بعيد وخارق وأنتو شوفو مثل ماشاف الطرف الثاني بس بالنوايا الطيبه .

10- الاحساس الصادق والخلق الكريم حتى لو كان على الفطره في الردود من أقوى أسرار جذب الطرف الاخر لآحترامكم ودخول قلوبهم .

11- عمره ماكان الظهور على حساب غيركم أو التخلي عن بعض من مبادئكم أو كرامتكم ولا تفرطون فيها لآي سبب كان على الاقل لحفظ دماء الوجه وماتعلمته من دينك بأخلاقك .

12- مهما كان الطرف اللي قدامي من تعليمه أو عمره أو جنسه الفرق بينا قبول كلمة الحق مهما كانت فأرقو بأنفسكم .

13- قبل لا تردون على موضوع أو رد فكرو ! تمعنو عدل ! أنوونية الرد المناسب بقلوبكم ! بعدين أنزلو لآخر الصفحه حطو ما خرج من قلوبكم من ردود وعقبها أقرأو كلام الاخرين والله تبدعون جيه .

14- البعض مع الاسف متبع خالف تعرف ويحبون دائما يدخلون دخلات شاذه أو مو من صلاحياتهم أو يفرضون رأيهم ومسوين نفسهم بتاع كلو هم يفهموم وأنتو لاء هالنوعيه شيلو ردهم مغتبس وقولوله شكرا للمرور الراقي وأسكتو عنه الناس توبخه نيابه عنكم لآن نصرت الحق مستحبه .

15- اذا أحد أختلف معانا بالرأي فقك نبادر بحترامه وأعطاء رأيه المغاير حقه ولا نحاول نثنيه عنه لآن هو حر ..وتذكرو دائما اختلاف الرأي لا يـفـسد للود قضيه .

16- أنهيكم بالتوبيخ أو المديح الزائد بالردود ... الى أذا الموقف تطلب هالشي فدربكم خضر قولولهم على شحم وردو .

17- والله التغيير دائما في المواضيع والردود يعتبر مواكبة وتطوير وتجديد فهنيه 3 أرباع الابداع لا تحرمون نفسكم منه

18- من يملك رأي سديد وقلم جريء

تساهم بطرح أفكار

تنور به دروب

تفيد فيه البشريه

تخفف ألام البعض

يعود بالمنفعه والفرحه للغير

فلا تحرمهم منه سألتك بربك أبدع ولا تخاف الله لومت لائم .

19- الجاهليين قالو بالسابق (مـن جـهـلنا نـخـطي $$ ومن أخطائنا نتعلم) فنصيحتي تعلمو من غلطاتكم وأخطائكم ... وغلط غيركم عساها بعيد من يحقدون وينقدون ... فالخطأ وارد علينا كلنا

وخير الخطائين التوابون

20- وأخر شي يا أحبتي ترى الابداع بالردود أكثر من المواضيع خلو هالشي ببالكم

والنقد بالردود ترى أكثر من المواضيع ليش مو أنتو اللي تنقدون وتعلمون عشان تتميزون ؟[/align]......

وعشان أكون صادق وأمين وخايف ربي بكلامي

أنا شــــفـــــــت الـــبــــعـــض بمنتدانا ردودهم رائعه وجميله ومفخره وأكرر البعض فقط

من ردهم نفرح

من ردهم نفتخر بكلامهم ويعود علينا بالراحه

ردود أفضل ما رائعه وهم مو بعازه أنه نذكرهم لآنهم مميزين

وأذا مصرين تعرفونهم ! لفو المواضيع وشوفوهم وتعرفون ماعنيت

:::

:: رجاءا

الكل يحذو حذوهم

وخلوهم قدوه لكم

وكونو نجوم مضيئه بمنتدانا الطيب

وأن الردود دائما هي أسرع وسيله للوصول لقلب الاعضاء عامه
:

فمازال فينا خير وكيبوداتنا تنضغط وتكتب يعني مازال فيه خير في البعض منا
هل وصلت الرساله !
[/align]

طلب خاص

سألتكم بالله أن تضيفو لسماتكم وأبداعاتكم بالردود قدر المستطاع ولا تقلدون بعض بالرد كل نك يعبر عن مابخاطره
أن أصبت شاركونو هالموضوع
وأن أخطأت وجهوني مع ذكر السبب

بنرقى بفكرنا

ونهدي هالموضوع بعد ردودكم أذا سمحو أخوانا الطاقم الاشرافي بعد أسبوع نزفه هديه للقسم العام عشان الاعضاء والعضوات الجدد يستفيدون من ردودكم ونقدمها بطبق من ذهب

فهل ستعينوني عليها !

