يا المواطنات ليش طلباتكن وايد على العرس - الصفحة 5

- { فلاسـية جميـــرا , . · 05-09-2008, 08:48 PM

بسم الله الرحمن الرحيم

السلام علييكم ورحمة الله وبركااته ...

أشكرج ختيه على هالموضوع الحسااااس الواقعي .. بالفعل ... ما في بنت ما تحب العدوول والكشخة ...

والمشكلة .. إنك تسمع إن الطلبااات الزاايدة على الزووج .. أدت للطلاااق .. فاجعة والله .. من أيااام عرفت إنه وااحد طلق وحدة غصبن عنه .. لسبب إنه كانت تضغط علييييه بالطلباات اللي كانت فوووق قدرته .. والسبب إن في بعض البناات يكوونن عاايشاات شراات الملكاات في بيت أبووهن .. وإيي الريل ويكوون امقصر .. فهالشي بيكوون كبير بالنسبة لهن .... ويتمن يقارنن بينه وبين أوبوهن وأهلهم ...

عافانا الله ... ينسوون إن الريل ستر .. ورحمة ... مودة ..

(وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً) (الروم/21). __DEFINE_LIKE_SHARE__

Qanes ALreem · 05-09-2008, 09:10 PM

[align=center]عليج السلام والرحمه ..

تسلمين اختي ع الطرح المميز والموضوع الروووعه ..

وطبعا يمكن اغلب الاعضاء يرفضون طلبات حريم هاليومين ..

وانا اتفق بهالشي , بس اختلف وياهم ف ليله العرس ...

لان ليله العرس يمكن تكون ليله وحده ف العمر ومن حق الريال و الحرمه ان يستانسون ف هالليله اخر وناسه , ولازم الريال يصرف ويخسر شوي ع هالليله وترا الحرمه ما بتتزوج كل يوم ..

وانا ما انكر ان بعض الحريم عندهن طلبات ماصخه ومالها قيمه ..

بس شو نسو ؟؟ , ها طبع حريم البلاد ولازم نتحملهن ونستر عليهن ...

تقبلي مروووري ...

Qanes ALreem[/align] __DEFINE_LIKE_SHARE__

ابكي زمان بكاني · 05-09-2008, 10:27 PM

تسلمين الغلا ع الموضوع الغاوي

مسألة غلاء المهور مسأله مهمه و كبيرة.. لأنه حتى مع توفر المساعدات للرجل و هو " صندوق الزواج" بعدهم الي يطيحون بمطب الديون..

مثل ما قالوا اخواني النعيمي و كويتي..

رايهم سليم وما فيه اي عيوب.. و القناعه مهمه في الزواج..

وتبين الصراحه..بنات هذا الزمن طلباتهن اتعيز الي ما يعيز!!

يعني سواق؟بيت؟وخدامه؟وغير هذا سياره؟!

ليش بعد تبي عرس في فندق و ذهب و حفلتين للخطوبه و الملجه؟!

هذا تفاهه.. وزيادة العنوسه سببه حلمهن الي يركضن و راه..

الحلم و الحقيقة متضادين الا بم قابل من الحلم لتحويلة حقيقة.. و القناعه كنز.. ياريت لو كل البنات يقتنعن بحال الريال الميسور و الزواج البسيط..

والسموحه..

نحتري يديدج بشوووق الغلا __DEFINE_LIKE_SHARE__

شــمــ انثى ــو خ · 05-10-2008, 10:27 AM

تسلمون اخواني واخواتي على مروركم الحلو والله يعطيكم الصحه والعافية على هذا الرد والله لا يحرمني من تواجدكم في مواضيعي تقبلوا مروري اختكم في الله

(القلب) __DEFINE_LIKE_SHARE__

ظبياني عكس القانون · 05-10-2008, 11:54 AM

ترا الحرمه هي الخسرانه في النهايه

لان عقب العرس اكيد الريال بيحاول يدفع ديونه وتفكيره كله كيف بيدفع الديون وعلى اي طلب تباه بيحشرها من الله يبا يسدد اللي عليه وهي اتي تطلب زياده
وساعات الريااييل من القهر والتفكير بهالديون يضاربون ويا حريمهم ويقولون كل منج

واذا هي ماتبي تخسر ريلها وصدق معرسه عشان الستر والسعاده تكتفي بطلبات اشيا ريلها يقدر عليه وبلا ضغوطات

ترا مافي شي بينفعها الا راحة ريلها ولا كلام الناس يوم يومين بيرمسون وهم سنين وسنين يدفعون الديون

صح ان كل شي غالي بس يرومون يستبدلون الماركات بأشيا حلوه ورخيصه
هب لازم تاخذ لها شنطه بـ 10 الاف في شنط على 200 وحلوات

اخوكم

حمدان __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الزواج من أجنبيات ( غير المواطنات ) .. نقااآآآش	محروم.كوم	منتدى أخبار المواقع والمنتديات العربية والأجنبية	0	04-29-2010 02:50 AM
أبناء المواطنات: لا نعرف دولة غير الإمارات وتجنيسنا «حق»	محروم.كوم	منتدى أخبار المواقع والمنتديات العربية والأجنبية	0	03-15-2010 04:30 AM
طرد جميع المواطنات والمواطنين الذين بعملون كمتطوعين في مستشفى توام	محروم.كوم	منتدى أخبار المواقع والمنتديات العربية والأجنبية	0	09-09-2009 10:10 AM
الهنود والوافدين من الرجال ... و ( المواطنات ) !!!	عبدالله المطروشي	الحوار والنقاش - الرأي والرأي الآخر	11	01-17-2008 02:15 PM