عاد هذا ماجادت فيه نفسي وأذا فيه غلطات أملائيه طوفو __DEFINE_LIKE_SHARE__

*..كلي دلع..* · 04-16-2008, 01:06 PM

والله اني أوافقك الرأي اخويه وكل كلمه قلتها صح 100% والله كفيت ووفيت وأتمنى الأعضاء يستفيدون من موضوعك الرايع الصراحه..

وعلى فكره انا الي يردون عليه باسلوب ما يعجبني أطنش بس الصراحه هالشي يقهر ويخليني آخذ فكره مب زينه عن الي رد عليه ب هالاسلوب واحس انه ياهل وما أحط عقلي بعقله..بس والله المراقبين مب مقصرين وحاطين قوانين بس وين الي يقراها ويطبقها..

يسلموووووووووووووووو كويتي ع الموضوع الروعه ولو كنت مراقبه جان ثبته ^_^ __DEFINE_LIKE_SHARE__

كويتي · 04-16-2008, 01:15 PM

[align=center]
مهي غريبه على عضوه مميزه نفسج بارك الله فيج

لا الاداره ممكن تساعد هي ماتقصر صح بس لو كل مشرف يلغي المشاركه اللي جنها مزرعه شطولها ومافيها الى كلمتين تقال للكل البعض يحس
وهذا حال المنتديات الايد الوحده ماتصفق لازم البدايه من العضو أو العضو وخل يعرفون الاحساس نعمه

بس مثل ماتفضلتي المراحل العمريه مو نفس قبل الحين معانا أجيال المستقبل ننطر أبداعاتهم وتطبعهم من طباع اللي قبلهم

مافيج حيله ألف شكر لج

[/align] __DEFINE_LIKE_SHARE__

النعيمي · 04-16-2008, 04:52 PM

السلام عليكم ورحمة الله وبركاتة

ماشالله عليك خوية كويتي ، صدق لحد الآن شي اعضاء ردودهم تفرح وتفتح النفس شراتك ، وشرا بعض الإخوة ويانا فالاستراحة ..
حتى ياليت يت على الردود ، بعضهم للأسف مايقرا الموضوع اساسا
( من كثرت المواضيع) يبا يتلاحق ع الردود فالمواضيع الباقية لوووول

حتى انه مايدري الموضوع كاتبنة ريال ولا بنية !
0
بارك الله فيك وانته ماشالله عليك عندك شخصية في كتاباتك الواحد مايمل منها
طووول ..
0
0

تحياتي لك
0

اخوك / النعيمي __DEFINE_LIKE_SHARE__

كويتي · 04-16-2008, 05:31 PM

[align=center]
مداخله طيبه

مافيك حيله المثل يقول الحاضر ماينمدح وأنت عارف رأيي فيك من زمان

ألف شكر لك بس ماعليك

كثر الدق يفك اللحام

وعسى تعم المنفعه لللي نحبه ونبيه وهو الصالح العام للكل

ألف شكر لك أخوي النعيمي

[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشلكة لم أجد لها حل تماما و أرجو أرجو أرجو من خبراء المنتدي مساعدتي	محروم.كوم	منتدى أخبار المواقع والمنتديات العربية والأجنبية	0	12-31-2009 09:40 AM
لاصحاب الددسن أرجو المشاركه ومن لديه معلومه	محروم.كوم	منتدى أخبار المواقع والمنتديات العربية والأجنبية	0	12-14-2009 02:30 AM
أى من العملاقين القادمين ستشترى Nokia N900 or HTC HD2 ..أرجو المشاركه	محروم.كوم	منتدى أخبار المواقع والمنتديات العربية والأجنبية	0	10-28-2009 07:21 AM
الى مزبله بلا تاريخ يالقبعات السود ( أرجو المشاركه ونقف على هالحدث بتحدي)	! عشق بدوي!	الإستراحه العامة	23	01-10-2009 03:39 AM
هل نعرف الاداب العامه بطرحنا في (استراحة الحوار والنقاش) أو غيرها أرجو المشاركه أو الاطلاع مع الشكر	كويتي	الحوار والنقاش - الرأي والرأي الآخر	21	05-24-2008 03:59 AM